Jeremías 1:9

Ñanderuete Ñe’ẽ Porã 2015

Upérõ Ha’e oipyso ipo ha opoko che juru rehe, ha he’i chéve: Péina, Che amoĩ che ñe’ẽ nde jurúpe.

Referencias Cruzadas

Isaías 49:2

Che jurúgui ojapo kyse puku hakuávaicha, ipo rupi chemo’ã porã; ha che’apo ihu’y hakuávaicha, ha chemoinge ihu’y ryrúpe;

Isaías 50:4

Ñanderuete, yvága Jára, ome’ẽ chéve peteĩ juru amokyre’ỹkuaa hag̃uáicha ikane’õvape; Ha’e chemombáy meme pyhareve ha oñe’ẽ che apysápe ahendukuaa hag̃uáicha hemimbo’eteéva.

Isaías 51:16

Ha nde jurúpe amoĩkuri che ñe’ẽ, ha romo’ã che pópe, aipyso umi yvága ha amboguapy ko yvy ipyendápe, ha ha’e Siónpe: Nde voi ningo che retã.

Isaías 59:21

Ko ñe’ẽ Che ame’ẽmava’ekue oikóta katuete, he’i pende Ruete: Che Pytu Porãite oĩhína ndeári, ha umi che ñe’ẽ amoĩva’ekue nde jurúpe, oĩva’erã nde juru ha nde ra’ykuéra jurúpe, he’i pende Ruete, ko ára kóva guive ha opaite ára peve.

Jeremías 15:19

Upéramo Ñanderuete he’i: Rejevyse ramo che rendápe, Che romog̃uahẽ jevýta ha che renondépe reiméta; ha reipe’a ramo umi mba’e iporãva umi mba’e ky’a vai apytégui, reikóta chéve che juru ramo. Ha’ekuéra tojevy ndéicha, nde katu ani reiko ha’ekuéraicha.

Jeremías 34:6

Ha Jeremías he’ipaite ko’ã ñe’ẽ tetã ruvicha Sedequíaspe, Jerusalénpe.

Jeremías 36:2

Ejapyhy peteĩ kuatia, ha ehai opaite mba’e ha’étava ndéve Israel, Juda ha mayma tetãnguéra rehe, Josías oisãmbyhy guive ko ára kóva peve.

Jeremías 5:14

Ñanderuete, Yvága Atykuéra Jára katu, he’i: Ha’ekuéra he’i haguére ko’ã mba’e, péina ápe Che amoĩta che ñe’ẽ nde jurúpe tatáicha, ko tetã kóvape amoĩta jepe’a ramo, ha ahapypáta ichupekuéra.

Ezequiel 3:10

Ha Ñanderuete he’ive chéve: Kuimba’e ra’y, emoĩ nde py’apýpe opaite mba’e Che ha’étava guive ndéve, ha nde apysakuéra tacherendu porã.

Daniel 10:10

Ha péina ápe peteĩ po opoko cherehe, chemopu’ã mbeguekatu, che po ha che py ári.

Daniel 10:16

Ha péina ápe, ojoguáva peteĩ kuimba’épe opoko che rembe rehe, ha upévo ajejurupe’a ha añe’ẽ che renondépe oĩvape, ha’évo: Che jára umi mba’e ojehechaukava’ekue rupi ou chéve ko mba’asy ha chekangypa.

Números 23:5

Ha Ñanderuete omoĩ iñe’ẽ Balaam jurúpe, ha he’i ichupe: Tereho jevy Balac rendápe, ha ere ichupe che ñe’ẽ.

Matéo 10:19

Ha penemoĩ ramo hikuái ipoguypekuéra, ani pejepy’apy mba’éichapa térã mba’épa pejeva’erã rehe; upe hóra upéva og̃uahẽvo, oñeme’ẽta peẽme upe pejeva’erãva.

Márcos 7:33

Ha Hesu omomombyry ichupe umi oñembyatýva atýgui, omoĩ ikuã ijapysápe, ha omyakỹ ikũ hendýpe.

Lúcas 12:12

Katuete pe Pytu Porãmbáva penembo’eva’erã, mba’épa pejeva’erã upe hóra upévape.

Lúcas 21:15

Che voi ningo ame’ẽta peẽme arandu ha umi ñe’ẽ peẽ pejeva’erãva, ha pe arandu Che ame’ẽtava peẽme penderehe ija’e’ỹva ndaikatúi oñemoĩ hese.

Deuteronómio 18:16

Peẽ voi pejerure Ñanderuetépe, pende Járape, Horeb cérrope pe atyguasuha árape, ha peje: Ore ndorohechasevéi ore Ruetépe, ni hataguasuete, ani hag̃ua romano.

Deuteronómio 18:17

Ha Ñanderuete he’i chéve: He’i porã hikuái,

Deuteronómio 18:18

upévare amopu’ãta ichupekuéra g̃uarã ipehẽnguekuéra apytégui peteĩ proféta ndeichagua; ha amoĩta che ñe’ẽ ijurúpe, ha Ha’e he’íta ichupekuéra opaite mba’e Che ha’éva guive ojejapo hag̃ua.