Jeremías 1:16

Ñanderuete Ñe’ẽ Porã 2015

Che ambojovakéta ichupekuéra, ha’ekuéra opoi haguére chehegui ha ohapy haguére mba’e hyakuã asýva ambue jarakuérape, ipo rembiapokuépe, ha upévare ahaviráta ichupekuéra iñaña haguére.

Referencias Cruzadas

2 Réyes 22:17

Ha’ekuéra opoi haguére chehegui, ha ohapy mba’e ryakuã porãva ambue jarakuérape, chembopochy hag̃ua ipo rembiapo vai rupi; che pochy hendýma ko yvy pehẽngue kóva rehe ha ndoguemo’ãi.

2 Crónicas 15:2

Ha osẽ ojejohu hag̃ua Asa ndive, ha he’i ichupe: Cherendúke, Asa ha peẽ Juda ha Benjaminguakuéra; Ñanderuete oĩta penendive, peẽ peime ramo hendive; ha peheka ramo ichupe, pejohúta avei ichupe; pepoi ramo ichugui ha’e opoíta avei pendehegui.

2 Crónicas 28:2

Oiko uvei Israel retã ruvichakuéra rape rehe, ha ojapouka ta’ãnga mba’eykupyrégui Baálpe g̃uarã.

2 Crónicas 34:25

ojehu peẽ pepoi haguére chehegui, ha peikuave’ẽ haguére ambue járape, peẽ chembopochy opaite pene rembiapo vai rupi; upévagui añohẽta che pochy ko yvy kóva ári, ha ndoguemo’ãvéi.

2 Crónicas 7:19

Ha peẽ pemboyke ha pepoi ramo che ñe’ẽ ha che rembiapoukapýgui amoĩva’ekue pene renondépe, ha peho ramo pemomba’eguasu hag̃ua ambue járape ha peñembo’e ramo ichupekuéra,

Isaías 2:8

Juda retã henyhẽ jára gua’u ra’ãngágui ha oñesũ hikuái ipokuéra rembiapokue renondépe, ipokuéra ojapova’ekue renondépe.

Isaías 37:19

Omombopa ijarakuéra tatápe, umía ndaha’éi voi jára añeteguáva, yvyarigua rembiapokuénte, ojejapova’ekue yvyra ha itágui, upevaguínte ohundipakuaa avei ichupekuéra.

Isaías 44:15

Umía yvyarigua oiporu ijepe’arã ramo oñembyaku hag̃ua; ojatapy avei hatakuápe ombojy hag̃ua igalléta; ha ichugui ojapo avei ijára ra’ãnga ha oñesũ henondépe omomba’eguasu hag̃ua.

Isaías 65:3

Ko tetã kóva tapia chembopochy oikuave’ẽvo hemitỹnguégui, ha ohapýva mba’e ryakuã porã ita atýra ári;

Jeremías 10:15

Umía mba’e výro reiete, hembiapokue mba’e výro rei; ijehaviraha árape oñehundipava’erã.

Jeremías 10:3

Umi tetã jepokuaa mba’e výro rei meme; oikytỹ yvyra ka’aguy pegua, ha umi ikatupyrýva hácha rembiapópe ojapo ichugui ijára ra’ãnga.

Jeremías 11:12

Upéramo umi Juda tavaygua ha Jerusalengua oje’ói joava’erã ha omba’ejerure asýta ijára gua’ukuérape ha ohapýta imba’e ryakuã porã, upeichavéramo jepe umíva ndosalvamo’ãi ichupekuéra ha noguenohẽmo’ãi ichupekuéra ijehasa asyetégui.

Jeremías 11:17

Che, Yvága Atykuéra Jára, roñotỹva’ekue guive ha’éma outaha mba’evai ndeári, nde Israel ha Judayguakuéra peẽ peneñaña ha chembopochy haguére pehapývo mba’e ryakuã porã Baálpe.

Jeremías 15:6

Nde voi repoi chehegui, he’i pende Ruete; ha reñemomombyry haguére chehegui Che aipysóta ndeári che po rohundi hag̃ua; chekane’õma Che aiporiahuvereko jevy jey hag̃ua.

