Jeremías 17:3

Ñanderuete Ñe’ẽ Porã 2015

Umi mba’e repyeta oĩva guive umi cérro ha ñu rehe ha umi mba’e remono’õva’ekue ne retã ryepýpe oñemondapava’erã reñemohembiapo vai haguére umi yvy ijyvateha rupi.

Referencias Cruzadas

2 Réyes 24:13

Ha Nabucodonosor oguenohẽ opaite mba’erepyeta Ñanderuete rogaguasúgui ha tetã ruvicha rógagui, ha oipe’auka opaite óro oñu’ãva umi tembiporu ojeporúva Ñanderuete róga rembiapópe, Ñanderuete he’i haguéicha ha Salomón ojapoukava’ekue.

Salmokuéra 78:58

Ombopochy ichupe umi cérro ru’ãme oikuave’ẽvo ambue járape ha omomba’eguasúvo ta’ãngápe.

Isaías 27:9

Ko jehaviraguasu rupi ojepe’áma iñaña reko ha péva rupi Israel hi’a porã ha oñemomombyry hembiapo vaikuégui ha omongu’i ikuave’ẽmby renda itakuéra ku ita cálicha ha oity ambue jára ra’ãnga, umi Asera ha kuarahy ra’ãngakuérape avei.

Jeremías 12:12

Umi cérro perõ meve ou umi mba’e mbyaihára; Ñanderuete kyse puku ohundíta pe yvy peteĩ apýra guive ambue apýra peve; ha avave ndopytu’umo’ãvéi py’aguapýpe.

Jeremías 15:13

Opaite Juda rembiapo vaikuéra rehe, amondaukáta ne mba’erepyeta ha umi mba’eporã ojejohúva guive ne retã ryepýpe; reiete ojeguerahapava’erã ndehegui.

Jeremías 20:5

Ichupekuéra ame’ẽmbáta avei ko táva pegua mba’erepyeta, hembiapo repykue ha opaite mba’e iporãva; ame’ẽmbáta avei umi Juda retã ruvicha mba’erepyeta penderehe ija’e’ỹvape, ha omondapáta hikuái ojohúva guive ogueraha hag̃ua Babilóniape.

Jeremías 21:13

Ñanderuete he’i: Eikuaa porãke, Che apu’ãta nderehe, peẽ peikóva pe cerrokuéra pa’ũ rupi, ha peñembopy’aguapýva ko itaguasu ári pejévo: Máva piko ikatu ou oñemoĩ ñanderehe, ha mávapa oikéta ñande rogakuérape.

Jeremías 26:18

Miquéas, peteĩ Moresetgua, omomaranduva’ekue Ezequías, Juda retã ruvicha árape, ha oñe’ẽra’e mayma Juda retãyguápe, ha he’i: Péicha he’i Ñanderuete, Yvága Atykuéra Jára, Sion ojejo’óta kokuerãicha, Jerusaléngui oikóta tapere ha Ñanderuete rogaguasu cérrogui oikóta ka’aguy yvate.

Lamentaciónes 1:10

Ha hese ija’e’ỹva oike Ñanderuete rogaguasúpe ha ipojái hikuái imba’erepýre. Nde ereva’ekue jepe araka’eve ndoikeiva’erãha nde rogaguasu ryepýpe.

Ezequiel 16:39

Che romoĩta ipoguypekuéra, ha’ekuéra ombyaipáta nde yvy yvateguakuéra, oitypa hag̃ua ne kuave’ẽmby renda, ha’ekuéra oipe’áta nde aokuéra ha oguerahapáta ndehegui nde jeguaka hepyetéva, ha’ekuéra nderejáta opívo ha nandi vera retĩ hag̃uáicha.

Ezequiel 23:46

Upévare péicha he’i pende Ruete: Che amboúta hi’arikuéra soldádo aty, ombopy’atarova ha omondapa hag̃ua ichupekuéra.

Ezequiel 6:3

ha erévo: Israel cerrokuéra, pehendu pe ijyvatetéva, pende Ruete ñe’ẽ péicha he’i: Umi cerrorusu ha umi cérrope, umi yakã ha ñunguéra, peikuaa porãke, Che voi amboúta pendeári kyse puku, ha ahundíta pende apytépe umi yvy yvatekuéra oñemomba’eguasuhápe ambue jarakuérape.

Levítico 26:30

Ha ahundíta umi yvy ijyvatéva pemomba’eguasuhápe pende jára gua’u, ha aitypáta pende jára gua’u ra’ãngakuéra, ha amombóta pende retekue pende jára gua’u ra’ãnga rete oikove’ỹva ári, ha che ánga ojeguarúta pendehegui.

Miquéas 3:12

Peẽ peiko vai haguére Sion yvy oñembovóta kokuéicha ha Jerusaléngui oikóta tapere atýra, ha che rogaguasu oñemopu’ã haguépe oikóta ka’aguyguasu.

Sofonías 1:13

Upévare oñemondapáta imba’erepyeta ha hogakuéra oñembotaperéta. Omopu’ãta hogarã, ndoikomo’ãvéita katu ipype, ha oñotỹva’erã iparraltykuéra, ndo’umo’ãvéi katu ivíno.