Jeremías 1:1

Ñanderuete Ñe’ẽ Porã 2015

Jeremías omombe’uva’ekue ko’ã ñe’ẽ ko’ãva; itúva Hilcías, peteĩ pa’i, oikova’ekue Anatótpe, Benjamin tríbu yvýpe.

Referencias Cruzadas

1 Réyes 2:26

Ha tetã ruvicha he’i pa’i Abiatárpe: Tereho Anatótpe, nde kokuépe. Iporãva’erãmo’ã che rojukauka, ndorojukamo’ãi katu ko árape, regueraha haguére Ñanderuete, pe Jaraitéva karameg̃ua che ru David renondépe, ha rehaságui avei opaite jepy’apy che ru ndive.

1 Crónicas 6:60

Ha Benjamin retãgui oñeme’ẽ ichupekuéra Geba, iñu porã reheve; Alémet ha Anatot iñu porãnguéra reheve. Opaite itavakuéra oĩkuri 13 táva, oñeme’ẽ ichupekuéra hogaguasu rupi.

2 Crónicas 35:25

Ha Jeremías ogueropurahéi jahe’opópe Josías réra. Ha mayma opurahéiva, kuimba’e ha kuñakuéra, opurahéi pe ñe’ẽ ñembyasy Josías reheguáva ko ára kóva peve; ha ojepokuaa hikuái pe ñe’ẽ ñembyasy rehe, ha ojeporu oñe’ẽ ñembyasy hag̃ua Israel rehe, ha oime ojehai Jeremías kuatia ñe’ẽme ko jahe’o reheguáva.

2 Crónicas 36:12

Ha ojapo ivaíva Ñanderuete resa renondépe ha noñemomirĩri proféta Jeremías renondépe, oñe’ẽva jepi ichupe Ñanderuete rérape.

2 Crónicas 36:21

Upéicha ojehu Ñanderuete ñe’ẽ Ha’e he’imava’ekue Jeremías juru rupi, pe yvy ohupity jevy peve pe pytu’u arakuéra noñeme’ẽiva’ekue, oñemboty peve 70 áño (Jeremías 25,11).

Ésdras 1:1

Círo, Pérsia retã ruvicha, oñepyrũvo oisãmbyhy hi’áño peteĩháme, oiko hag̃ua Ñanderuete ñe’ẽ he’iva’ekue Jeremías juru rupi, Ñanderuete omombáy Círo pytúpe, ha’e oikuaauka hag̃ua iñe’ẽ ha ikuatiañe’ẽ rupi hetãnguéra tuichakue javeve:

Ésdras 2:23

Anatot rehegua kuimba’ekuéragui, oĩ 128;

Isaías 1:1

Ko’ã mba’e Ñanderuete ohechaukava’ekue payetépe (vision rupi) Isaías, Amos ra’ýpe, Juda ha Jerusalen rehe, Uzías, Jotam, Acaz ha Ezequías, Juda retã ruvichakuéra arakuérape.

Isaías 10:30

Esapukái hatãke, Galim rajy, toñehendu Lais peve, Anatot osapukái angái, angái.

Isaías 2:1

Isaías, Amos ra’y, ohecha umi mba’e ojehútava Jerusalénpe ha Judayguakuéra rehe.

Jeremías 11:21

Umi kuimba’e Anatot pegua chejukaségui, he’i hikuái: Ani remomarandu (reprofetiza) Ñanderuete rérape oréve g̃uarã, ỹrõ nde remanóta ore po rupi.

Jeremías 29:27

Mba’éguipa nde nereñemoĩvéi Jeremías rehe, pe Anatotgua, omomarandúva pende apytépe.

Jeremías 30:1

Ñanderuete ñe’ẽ ou Jeremíaspe, ha he’i:

Jeremías 37:12

Jeremías osẽ Jerusaléngui oho hag̃ua Benjamin tríbu pegua yvýpe, osẽse hetãygua apytégui.

Ezequiel 1:3

Ñanderuete ñe’ẽ ou pa’i Ezequiélpe, Buzi ra’y, oĩ aja Babilónia retãme, pe ysyry Quebar rembe’ýpe; ha upépe Ñanderuete po ou hi’ári.

Daniel 9:2

che, Daniel, ama’ẽ porã umi áño rehe Ñanderuete he’iva’ekue iproféta Jeremías juru rupi ha ikuatiañe’ẽme he’i voi Jerusalen oñembotapereva’erã 70 áño pukukue.

Amos 1:1

Ko’ã mba’e Amos ohecha ha ohenduva’ekue, ha’e oiko ramoguare ovecha rerekua ramo Técoa ypýpe, ha’e oprofetiza umi mba’e oikótava Israel retãyguakuérape, Uzías, Juda retã ruvicha árape ha Jeroboam, Joas ra’y, Israel retã ruvicha árape, mokõi áño pe yvy ryrýi guasu mboyve.

Amos 7:10

Upéi pe pa’i Amasías, Betel pegua, he’iuka Jeroboam, Israel retã ruvichápe: Amos opu’ã nderehe Israel retãygua apytépe, pe tetã ndaipu’akamo’ãvéi iñe’ẽ rehe.

Matéo 16:14

Ha ha’ekuéra he’i ichupe: Oĩ he’íva, Juan Bautistaha; ambue katu he’i Eliasha; ha ambueve katu he’i: Jeremías térã peteĩva umi proféta apyteguiguavaha.

Matéo 2:17

Upéicha oiko pe proféta Jeremías he’iva’ekue:

Matéo 27:9

Péicha ojehu oiko hag̃ua proféta Jeremías he’imava’ekue: Ojapyhy hikuái umi 2.000.000 guarani (=30 pláta akytã) péva ningo pe ñu repykue, Israel ra’ykuéra ombohepyva’ekue, (Jeremías 32,6)