Jeremías 16:11

Ha upevove eréta ichupekuéra: Pende rukuéra chemboyke haguére, he’i pende Ruete, ha oiko hikuái ambue jára gua’u rembiguaikuéra ramo, henondépe oñesũ hikuái; ha’ekuéra chemboyke chéve ha ndojapovéima hikuái che rembiapoukapykuéra.

Jeremías 17:13

Nde, ore Ruete, Israel esperánza, oimeraẽ opoíva guive ndehegui oñemotĩva’erã; ha upe kuimba’e térã kuña oñemboykéva ndehegui, héra ojehaíta yvy timbo rehe, opoi haguére Ijáragui, Nde ningo ore yvu oĩháme y oikovéva.

Jeremías 18:15

Che retã ningo hesarái chehegui, ha oiko omyatatĩ mba’e ryakuã porã ambue jarakuérape, péva ningo mba’evaiete ha oiko ñepysãnga sãngahápe hape rehe, pe tape ymaguare oiko haguépe, ha ndoikói pe tape potĩ ha oñemyatyrõ haguépe,

Jeremías 19:4

peẽ pepoi haguére chehegui, ha ndapeikói hekoitépe ko yvy kóvape ha ipype peikuave’ẽ haguére mba’e ryakuã porã ambue jarakuérape, peẽ, pende rukuéra ha Juda retã ruvichakuéra ndoikuaaiva’ekue ha pemyenyhẽ haguére ko táva kóva umi ánga ipotĩva ruguykueguiguáva.

Jeremías 2:13

Ko che retã ningo ojapo mokõi mba’e ivaietereíva: Opoi chehegui, pe yvu oikovévagui, ojo’o hag̃ua hi’yendag̃ua (cistérna) soropáva, ojoko’ỹva pe y.

Jeremías 2:17

Ko’ã mba’e ojehu ndéve nde repoi rei haguére nde Ruete, nde Járagui, nemboguataséva tape porã rehe.

Jeremías 2:19

Ne rembiapo vaikue nenupãta ha reñemoĩ haguére nde Ruete rehe Che rohaviráta; ejepy’amongeta porãke ha rehecha porãta mba’eichaitépa ivai ha irova’erã nde rekove repoi haguére nde Ruete, nde Járagui, rekyhyje’ỹre, he’i nde Ruete, pe yvága atykuéra Jára.

Jeremías 2:28

Ha mamo piko oimemba nde jarakuéra rejapova’ekue. Topu’ã umía, tahecha ikatúpa nepytyvõ nde jepy’apyha árape; nde tavakuéra heta háicha, nde Juda, péicha oĩ avei nde jára gua’ukuéra.

Jeremías 4:12

Yvytu hatãitereíva Che amboúta; Che voi ambojovakéta ichupekuéra.

Jeremías 4:28

ko’ã mba’e rupi pe yvy oñembyasyete, ha pe ára yvate iñypytũta. Che ajepy’amongetáma, añe’ẽma ha nañembyasymo’ãi che rembiaporã rehe ha ndaguevimo’ãi ko’ã mba’égui.

Jeremías 44:17

Añetehápe rojapóta opaite ñe’ẽme’ẽ ore jurúgui osẽmava’ekue, roikuave’ẽ hag̃ua mba’e ryakuã porã yvága jára kuñáme g̃uarã, roñohẽvo ichupe víno, rojapo háicha jepi ore ha ore rukuéra, ore retã ruvichakuéra ha ore mburuvichakuéra, umi táva Juda peguápe ha Jerusalen callekuérape, ha upeaja roguerekómiva heta pan ha ore py’a rory joa ha mba’eveichagua mba’evai ndorohechaiva’ekue.

Jeremías 5:29

Ndahaviramo’ãi piko koichagua mba’evai, he’i pende Ruete; ha namyengoviamo’ãi piko peichagua tapicha rembiapo vaikue.

Jeremías 5:9

Aheja reínepa ko’ã mba’evaiete, he’i pende Ruete, térãpa ndahechaukaichénepa che pochy koichagua tetãme g̃uarã.

