Jeremías 10:5

Ñanderuete Ñe’ẽ Porã 2015

Ojogua ningo ku yvyarigua ra’ãngápe oñemoĩva kokuépe omondýi hag̃ua umi guyra, iñe’ẽngúgui voi ningo, ha ojeguerahava’erã ojepotahápe, ndoguatakuaáigui. Ani pekyhyje ichuguikuéra, ndojapokuaáigui mba’evai ni mba’eporã.

Referencias Cruzadas

1 Réyes 18:26

Ha ha’ekuéra ojapyhy peteĩ tóro ra’yrusu oñeme’ẽva’ekue ichupekuéra ha ombosako’i hikuái, ha ohenói Baálpe pyhareve guive asaje peve, he’ívo hikuái: Baal orembohováina, ha ndaipóri oñe’ẽva, ha ndaipóri ombohováiva, ha upejave ha’ekuéra ojeroky pe ikuave’ẽmby renda jerekuévo.

2 Crónicas 25:15

Ko’ã mba’e rupi Ñanderuete ipochy Amasías ndive, ha ombou hendápe peteĩ proféta, he’i hag̃ua ichupe: Mba’érehe piko rehekára’e umi tetã ambue járape, ndosalvaiva’ekue hetãme nde pógui.

Isaías 16:12

Ha Moabgua oho ramojepe oñembo’e hag̃ua umi yvy ijyvateha rupi reiete oñembo’éta, ndohupitymo’ãigui mba’evete.

Isaías 45:20

Peñembyaty ha peju; peñembojapa che rendápe peẽ pekañyva’ekue tetãnguéra apytégui; naiñakã porãietégui umi ogueraháva ijára yvyraguiguáva ha omba’ejeruréva ijára gua’úpe ndohupitymo’ãigui ñepytyvõ añeteguáva avavégui.

Isaías 46:1

Ho’áma upe jára gua’u Bel, ha ojeitýma avei Nebo; ha’ãngakuéra ojehupi hymbakuéra ati’y ári, ha’ekuéra omboguata ha’ãngakuéra táva mbyte rupi (procesion) omokane’õ meve hymbakuérape ijára gua’u pohyikue rupi.

Isaías 46:7

Ohupi hikuái ijati’y ári ogueraha hag̃ua hendag̃uáme; upépe opyta, ikatu’ỹre oku’e hendágui. Osapukái ramojepe ichupe hikuái, ha’e nopenái hesekuéra, ha noguenohẽkuaái ichupekuéra ijejopy vaígui.

Jeremías 10:14

Mayma yvyarigua itavy ha ndoikuaái mba’eve Ñanderuete renondépe; umi ombohykúva ijára ra’ãngakuéra otĩmbáta. Umi ojapóva ijára ra’ãnga oñembotavypáta, ipype ningo ndaipóri voi pytu porã.

Habacuc 2:19

Cháke, nde eréva pe jára ojejapova’ekuépe yvyrágui: Epáy; ha nde eréva pe jára gua’úpe ojejapova’ekue itágui: Epu’ã. Ikatúnepa umía oporohekombo’e, óro ha pláta reheve oñeñu’ãmba ramo jepe, ndaipytu porãi.

1 Corintoyguakuérape 12:2

Peẽ ningo penemandu’a porã gueteri pejerovia mboyve Hesu Crístore, peẽ peñembotyryryukava’ekue umi jára gua’u ra’ãnga rapykuéri.

1 Corintoyguakuérape 8:4

Ha añe’ẽse umi tembi’u oñekuave’ẽva rehe jára gua’úpe, jaikuaa voi ningo pe jára gua’u ndaha’eiha mba’eve añeteguáva ko múndope, ndaipóri ambue jára, peteĩnte oĩ, ha’éva Ñanderuete.

Deuteronómio 4:28

Ha upépe peikóta jára gua’u rembiguái ramo, kuimba’e ojapova’ekue, yvyra térã itágui, ha’ekuéra ndohechái, nohendúi, ndokarúi ni nohetũi.