Jeremías 10:3

Ñanderuete Ñe’ẽ Porã 2015

Umi tetã jepokuaa mba’e výro rei meme; oikytỹ yvyra ka’aguy pegua, ha umi ikatupyrýva hácha rembiapópe ojapo ichugui ijára ra’ãnga.

Referencias Cruzadas

Salmokuéra 115:4

Ijára gua’ukuéra katu kuimba’e rembiapokuénte, pláta térã órogui ojapova’ekue hikuái.

Isaías 45:20

Peñembyaty ha peju; peñembojapa che rendápe peẽ pekañyva’ekue tetãnguéra apytégui; naiñakã porãietégui umi ogueraháva ijára yvyraguiguáva ha omba’ejeruréva ijára gua’úpe ndohupitymo’ãigui ñepytyvõ añeteguáva avavégui.

Jeremías 1:16

Che ambojovakéta ichupekuéra, ha’ekuéra opoi haguére chehegui ha ohapy haguére mba’e hyakuã asýva ambue jarakuérape, ipo rembiapokuépe, ha upévare ahaviráta ichupekuéra iñaña haguére.

Jeremías 10:8

Mayma oikóva guive ko yvy apére itavy ha iñarandu ivýro rei. Ijarakuéra arandu ojogua yvyra pehẽnguépe, ivýro rei.

Jeremías 14:22

Oime nga’u piko peteĩ jára, ijára gua’ukuéra apytépe, ikatúva omongy térãpa umi arai ogueru reínte pe ama. Ore Ruete, ore Jára, nderehe rojerovia, Nde ningo opaite ko’ã mba’e apohare.

Jeremías 16:19

Nde, che Ruete, chembopu’akáva ha chemombaretéva, Nde ningo che mo’ãha pe jepy’apy vaiha árape, heta tetã ou joava’erã ne rendápe yvy apýra guive ha he’i joava’erã hikuái: Añetehápe ore rukuéra orembo’e roporombotavy hag̃ua ha ijára gua’u noipytyvõkuaái ichupekuéra.

Jeremías 2:5

Péicha he’i pende Ruete: Mba’eichagua mba’evai piko ojohúra’e pende rukuéra oñemomombyrýgui chehegui oho hag̃ua ambue jára gua’ukuéra rapykuéri, umía ndaha’éi mba’eve ha ha’ekuéra ndojohúi pe pytyvõ oha’arõva’ekue.

Levítico 18:30

Pejapóke che rembiapoukapy, ha anítei peñemongy’a avei oñemongy’a haguéicha Canaan retãyguakuéra. Che ningo Jahve, pende Jára.

Matéo 6:7

Ha peñembo’e jave ani peñe’ẽ heta rei ojapo háicha umi oikuaa’ỹva Ñanderuetépe, oimo’ãgui iñe’ẽ heta rupi oñehendukava’erãha.

Apostolkuéra 19:26

Pehendu ha pehecha ko Páblo, Efésope ha haimete opaite Ásiape ha’e oporombo’e he’ívo: Ndaha’éi jára añeteguáva umi ojejapóva kuimba’e po rupi, ha omombia heta tetãyguakuérape ñande reko tujágui.

Romayguakuérape 1:21

Oikuaa ramojepe hikuái Ñanderuetépe, nomomba’eguasúi ni ndohechakuaái ichupe Ijaratee ramo, upévare oñehundi ipensamiénto heko pegua’ỹva rupi ha ipy’apy iñypytũmba mba’e výro rei reheve.

1 Pédro 1:18

Peikuaa porãke Ñanderuete nañandejoguaiva’ekue mba’e opa rei jevyva’erã rupi, ku óro térã plátaicha, pendesalva hag̃ua pende reko vaígui, pende rukuéra ombohasamava’ekue peẽme.