Jeremías 51:17

Tetãyguakuéra itavypa ha naiñarandúi; umi ta’ãnga apoha otĩ joáta hembiapokue reheve, ijára gua’u ra’ãnga ningo japu rei, naipytuhẽigui.

Jeremías 7:17

Nderehechái piko mba’épa ojapo hikuái Juda tavakuérape ha Jerusalen callekueraha rupi.

Jeremías 7:18

Ita’ýra ombyaty jepe’a, ituvakuéra omyendy pe tata, kuñakuéra katu ombojehe’a harína, y ha levadúra, ojapo hag̃ua pan ijyvága jára kuñáme g̃uarã ha oguenohẽ víno ijára gua’úpe g̃uarã chembopochy hag̃ua.

Jeremías 7:9

Peiko peporomonda, peporojuka, pemongy’a pene menda reko, peme’ẽ rei pene ñe’ẽ, ha hi’ári pemyatatĩ Baálpe mba’e ryakuã porã, ha peiko ambue jarakuéra peikuaa’ỹva rapykuéri.

Ezequiel 16:18

nde rejapyhy nde ao iparáva reñu’ã hag̃ua nde jára ra’ãnga ha henondepekuéra reikuave’ẽ che acéite ha che mba’e ryakuã porã.

Ezequiel 24:14

Che, pende Ruete, ha’emava’ekue guive ajapopáta avei. Ndaguevimo’ãvéi, ndaiporiahuverekomo’ãvéima ha nambyasymo’ãvéima; ambojovakéta hekoitépe nde rapekuéra ha ne rembiapokuéra, he’i pende Ruete.

Oséas 11:2

Che ahenói heta ramojepe ichupekuéra ha’ekuéra ojeive chehegui, oikuaave’ẽ Baalkuérape ha omotĩmbo mba’e ryakuã porã ambue jára ra’ãngakuérape.

Oséas 8:6

Israel retãygua ojapókuri petorora’y ra’ãnga, peteĩ ikatupyrýva rembiapokue, ndaha’éi katu peteĩ Jára, jára gua’u uvei, upévare pende tóro ra’ãnga katuete oñemongu’íta, ndorekóigui pu’aka.

Joel 2:11

Pende Ruete katu osunúta iñorãirõhára atyguasuete renondépe, hetaiterei ningo umi ojapóva hembipota; mba’eguasuete pende Ruete ára, ha oñemondyiete hikuái, mávapa ikatu ipu’aka hese.

Apostolkuéra 7:41

Ha ojapo hikuái umi ára umívape peteĩ tóro ra’yrusu ra’ãnga ha oikuave’ẽ kuave’ẽmby ichupe g̃uarã, ha oguerohory hikuái ko ta’ãnga kóva ojejapova’ekue ipokuéra rupi.

Deuteronómio 28:20

Ñanderuete ombouva’erã pendeári maldicion, jepy’apy ha ñemondýi mamo peimeháme ha pende po rembiapo oñehundi reiva’erã pemano meve.

Deuteronómio 31:16

Ha Ñanderuete he’i Moiséspe: Péina ápe, nde rekétama (remanótama) nde rukuéra ndive, ha ko tetã kóva oñemoĩ jevýta cherehe omomba’eguasu hag̃ua ambue jarakuérape pe tetã oikepotávape, upérõ opoíta chehegui ha opyrũta che ñe’ẽ ame’ẽmava’ekue rehe ichupekuéra.

Josué 24:20

Pepoi ramo Ñanderuetégui ha peiko ramo ambue jára rembiguái ramo, Ha’e oñemomombyrýta pendehegui ha ojapóta penderehe mba’e ivaíva, ha penehundiva’erã, ojapo rire heta mba’e porã penderehe.

Apocalípsis 9:20

Ha umi ambue tetãygua nomanoiva’ekue ko’ã plága rupi, noñembyasýi hikuái ojapovai haguére omomba’eguasuve uvei ohóvo Satanáme ha ijára gua’úpe ojejapova’ekue órogui, plátagui, bróncegui, ita ha yvyrágui, ndohecháiva, nohendúiva ni ndoguatáiva.