Jeremías 2:10

Ñanderuete Ñe’ẽ Porã 2015

Tapehomína Chípre rembe’ýpe ha pema’ẽ porã opaite mba’ére; pemondo Cedárpe, pejesareko ha pema’ẽ porãke ojejapopa ko’ã mba’e ijapytépe, ojejapo haguéicha pende apytépe.

Referencias Cruzadas

Genesis 25:13

Ko’ãva Ismael ra’y rerakuéra, ijypykue héra Nebaiot, upéi Cedar, Adbeel, Mibsam,

1 Réyes 9:9

Ha oje’eva’erã: Opoígui hikuái Ijára, Jahvégui, oguenohẽva’ekue ituvakuérape Egípto retãgui, ha ohógui jára gua’ukuéra rapykuéri, ha oñembo’e ha omomba’eguasúgui ichupekuéra, upéicha rupi Ñanderuete ogueru hi’arikuéra ko’ã mba’evaieta.

1 Crónicas 1:7

Javan ra’ykuéra: Elisa, Tarsis, Quitim ha Rodanim.

1 Crónicas 23:1

David ituja rire, henyhẽma ára hetágui, ha omoĩ ita’ýra Salomónpe Israel retã ruvicha ramo.

1 Crónicas 23:12

Coat ra’ykuéra: Amram, Izhar, Hebron ha Uziel, oĩ hikuái irundy.

Salmokuéra 120:5

Che añembyasyete aiko haguére mbohupa ramo Mesécpe, Cedar rogakuéra apytépe.

Isaías 21:16

Ñanderuete péicha he’i chéve: Peteĩ añovénte, ha Cedar pu’aka opáta, opa háicha pe ñorãirõhára rembiapo oñeme’ẽva hembiapo repýre peteĩ áñope g̃uarãnte.

Isaías 23:1

Marandu Tíro rehe. Peẽ pemba’apóva Tarsis pegua barcoguasúpe pejahe’o soróke pende táva rogakuéra oñehundipáma. Ko profecía ha’ekuéra ohendu Chíprepe.

Isaías 23:12

Ha he’ive: Nderevy’amo’ãvéi, nde Sidon rajy, kuñataĩ rejejopy asyvareína. Epu’ã ehasa Chíprepe, ha upépe nde nderepytu’umo’ãi avei.

Jeremías 49:28

Cedar ha Hazor retã rehe ou ko ñe’ẽ kóva, umía Nabucodonosor, Babilónia retã ruvicha ombotapereva’ekue. Péicha he’i Ñanderuete: Pepu’ã ha pejeity Cedar ári, ha pehundi pe kuarahyresẽ gotyogua ra’ykuérape.

Ezequiel 16:16

Nde rejapyhy nde aokuéra, ha rembosako’i ndejupe g̃uarã heta yvy yvate hape remomba’eguasu hag̃ua ambue járape ha reñemongy’a ko’ã mba’e rehe araka’eve ndoikoiva’ekue ne mbytépe ni ndoikoveimava’erã.

Ezequiel 27:21

Arábia ha mayma Cedargua ruvichakuéra oñemu nendive ovechara’y, ovecha ha kavara machokuéra rehe; ko’ãva umi oñemuva’ekue nendive.

Ezequiel 27:6

Ha Basan peguare encína yvyrágui ojapo hikuái ne remokuéra; ha nde guapyhakuéra yvyra Chípre rembe’y peguarégui, ha elefánte ratĩnguégui oñemoinge moinge hese jeguaka ramo.

Ezequiel 5:7

Upévagui, péicha he’i pende Ruete: Peñemoĩve haguére cherehe ambue tetãnguéra oikóvagui pende jerekuévo, ha ndapeikói Che ha’e haguéicha ha ndapejapói avei che rembiapoukapy, peguata vaive uvei ambue tetãnguéragui,

Daniel 11:18

upévare pe Síria retã ruvicha ojeréta yguasu rembe’y gotýo, ombopoguy hag̃ua heta ísla, peteĩ mburuvicha guasu katu ojokóta ichupe, ha noñembohorymo’ãvéi ojevýtagui ñemotĩ tuicha reheve hetãme.

Daniel 11:30

oútagui hi’ári umi bárco Quitímgui, upévare ha’e oñemondýita ha pochypópe ojevýta oñemoĩvo Jerusalen rehe, ha ojapóta ojapose háicha, ha oñemoirũta umi Israelgua ndive opoimava’ekue Ñanderuetégui, oñemoĩ hag̃ua ambue Israelguakuéra rehe ojeroviáva Ñanderuete rehe.

Números 24:24

Ouva’erã barcoguasu Quitim y rembe’ýgui ha ombopoguýta Asíria ha Hebérpe, ipahápe katu Quitimgua oñehundietéta avei.

1 Corintoyguakuérape 5:1

Oñehendu ningo peteĩ heko ky’áva oikoha pende apytépe, koichagua teko meg̃ua noñehendúi gueteri oĩha ojerovia’ỹva Hesu Crístore apytépe jepe, peteĩ oguerekóva ikuña ramo isy angápe.

Juéces 19:30

Ha mayma ohecháva guive upéva, he’i: Araka’eve ndojejapói ha ndojehechái ko’ã mba’e Israel ñemoñarenguéra apytépe osẽha ára guive Egípto retãgui ko ára kóva peve. Pehecha porãke ko’ã mba’e, ha peikuaáke pejapova’erã ha pembohovái chéve.