Jeremías 2:5

Ñanderuete Ñe’ẽ Porã 2015

Péicha he’i pende Ruete: Mba’eichagua mba’evai piko ojohúra’e pende rukuéra oñemomombyrýgui chehegui oho hag̃ua ambue jára gua’ukuéra rapykuéri, umía ndaha’éi mba’eve ha ha’ekuéra ndojohúi pe pytyvõ oha’arõva’ekue.

Referencias Cruzadas

2 Réyes 17:15

Ha omboyke hikuái avei iñe’ẽ ha iñe’ẽme’ẽ Ha’e ojapova’ekue ituvakuéra ndive, ha umi tembiapoukapy Ha’e ome’ẽva’ekue ichupekuéra; ha oiko mba’e rei rapykuéri ha imba’ekuaa hikuái umi tetã ijerekue rupi ojapo háicha, ha ojapo avei umi mba’e Ñanderuete he’imava’ekue ichupekuéra ani hag̃ua ojapo.

Salmokuéra 115:8

Upéicha avei ijapohare, ha oimeraẽ ojeroviáva guive hesekuéra.

Isaías 29:13

Upévare Ñanderuete he’i: Ko tetã kóva oñemboja che rendápe ijurúpente, ha chemomba’eguasu hembépente, ipy’apýpe katu oñemomombyry chehegui, ha okyhyje chehegui yvyariguakuéra rembiapoukapy rupínte.

Isaías 44:9

Umi ojapóva ijára gua’u ra’ãnga ojapo mba’e rei meme, ojepotaite ramo jepe, umi ta’ãnga apohare oikuaa voi hembiapokue ndohechái ha ndoikuaaiha mba’eve.

Isaías 46:12

Peẽ cherendu, pendepy’a hatãva, ha peñemomombyrýva justíciagui.

Jeremías 10:8

Mayma oikóva guive ko yvy apére itavy ha iñarandu ivýro rei. Ijarakuéra arandu ojogua yvyra pehẽnguépe, ivýro rei.

Jeremías 12:2

Nde voi reñotỹmava’ekue ichupekuéra, ha’ekuéra oñembohapo porãgui, okakuaa ha hi’apa; ijurúpente oñemoag̃ui, ipy’apýpe katu oñemomombyry ndehegui.

Jeremías 14:22

Oime nga’u piko peteĩ jára, ijára gua’ukuéra apytépe, ikatúva omongy térãpa umi arai ogueru reínte pe ama. Ore Ruete, ore Jára, nderehe rojerovia, Nde ningo opaite ko’ã mba’e apohare.

Jeremías 2:31

Peẽ Israel ñemoñarenguéra, pejapysaka porãke pende Ruete ñe’ẽ rehe. Che piko aiko ku desiértoicha Israélpe g̃uarã, térã ku yvy iñypytũvaicha. Mba’érehepa che retã he’íra’e: Oresãsóma, araka’evéma ndorojuveimava’erã ne rendápe.

Jeremías 2:4

Jacóbo rogaygua ha mayma Israel retãygua pehendúke pende Ruete ñe’ẽ.

Jeremías 8:19

Tetã mombyrýgui oñehendu che retãygua pyahẽ ha he’i hikuái: Noĩvéi piko Ñanderuete Siónpe. Noĩvéi piko ipype hetã ruvicha. Mba’upéiko ha’ekuéra chembopochy ijára gua’u ra’ãnga ha ambue tetã jarakuéra rupi.

Ezequiel 11:15

Kuimba’e ra’y, umi Jerusalengua oñe’ẽvai nde ryke’ykuéra rehe, ne pehẽnguekuéra rehe ha mayma Israelgua rehe, ha he’i hikuái: Peñemomombyry Ñanderuetégui; oréve oñeme’ẽma ko tetã ore mba’e ramo.

Ezequiel 14:5

Che amombáyta Israel retãygua py’apy, oñemboykégui chehegui omomba’eguasu hag̃ua jára gua’úpe.

Jonas 2:8

Umi omomba’eguasúva ijára gua’úpe, oñemomombyry nde jeporiahuverekógui.

Matéo 15:8

Ko’ã tetãygua chemomba’ete ijurúpente ha ipy’apykuéra katu oĩ mombyry chehegui.

Apostolkuéra 14:15

Kuimba’ekuéra, mba’e piko pejapopeína. Ore ningo kuimba’e peẽichaguánte avei, ore romombe’únte peẽme pe salvacion rape pepoi hag̃ua pende jarakuéra ipu’aka’ỹvagui, pejevy hag̃ua yvága Jára Añeteguáva ha Oikovéva, Ñanderuete rendápe; Ha’e ningo ojapo pe yvága ha yvy, yguasu ha opaite mba’e oñemomýiva guive ipype, (Éxodo 20,11).

Romayguakuérape 1:21

Oikuaa ramojepe hikuái Ñanderuetépe, nomomba’eguasúi ni ndohechakuaái ichupe Ijaratee ramo, upévare oñehundi ipensamiénto heko pegua’ỹva rupi ha ipy’apy iñypytũmba mba’e výro rei reheve.

Deuteronómio 32:21

Ha’ekuéra chembopochy ijára gua’u rupi; chemoñeko’õi ijára gua’u ra’ãngakuéra rupi: Upévare Che avei ambopochýta ichupekuéra ambue tetã rupi, ndaha’éiva peteĩ tetã añeteguáva, amoñeko’õita ichupekuéra peteĩ tetã itarováva rupi.

1 Samuel 12:21

Aníke pejerovia jára gua’u rehe, ndojeporukuaái ni noporopytyvõkuaái, umía mba’e výro reígui voi.