Jeremías 2:7

Ñanderuete Ñe’ẽ Porã 2015

Ha Che pomoingeva’ekue yvy porãme, pe’u hag̃ua hi’akue ha opaite mba’eporã amongakuaava’ekue peẽme; peẽ katu peike ha pemongy’apa che yvy, ha che mba’eteégui pejapo mba’e ky’a oporombojoguarúva.

Referencias Cruzadas

Nehemías 9:25

Ha ombopoguy hikuái itavakuéra oñemo’ã porãva ha kokue yvy iporãitéva, ha opytákuri ichupekuéra ogaita henyhẽtéva mba’e porãitágui, yendakuéra ojejapopapyréva, parralty ha olivoty, ha heta yvyra hi’a porãva, ha ipy’a rory hikuái opaite ne mba’e porãita reheve rembosako’iva’ekue ichupekuéra g̃uarã.

Nehemías 9:26

Upéi katu oñemoĩ, ha opu’ã nderehe, ha ne rembiapoukapykuéra omombo hikuái ijatukupe gotýo, ha ojuka hikuái nde profetakuéra oikóva guivépe ijapytepekuéra ha oguatava’ekue hekoitépe nde rapykuéri, ha upéicha oñemohembiapo vaive ohóvo ne renondépe.

Isaías 19:25

Yvága atykuéra Jára, ohovasáta ichupekuéra, he’ívo: Tojehovasa Egípto, che retã, Asíria, che rembiapokue, ha Israel, che mba’itéva.

Jeremías 16:18

Che amyengovia jo’a raẽta ichupekuéra hembiapo vai rehe; omongy’apágui che yvy ambue jára ra’ãnga oikove’ỹva rupi, ha omyenyhẽ che retãpy tembiapo chembojeguarúvagui.

Jeremías 3:1

Oje’e ningo: Oime ramo opoíva hembirekógui, ha upéi kóva oho ramo ha oiko ambue kuimba’e ndive, upe kuña upéva ohokuaa jevýnepa iména tenondegua rendápe; ndaiky’apái piko ko yvy kóva pene rembiapo vai rupi. Ha nde katu, reiko kuña reko vaícha heta (jára gua’u) ndive; ha upéicha ramojepe rejuse jevy che rendápe, he’i pende Ruete.

Jeremías 3:2

Ejesaupi umi desiérto rehe, ha ema’ẽ porãke, opa rupiete reñemongy’apa. Umi tape yke rehe reha’ãrõ ñemiháme, umi Arabiaygua ojapo háicha desiértope, rejeity hag̃ua umi ohasáva guive ári ha ne rembiapo vai rupi reju remongy’a rehóvo ko yvy kóvape.

Jeremías 3:9

Hembiapo ky’a rupi omongy’apa ijyvy, omomba’eguasúgui ambue járape, ojejapomava’ekue ita ha yvyrágui.

Jeremías 32:23

Ha’ekuéra oike ha oñemomba’e rire ko tetãre naiñe’ẽrenduvéi ha ndojapovéi ne rembiapoukapy he’i háicha; opaite mba’e Nde ereva’ekue ichupekuéra omboyke hikuái ha upévaguinte rembou hi’arikuéra opaite ko’ã mba’evai.

Jeremías 32:30

Umi Israel ha Juda ra’ykuéra tapia ojapo ivaíva che resa renondépe imitãrusu ára guive; hembiapo vaikuéra rupi Israelguakuéra ou chembopochy, he’i pende Ruete.

Ezequiel 20:24

ha’ekuéra omboyke haguére che ñe’ẽ, che rembiapoukapykuéra, ha omongy’águi che pytu’uha ára, ha omomba’eguasúgui ituvakuéra jára gua’u ra’ãngakuérape,

Ezequiel 20:28

Che ame’ẽma che ñe’ẽ ame’ẽtaha ichupekuéra ko yvy kóva ha agueru avei ichupekuéra ko yvy kóvape, ha’ekuéra katu oma’ẽ mayma cérro ijyvatéva rehe ha mayma yvyra ikuarahy’ã porãva rehe, ha upépe oikuave’ẽ ambue járape chembopochy hag̃ua, ha upépe avei omoĩ hikuái imba’e ryakuã porãva, ha upépe oikuave’ẽ avei ivíno.

Ezequiel 20:6

Pe ára pévape ahupi che po aguenohẽ hag̃ua ichupekuéra Egípto retãgui agueraha hag̃ua peteĩ tetãme ambosako’iva’ekue ichupekuéra g̃uarã, osyryhápe kamby ha eíra, ha pe yvy péva iporãve opaite ambue yvýgui;

Ezequiel 23:35

Uperire Ñanderuete he’ive: Nderesarái haguére chehegui, ha chereity haguére nde atukupe gotýo, upévagui Che aitýta avei nde ári ne kuña reko vaieta.

Ezequiel 36:17

Kuimba’e ra’y, Israel retã oiko ramoguare gueteri ijyvýpe omongy’a voi hembiapo vai rupi heko, ku kuña imba’asy guejývaicha oiko che renondépe.

Oséas 9:3

Israelguakuéra ndopytamo’ãi pende Ruete yvýpe, Efrain ojevýta Egípto ha Asíriape, upépe ho’úta tembi’u ipotĩ’ỹva.

Miquéas 2:10

Upévare pepu’ã ha tapeho, ko’ápe ndaha’evéima pende pytu’uha renda, peñemongy’apa haguére peñehundipáta.

Números 13:27

Ha omba’emombe’u hikuái, ha he’i: Ore rog̃uahẽ pe yvy peẽ oremondo haguépe, ha añetehápe upépe osyry kamby ha eíra; ha ko’ãva hi’akue.

Deuteronómio 21:23

katuete peñotỹva’erã he’õngue upe ára upévape, ani peheja osãingo pe pyhare pukukue Ñanderuete omaldecígui pe oñemosãingova’ekue; anítei péicha pemongy’a pende yvy Ñanderuete, Ñandejára, ome’ẽva’ekue peẽme pene mba’erã ramo.

Deuteronómio 32:9

Israel Ñanderuete mba’e, Jakóbo rembieja opyta ichupe g̃uarã.

Deuteronómio 6:18

Pejapóke mba’eporã ha hekoite peguáva Ñanderuete resa renondépe, oho porãmba hag̃ua peẽme, ha peike ha peñemomba’e hag̃ua pe yvýre Ñanderuete he’imava’ekue pende rukuérape ome’ẽtaha peẽme,