Jeremías 17:4

Ñanderuete Ñe’ẽ Porã 2015

Nde Juda repoíta pe yvy ame’ẽmava’ekuégui ndéve, ha ame’ẽta ndéve nderehe ija’e’ỹva rembiguái ramo, ha reikóta peteĩ tetã ndereikuaáivape; pejatapýgui che pochy rendy rehe ha heta ára hendýta gueteri.

Referencias Cruzadas

1 Réyes 9:7

upérõ Che amosẽta Israélpe ko tetãgui Che ame’ẽmava’ekue ichupekuéra, ha avei ko ógagui Che aiporavomava’ekue che rérape g̃uarã, ha Che amombóta Israélpe che renondégui, ha peẽ peikóta toryjárõ ha ñembohoryha ramo opaite tetãnguéra apytépe.

2 Réyes 25:21

Ha Babilónia retã ruvicha oinupã ichupekuéra ha upéi ojuka ichupekuéra Riblápe, Hamat retãme; péicha ojegueraha Judayguakuérape jepokuapýpe hetãgui.

Nehemías 9:28

Ha’ekuéra oiko ramo py’aguapýpe, ojapo jevy jey ivaíva ne renondépe, ha upévare reheja ichupekuéra ho’a hag̃ua hese ija’e’ỹvakuéra poguýpe; ha ojere osapukái asy jevy ndéve hikuái, ha Nde, yvága guive, rehendu jevy ichupekuéra ha nde poriahuvereko rupi heta jevy resalva ichupekuéra.

Isaías 14:3

Ha Ñanderuete nemombytu’úta ne rembiapo pohyikuégui, nde jehasa asy ha nde jepy’apýgui.

Isaías 30:33

Aremíma oñembosako’i Asíria retã ruvichápe g̃uarã pe tenda’ípe ha hypýva ojehapy hag̃ua, ha oñembyatýma jepe’a aty ndetuicháva Ñanderuete omyendy hag̃ua ipytuhẽ hendýva ku fósforoicha.

Isaías 5:25

Ko’ã mba’e rupi Ñanderuete oñemoĩ hetãyguakuéra rehe, ha oipyso ipo ohavira hag̃ua ichupekuéra. Umi cérro oryryipa. He’õnguekuéra oñemombopa tapére ytýicha ha upeichavéramo jepe ndopíri ipochy, ha ojepyso gueteri hína ipo.

Isaías 50:11

Cháke peẽ pehatapyñáva ha pembosako’íva pende hu’y rendy, peẽ voi pe’áta pende rata ha pende hu’y rendy rupi. Che pógui voi og̃uahẽ ko’ã mba’e pene rendápe ha pehasa asyetéta ha peñehundíta avei.

Isaías 66:24

Ha osẽta hikuái Jerusaléngui, ha ohecháta umi yvyarigua re’õngue oñemoĩmava’ekue cherehe; hasokuéra araka’eve nomanomo’ãi, hata ndoguemo’ãi ha opaite yvyarigua ohechávape guive ko’ã mba’e ombojeguarúta.

Jeremías 12:7

Apoíma che retãgui, aheja rei che mba’etee, ha che ánga ohayhúvape, amoĩma umi hesekuéra ija’e’ỹva pópe.

Jeremías 15:14

Ha ndéve rome’ẽta nderehe ija’e’ỹva rembiguái ramo, peteĩ tetã ndereikuaáivape; tata rendýicha hendy che pochy pendeári.

Jeremías 16:13

Upévarehe, Che pomosẽta ko tetã kóvagui peteĩ tetãme, peẽ ha pende rukuéra ndapeikuaáivape, upépe peikóta ambue jára rembiguái ramo ára ha pyhare; Che katu ndahechaukamo’ãvéi peẽme che jeporiahuvereko.

Jeremías 18:23

Nde katu, che Ruete, reikuaapa oñemongeta ñemi hague hikuái chejuka hag̃ua; ani reheja rei ichupekuéra iñañangue, ha ani rembogue hembiapo vai nde resa renondégui; toñepysãnga hikuái ne renondépe; péicha ejapo hesekuéra nde pochyha árape avei.

Jeremías 2:14

Israel piko peteĩ tembiguái térã tembiguái ra’yre. Mba’érehe piko upéicha ramo ojegueraha ichupe tembiguái ramo ambue tetãme.

Jeremías 21:12

David róga, ejapysaka Ñanderuete ñe’ẽ rehe: Embojovake hekoitépe, eguenohẽ pe mboriahúpe ijopyhára pógui ani hag̃ua che pochy osẽ tatáicha, ha hendy rire ndaiporivéima omboguekuaáva, pene rembiapo vaiete haguére.

Jeremías 22:28

Ko kuimba’e Coníaspa peteĩ kambuchi ojepota’ỹvaha ojejokapyréva, peteĩ mba’yru avave ohayhu’ỹva. Mba’érehepa oñemombo ichupe ha iñemoñarenguérape, oiko hag̃ua peteĩ tetã ha’ekuéra ndoikuaáivape.

Jeremías 5:19

Ág̃a he’i ramo hikuái: Mba’érehe piko Ñanderuete ojapo orerehe ko’ã mba’e, upéramo eréta ichupekuéra: Peẽ pepoi haguére ichugui, pene retã oiko hag̃ua ambue jára mombyrygua rembiguái ramo, upévare Che avei apoíta pendehegui peiko hag̃ua tembiguái ramo ambue tetã mombyrygua poguýpe.

Jeremías 5:29

Ndahaviramo’ãi piko koichagua mba’evai, he’i pende Ruete; ha namyengoviamo’ãi piko peichagua tapicha rembiapo vaikue.

Jeremías 7:20

Upévare péicha he’i pende Ruete, pe Jaraitéva: Peikuaa porãke, Che añohẽta che py’aro ha che pochy ko yvy kóva ári, hetãyguakuéra, hymba, ijyvyra’a ha ikoga’akuéra ári ha ndoguemo’ãi che pochy rendy.

Lamentaciónes 1:12

Ha peẽ pehasáva umi tape rupi napeñandúi piko ore jepy’apy asy. Pema’ẽmína, oiménepa oñembyasýva ku che añembyasy háicha; Ñanderuete katu chembohasa asy ipochy rupi iñembojovakeha árape.

Lamentaciónes 5:2

Ore yvytee ohasa tetã ambuépe, ore rogakuéra opyta tetã ambueyguápe.

Ezequiel 21:31

Che añohẽta ndeári che pochy; che pochy amyendýta ndeári, ha Che romoĩta ndéve kuimba’ekuéra okyhyje’ỹva ha oporohundíva poguýpe.

Ezequiel 7:24

Upévare Che aguerúta umi tetã iñañavévape, oñemomba’e hag̃ua hogakuéra rehe; ha ambopaháta ipoguasukuéra ñembotuicha ha Che amongy’aukapáta henda marangatukuéra.

Deuteronómio 28:25

Ñanderuete napenepytyvõveiva’erã penderehe ija’e’ỹva renondépe, ha’ekuéra ipu’akáta penderehe, peteĩ tape rehe peho pejohu hag̃ua ichupekuéra ha 7 tape rehe pekañyva’erã henonderãnguéragui; ha opaite tetãnguéra yvy arigua oñemondýita ohechávo umi mba’e ojehúva guive peẽme.