Jeremías 17:2

Ñanderuete Ñe’ẽ Porã 2015

nde ra’ykuéra imandu’a hag̃ua ikuave’ẽmby renda rehe, ha umi Asera ra’ãngakuéra rehe, oĩva umi yvyraguasu porãva guýpe ha umi cérro rembe’y ijyvateha rupi.

Referencias Cruzadas

2 Crónicas 24:18

Upérõ opoi hikuái Ñanderuete, ituvakuéra Járagui, ha omomba’eguasu hikuái umi Asera ra’ãngápe, ha ta’ãnga ojejapopyrévape. Ko’ã angaipa rupi Ñanderuete ipochy Juda ha Jerusalenguakuéra ndive.

2 Crónicas 33:19

Iñembo’e ha mba’éichapa Ñanderuete ohendúra’e ichupe, ha mayma hi’angaipakuéra, ha mba’éichapa nomomba’éi Ñanderuetépe, ha mamoitépa omopu’ãra’e umi yvy yvate ha Asera ra’ãngakuéra oñemomirĩ mboyve, ko’ã mba’e ojehaipa profetakuéra kuatiañe’ẽme.

2 Crónicas 33:3

Ha’e omyatyrõmba jevy umi yvy yvate itúva Ezequías oitypava’ekue, ha omopu’ã jevy kuave’ẽmby renda Baalkuérape, ha ojapo Aserápe g̃uarã ta’ãnga, ha omomba’eguasu mbyjaita árare oĩvape, ha oñembo’e ichupekuéra.

Salmokuéra 78:58

Ombopochy ichupe umi cérro ru’ãme oikuave’ẽvo ambue járape ha omomba’eguasúvo ta’ãngápe.

Éxodo 34:13

Eitypa katu ikuave’ẽmby rendakuéra, ejokapa umi tete ra’ãngakuéra ha ehundi umi Asera (ijára) ra’ãngakuéra.

Isaías 1:29

Ha peñemotĩ joava’erã pehayhu ha pemomba’eguasu haguére umi yvyra tuicháva ha umi ka’avoty peiporavova’ekue rehe.

Isaías 17:8

Upéramo noma’ẽmo’ãvéi ikuave’ẽmby rendakuéra rehe ipokuéra ojapova’ekue, ni ndohechasemo’ãvéi ikuã rembiapokue, ni noma’ẽmo’ãvéi Asera ra’ãnga rehe, ni kuarahy ra’ãngakuéra rehe.

Jeremías 2:20

Hetaite árama ohasa, remopẽ hague nde cangálla ha remondoho ne sã, ha ereva’ekue: Ndaikomo’ãvéi Ñanderuete rembiguái ramo; mayma cérro ári ha yvyraguasu iporãva guýpe rejeity ku kuña reko vaícha (remomba’eguasu hag̃ua ambue járape).

Jeremías 3:23

Añetehápe roho rei romomba’eguasu hag̃ua ambue járape umi cérrore ha ore rosapukái reipa upérupi; ñande Ruetéguinte ou pe pytyvõ añeteguáva Israélpe g̃uarã.

Jeremías 3:6

Ñanderuete he’i chéve tetã ruvicha Josías árape: Rehecha piko, mba’éichapa Israel oñemoĩ cherehe. Ha’ekuéra oho mayma cérro yvate ári, ha mayma yvyra ikuarahy’ã porãva guýpe, omomba’eguasu hag̃ua ambue jarakuérape.

Jeremías 7:18

Ita’ýra ombyaty jepe’a, ituvakuéra omyendy pe tata, kuñakuéra katu ombojehe’a harína, y ha levadúra, ojapo hag̃ua pan ijyvága jára kuñáme g̃uarã ha oguenohẽ víno ijára gua’úpe g̃uarã chembopochy hag̃ua.

Ezequiel 20:28

Che ame’ẽma che ñe’ẽ ame’ẽtaha ichupekuéra ko yvy kóva ha agueru avei ichupekuéra ko yvy kóvape, ha’ekuéra katu oma’ẽ mayma cérro ijyvatéva rehe ha mayma yvyra ikuarahy’ã porãva rehe, ha upépe oikuave’ẽ ambue járape chembopochy hag̃ua, ha upépe avei omoĩ hikuái imba’e ryakuã porãva, ha upépe oikuave’ẽ avei ivíno.

Deuteronómio 12:2

Peẽ pehundipaiteva’erã umi yvy pehẽngue Canaan retãyguakuéra omomba’eguasu haguépe ijarakuérape, opytáva cérro ári, térã cérro yke rupi, térã umi yvyra kakuaaitéva guýpe.

Juéces 3:7

Ha Israel ñemoñarenguéra oñemoangaipa Ñanderuete resa renondépe, ha hesarái hikuái Ñanderuete, Ijaraitégui, ha omomba’eguasu hikuái umi Baal ha Asera ra’ãngápe.