Genesis 9:4

Ñanderuete Ñe’ẽ Porã 2015

Ani pe’u mymba ro’o huguy reheve, huguýpe oĩ hi’ánga.

Referencias Cruzadas

Ezequiel 33:25

upévare ere ichupekuéra, péicha he’i pende Ruete: Pe’u so’o huguykue reheve, pemomba’eguasu ambue jarakuérape, peñohẽ rei pende rapicha ruguy ha upeichavéramo jepe piko peñemomba’ese ko yvy rehe.

Levítico 19:26

Ndape’uiva’erã mba’evete tuguy reheve. Ndapeikoiva’erã ta’yvõ térã paje apoha rapykuéri.

Levítico 3:17

Ko tembiapoukapy opyta opaite pene ñemoñarenguérape g̃uarã, mamo peikoha rupi, mba’eveichagua kyrakue ha mba’eveichagua ruguy ndape’uiva’erã.

Levítico 7:26

Mba’eveichagua tuguy ndape’uiva’erã mamove peikoha rupi, taha’e guyra ruguykue térã tymba ruguykue.

Apostolkuéra 15:20

Ñamondónte ichupekuéra peteĩ kuatiañe’ẽ ojehaihápe ani hag̃ua ho’u so’o oñekuave’ẽva tetã tupãnguérape (jarakuérape), ani hag̃ua oiko oñondive omenda’ỹre, ani ho’u tymba ojejajuravokava’ekue ro’o ni huguy.

Apostolkuéra 15:25

Upévare hi’ã oréve, ha peteĩ py’ápe romondo pene rendápe Júdas ha Sílaspe, ore hermanokuéra rohayhúva, Bernabe ha Páblo ndive.

Apostolkuéra 15:29

ha ko’ãva ha’e: Ani pe’u so’o oñekuave’ẽva ambue jarakuérape, tuguy ni tymba ro’o ojejajuravokáva, ha aníke peiko oñondive pemenda’ỹre. Peñemboyke ramo ko’ã mba’égui pejapo porãta, tapehasa porãite.

Deuteronómio 12:16

Tuguy añoiténte ndape’uiva’erã, ýicha peñohẽva’erã yvy apére.

Deuteronómio 12:23

Peñeñangarekóke ani hag̃ua pe’u tuguy, tuguýpe ningo oĩ pe tekove, upévare ndape’uiva’erã pe tekove (ánga) ho’o reheve.

Deuteronómio 14:21

Mba’eveichagua mymba omano reiva’ekue katu ndape’uiva’erã, ikatu peme’ẽ tetã ambueyguápe oikóva pende apytépe, ha’e ho’ukuaa; peme’ẽkuaa avei pirapire rehe tetã ambueyguápe; Che ha’éma, peẽ ningo peteĩ tetã oñemboykéva Jahve, pende Ruetépe g̃uarã. Napemomimõiriva’erã pe kavarara’y isy kambykuépe.

Deuteronómio 15:23

Huguykue katu ndere’uiva’erã, reñohẽva’erã ýicha yvy apére.

1 Timotéope 4:4

Iporãmba ningo opaite mba’e Ñanderuete ojapóva guive, ha mba’eve ndaivaíri oje’u ramo agradecimiénto reheve,

1 Samuel 14:32

Ha hetãyguakuéra ojeity mba’eita ojepe’ava’ekue ári, ha ojuka hikuái ovecha, vaka, vakara’y ha oajurakytĩvo yvýpente, ha peichaite ho’u hikuái huguy reheve.