Jeremías 1:2

Ñanderuete Ñe’ẽ Porã 2015

Ñanderuete oñe’ẽ hendive, Josías, Amon ra’y, oisãmbyhy ramoguare 13 áñoma Juda retã ruvicha ramo,

Referencias Cruzadas

1 Réyes 13:2

Ko proféta kóva ogueru Ñanderuete ñe’ẽ, ha he’i: Kuave’ẽmby renda, kuave’ẽmby renda: Peikuaa porãke David ñemoñare apytégui oúta peteĩ ta’ýra, hérava Josías, ha’e oikuave’ẽva’erã ndeári umi pa’ípe oikuave’ẽmava’ekue ko yyv yvate kóvape ha ohapyva’ekue ndeári mba’e ryakuã porã ha ikanguekuéra ojehapýta ko kuave’ẽmby renda ári.

1 Réyes 13:20

Ha ojehu ningo oĩ jave hikuái mesápe, Ñanderuete oñe’ẽ pe proféta ombojevyva’ekue hapichápe.

2 Réyes 21:18

Ha omano rire Manases, oñeñotỹ ichupe hóga ka’avotýpe, Uza ka’avotykuépe; ha ita’ýra Amon oisãmbyhy hendagupe.

2 Réyes 21:24

Upéi hetãyguakuéra ojuka avei umi opu’ãva’ekuépe tetã ruvicha Amon rehe; ha hetãyguakuéra omoĩ tetã ruvicha rendaguépe ita’ýra Josíaspe.

2 Réyes 22:3

Tetã ruvicha Josías ombotývo 18 áño, tetã ruvicha omondo Safan, Azalías ra’y, Mesulam ra’yre, kuatiahaihára, Ñanderuete rogaguasúpe, he’ívo ichupe:

Jeremías 1:11

Upéi ou chéve Ñanderuete ñe’ẽ, ha he’i: Mba’épa rehecha Jeremías. Ha che ha’e: Ahecha peteĩ alméndro yvyra rakã.

Jeremías 1:4

Ha Ñanderuete ñe’ẽ ou Jeremíaspe, ha he’i:

Jeremías 25:3

Josías, Amon ra’y, Juda retã ruvicha oisãmbyhy rire 13 áño guive ko ára kóva peve ohasa 23 áño ha opaite ára ou chéve Ñanderuete ñe’ẽ ambohasa hag̃ua peẽme ha upeichavéramo jepe napehenduséi.

Jeremías 28:12

Pe proféta Hananías omopẽ riréma pe cangálla oĩva’ekue proféta Jeremías atúa ári, ou jevy Ñanderuete ñe’ẽ Jeremíaspe, ha he’i:

Jeremías 3:6

Ñanderuete he’i chéve tetã ruvicha Josías árape: Rehecha piko, mba’éichapa Israel oñemoĩ cherehe. Ha’ekuéra oho mayma cérro yvate ári, ha mayma yvyra ikuarahy’ã porãva guýpe, omomba’eguasu hag̃ua ambue jarakuérape.

Jeremías 36:2

Ejapyhy peteĩ kuatia, ha ehai opaite mba’e ha’étava ndéve Israel, Juda ha mayma tetãnguéra rehe, Josías oisãmbyhy guive ko ára kóva peve.

Oséas 1:1

Ñanderuete oñe’ẽ Oséas, Beeri ra’ýpe, Uzías, Jotam, Acaz ha Ezequías oiko ramoguare Juda retã ruvichakuéra ramo, ha Jeroboam, Joas ra’y, oiko ramoguare Israel ruvicha ramo.

Joel 1:1

Ñanderuete oñe’ẽ Joel, Petuel ra’ýpe:

Jonas 1:1

Ñanderuete oñe’ẽ Jonas, Amitai ra’ýpe, ha he’i ichupe:

Miquéas 1:1

Ko ñe’ẽ Ñanderuete he’iva’ekue Miquéas, Moresetguápe; Juda ruvichakuéra Jotam, Acaz ha Ezequías árape. Ko’ã mba’e ojehechaukava’ekue ichupe Jerusalen ha Samária rehe.

Sofonías 1:1

Ñanderuete ñe’ẽ ouva’ekue Sofonías, Cusi ra’ýpe, kóa Gedalías ra’y, kóa Amarías ra’y, kóa Ezequías ra’y, ha ko’ã mba’e ojehu Josías, Juda retã ruvicha árape; Josías ningo Amon ra’y.