Jeremías 1:8

Ñanderuete Ñe’ẽ Porã 2015

Aníke rekyhyjétei henondepekuéra, aĩva’erã nendive rosalva hag̃ua, he’i nde Jára.

Referencias Cruzadas

Éxodo 3:12

Ha Ñanderuete he’i: Tereho, Che ningo aĩta nendive; ko techauka kóva rupi rehechakuaáta Che romondo hague: Renohẽ rire che retãme Egíptogui, peẽ chemomba’eguasúta ko cérro kóva ári.

Isaías 43:2

Rehasa ramojepe hi’y hetaite rupi, Che aĩta nendive, ha ysyry ndetuicháva nderupity ramojepe nanembojahogamo’ãi. Rehasa ramojepe tata mbyte rupi, nderekaimo’ãi, ha pe tata rendy nanderapymo’ãi.

Isaías 51:12

Che, Che voi ningo, pomoangapyhýva. Mba’érehepa rekyhyje yvyarigua omanótavagui, iñemoñarẽnguéra ojogua umi kapi’ípe.

Isaías 51:7

Pecherendúke, peẽ peikuaáva guive pe justícia, pe tetã py’apýpe oĩ che rembiapoukapy. Ani pekyhyjétei yvyarigua jeja’o vaígui, ha ani pendepy’a kangýtei ha’ekuéra ojahéi vai ramo penderehe.

Jeremías 1:17

Ndékena, ejeku’a jokua ha eñembosako’i, epu’ã ha ere ichupekuéra opaite mba’e Che ha’étava guive ndéve. Ani rekyhyje ichuguikuéra, ỹrõ Che roipy’apy asýta henondepekuéra.

Jeremías 1:19

Ha’ekuéra oñemoĩta nderehe, ndaipu’akamo’ãi katu nderehe; Che voi aĩgui nendive roguenohẽ jevy hag̃ua ipoguykuéragui, he’i nde Jára.

Jeremías 20:11

Ñanderuete katu oĩ chendive ku kuimba’e py’aguasuetéicha; upévagui umi chemuñáva oñepysãngapáta, ha ndapu’akamo’ãi cherehe, ha’ekuéra tuicha oñemotĩta, opaite mba’e ojaposéva guive osẽ vaíta, itĩndýta opytávo, ndohupitýigui umi mba’e oha’ãrõitéva ha araka’eve ndahesaraimo’ãi iñemotĩgui.

Jeremías 30:11

Che aimégui penendive posalva hag̃ua, he’i pende Ruete; ha ahundipáta umi tetãme pomosarambi haguérupi; napohundimo’ãi, pohavirátante hekoitépe, ndapohejamo’ãi katu pohavira’ỹre peikuaa hag̃ua che ha’eha pende Ruete oikovéva.

Jeremías 39:11

Ha Nabucodonosor he’i isoldádo ruvicha Nabuzaradánpe Jeremías rehe:

Jeremías 42:11

Ani pekyhyje Babilónia retã ruvichágui, pekyhyjéva gueteripéina, ani pekyhyjeve ichugui, he’i pende Ruete, Che aĩgui penendive posalva hag̃ua ipokuéragui.

Daniel 3:17

Eikuaa porãnte, ore Jára, ore romomba’eguasúva, oreguenohẽse ramo nde ratakua hendývagui ha nde pógui, Ha’e ikatu ojapo.

Daniel 3:25

Ha ha’e he’i: Mba’éicha rupi piko ahecha irundy kuimba’e ojejokua’ỹvape, oguatáva pe tata mbyte rupi ojehu’ỹre ichupekuéra mba’eve ivaíva, ha pe irundyha ojogua umi yvága jarakuéra ra’ýpe (ángel).

Matéo 10:26

Upévare ani pekyhyje ichuguikuéra, ndaipóri mba’eve oñemíva ojehechauka’ỹva’erãva, ha opaite mba’e okañýva ojekuaava’erã.

Matéo 28:20

Ha pembo’e ichupekuéra ojapo hag̃ua opaite mba’e Che ha’eva’ekue peẽme pejapo hag̃ua. Ha peikuaa porãke, Che aĩha penendive opaite ára opa peve ko ára atyguasu (ko múndo).

Apostolkuéra 18:10

Che aĩgui nendive, ha avave ndojapomo’ãi nderehe mba’evai, che areko heta ojeroviátava cherehe ko táva kóvape.

Apostolkuéra 26:17

Che rosalváta ko tetã kóvagui, ha avei umi tetã ambueyguakuéragui, Che romondótava rupi ko’ág̃a.

Apostolkuéra 4:13

Umi mburuvicha ohecha ramo mba’éichapa Pédro ha Juan py’aguasúpe omombe’u Hesu Crísto evangélio, oikuaa porã voi ha’ekuéra ndoike areiha escuélape ni noñemoarandúi hague yvy arigua arandúpe, upévare ohecharamoite hikuái.

Apostolkuéra 4:29

Ha ko’ág̃a ore Jára, ema’ẽmi umi oremongyhyjéva rehe, ha emokyre’ỹ ne rembiguaikuérape omombe’u hag̃ua ne evangélio py’aguasupópe.

Efesoyguakuérape 6:20

Upevarã che aĩ cárcelpe amombe’u hag̃ua Ñanderuete ñe’ẽ akyhyje’ỹre.

Deuteronómio 31:6

Peñeha’ã ha peñemombaretéke; ani pekyhyjétei, ha ani peñemondýi ichuguikuéra, Ñanderuete, Ñandejára, ohóta penendive; Ha’e ndopoimo’ãi pendehegui ha napenemotyre’ỹmo’ãi.

Deuteronómio 31:8

Ñanderuete ohóta ne renonderãme; Ha’e oĩta nendive, ndojeimo’ãi ndehegui ha nanemotyre’ỹmo’ãi; ani rekyhyjétei ha ani reñembopy’amirĩtei.

Josué 1:5

Avave noñemoĩmo’ãi nderehe reikove aja pukukue; aime haguéicha Moises ndive, peichaite aiméta avei nendive, ndorohejamo’ãi ha noromotyre’ỹmo’ãi.

Josué 1:9

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.