Jeremías 10:4

Ñanderuete Ñe’ẽ Porã 2015

Óro ha óro morotĩgui ojejapo clávo, ha martíllope omoinge ani hag̃ua oku’e.

Referencias Cruzadas

Salmokuéra 115:4

Ijára gua’ukuéra katu kuimba’e rembiapokuénte, pláta térã órogui ojapova’ekue hikuái.

Salmokuéra 135:15

Umi tetãygua jára kuimba’e rembiapo voi, pláta térã órogui ojejapógui.

Isaías 44:12

Pe hiérro rehe omba’apóva ojapyhy itenáza, omba’apo tatapỹi rendýpe, imartíllope ojapo pe ta’ãnga, ha omba’apo hese ipyapy mbaretekuépe; upéi iñembyahýi ramo, ikangypa; ha ndoy’úi ramo ipy’amano.

Isaías 46:6

Ha’ekuéra oguenohẽ óro ivoságui, ha oha’ã ipirapire balánzape, ome’ẽ ipirapire óro rehe omba’apóvape ojapo hag̃ua ijára gua’u ra’ãnga, upéi oñesũ henondépe omomba’eguasu hag̃ua ichupe.

Isaías 46:7

Ohupi hikuái ijati’y ári ogueraha hag̃ua hendag̃uáme; upépe opyta, ikatu’ỹre oku’e hendágui. Osapukái ramojepe ichupe hikuái, ha’e nopenái hesekuéra, ha noguenohẽkuaái ichupekuéra ijejopy vaígui.

Oséas 13:2

Ha oñemohembiapo vaive ohóvo, ojapo ijára pyahu ra’ãngakuéra plátagui (óro morotĩgui), umi kuimba’e katupyrýva ojapokuaa háicha. Ha oipota hikuái oñekuave’ẽ umívape g̃uarã ha ohetũ joa hag̃ua ichupekuéra.

Habacuc 2:19

Cháke, nde eréva pe jára ojejapova’ekuépe yvyrágui: Epáy; ha nde eréva pe jára gua’úpe ojejapova’ekue itágui: Epu’ã. Ikatúnepa umía oporohekombo’e, óro ha pláta reheve oñeñu’ãmba ramo jepe, ndaipytu porãi.