Jeremías 2:6

Ñanderuete Ñe’ẽ Porã 2015

Ha nde’íri hikuái: Mamo piko oime Ñanderuete ñaneguenohẽva’ekue Egípto retãgui, ñanesãmbyhyva’ekue desiérto rupi, peteĩ yvy nandípe, avave oiko’ỹha rupi, yvy ipiru ha iñypytũva, peteĩ yvy ojeiko’ỹha, ni avave ndoikoihápe.

Referencias Cruzadas

2 Réyes 2:14

Ha ojapyhy Elías ahoja ho’ava’ekue, ha oinupãvo pe y, he’i: Moõpa oime Ñanderuete, Elías jára, ha oinupãvo pe y Elías oinupã hagueichaite, pe y oñemboyke peteĩ yke ha ambue yke gotýo, ha Eliséo ohasa imbyte ikãha rupi.

Job 3:5

Pytũ ha ñemano tojerure jevy ichupe, arai hũ toguapy hi’ári ha ára iñypytũva tomondýi ichupe.

Job 35:10

Avave katu noporandúi moõpa oĩ Ñanderuete, oporombopurahéiva pyhare pytépe jepe.

Salmokuéra 23:4

Aguata ramojepe ka’aguy iñypytũha rupi ndakyhyjemo’ãi mba’eveichagua mba’evaígui, Nde repytágui chendive ha nde yvyra po’i ha nde yvyra puku chemoangapyhy.

Salmokuéra 77:5

Chemandu’a umi ára ymaguare rehe ha umi áño ohasamava’ekue rehe.

Éxodo 20:2

Che ningo Jahve, pende Ruete, poguenohẽva’ekue Egípto retãgui, tembiguái reko poguýgui.

Isaías 63:9

Ha’ekuéra ojejopy vaiete jave, Ha’e ojepy’apy avei, upévagui Ñanderuete ombou ijyvága rembijokuái oipytyvõ hag̃ua ichupekuéra, Ha’e ipy’aporã ohay’úgui ichupekuéra. Ha’e ojogua ichupekuéra ha omopu’ã jevy jey ha ohupi ichupekuéra ijyva ári ymaite guive.

Isaías 64:7

Ndaipóri avave ohenóiva nde réra térã oñeha’ãva ojejoko hag̃ua nderehe; upévare Nde reñomi orehegui nde rova, ha reheja ore roñehundi ore rembiapo vaikuérakue rupi.

Jeremías 13:16

pemomba’eguasu uvei Ñanderuete, pende Járape, Ha’e ombou mboyve iñypytũha ára, ha pende py oñepysãnga mboyve umi cérro iñypytũha rupi; ha ome’ẽ rãngue tesakã porãva peẽ peha’ãrõva, ome’ẽta peẽme ñemano ha ypytũ iñanambusúva.

Jeremías 2:2

Tereho ha esapukái Jerusalengua apysápe, ha ere: Péicha he’i pende Ruete: Chemandu’a nderehe, ne kuñataĩ ramoguare reikómi hekoitépe che rapykuéri, ha che rembirekorã arakuépe cherayhu porã hague, ha reju chendive pe desiértope, pe yvy oñeñemitỹ’ỹháme mba’eve.

Jeremías 2:8

Umi pa’i nde’íri: Mamo piko oime Ñanderuete. Umi che rembiapoukapy rerekua voi opu’ãmba cherehe, ha umi proféta katu omomarandu (oprofetiza) Baal rérape, ha oikova’ekue hikuái ambue jára gua’u rapykuéri, oipytyvõkuaa’ỹva avavépe.

Jeremías 5:12

Opoi hikuái Ñanderuetégui, ha he’i hikuái: Ñanderuete ndaha’evéima mba’eve ñandéve g̃uarã, ha mba’eveichagua jehasa asy ndoumo’ãi ñande ári, ndajahechamo’ãi kyse puku ni ñembyahýi;

Jeremías 5:2

Ha’ekuéra ome’ẽ ramojepe iñe’ẽ pende Ruete oikovéva rérape, ome’ẽ gua’uete oporombotavy hag̃uánte.

Jeremías 51:43

Itavakuéra oñembotaperepa, pe yvy ikãmba ha oiko ichugui yvy perõ, ijyvýpe avave oikove’ỹ hag̃ua, ha upérupi ndohasamo’ãvéi tetãyguakuéra ñemoñare.

Oséas 12:13

Peteĩ proféta rupi pende Ruete oguenohẽ Israélpe Egípto retãgui ha peteĩ proféta rupi oñangareko hese.

Oséas 13:4

Che ningo nde Jára, Egípto retã guive, nde ndereikuaái ambue járape che ykére, ndaipóri ningo ambue salvador che ykére.

Amos 2:10

Che pogueruva’ekue Egípto retãgui, ha poisãmbyhy desiérto tuichaitéva rehe 40 áño pukukue, peike peve ha peñemomba’e hag̃ua Amor retã yvy rehe.

Matéo 4:16

umi tetãygua oikóva pytũnguýpe ohecha peteĩ tesape ndetuicháva ha umi oguapýva pe ñemano’ãme g̃uarã ohesape peteĩ tesape ndetuicháva, (Isaías 9,1-2).

Deuteronómio 1:19

Ha ñasẽvo Horébgui, jahasapákuri pe desiérto ndetuichaitéva ha ñanemongyhyjéva rupi, peẽ pehechamava’ekue, Amorguakuéra yvy rape rehe, Ñanderuete he’i haguéicha ñandéve; ha ñag̃uahẽ Cadesbarnéape.

Deuteronómio 32:10

Ojohu ichupe desiértope, pe yvy ojeiko’ỹháme, yvy perõme, mymba saite oguahuhápe; ogueru ichupe, omongaru ichupe, ohekombo’e ichupe ha oñangareko porã hese hesara’ỹicha.

Deuteronómio 8:2

Penemandu’áke umi tape, pende Jára pendegueruva’ekuére, ko’ã 40 áño pukukue pe desiérto rupi, pendera’ã ha oikuaa’uka hag̃ua peẽme mba’épa oĩ pende py’apýpe, ha pejaposépa térã nahániri hembiapoukapykuéra.

Juéces 6:13

Ha Gedeon he’i ichupe: Che Jára, ore Ruete reime ramo orendive, mba’érehepa ojehu oréve ko’ã mba’e, ha mamóiko oime mayma hembiapo techapyrãva, ore rukuéra omombe’úva jepi oréve, he’ívo: Naorerenohẽipa ra’e ore Ruete Egíptogui. Ha ág̃a ore Ruete oremotyre’ỹ, ha oremoĩ Madiayguakuéra poguýpe.