Genesis 4:8

Ñanderuete Ñe’ẽ Porã 2015

Ha Cain he’i ityvýra Abélpe: Ñasẽmína ñúre. Ha oĩ jave hikuái ñúre, Cain oñemoĩ ityvýra Abel rehe, ha ojuka ichupe.

Referencias Cruzadas

Genesis 4:25

Ha Adan oiko jevy hembireko ndive, ha ha’e imemby peteĩ mitãkuimba’e, ha ombohéra ichupe Set: Éva he’ígui, Ñanderuete omyengovia chéve che memby Abel, Cain ojukava’ekue.

2 Samuel 14:6

Ha ne rembiguái ningo imemby mokõi, ha ãva oiko vai oñondive ñúme, ha ndaipórigui avave oipe’ava’erã ojuehegui, peteĩ oikutu ambuépe ha ojuka ichupe.

2 Samuel 3:27

Ha Abner og̃uahẽ jevývo Hebrónpe, Joab ogueraha ichupe táva rokẽguasu ryepýpe oñe’ẽ ñemíta ramoguáicha hendive; ha upépe ojuka ichupe, oikutúvo hyépe, péicha omyengovia hag̃ua ichupe ojuka haguére ityvýra Asaélpe.

2 Crónicas 21:4

Ojehupi rire Jorámpe itúva guapyha guasúpe, ha ha’e oñemombarete rire, ojuka kyse pukúpe opaite ityvyrakuérape, ha ojukamimi avei mburuvichakuérape.

Nehemías 6:2

Sanbalat ha Gesem he’iuka chéve: Ejúna ha ñañembyatymi tava’i Ono ñu meguápe. Ha’ekuéra oguerekókuri iñakãme ojapo hag̃ua mba’evai cherehe.

Job 11:15

upéicharõ remopu’ãkuaa jevy nde rova tembiapo vai’ỹre, ha reñembo’y porãkuaa, ha mba’evégui nderekyhyjemo’ãi.

Salmokuéra 139:19

Nde, ore Ruete, terejuka pe iñañávape; ha peẽ tekove tuguy ñohẽha, peñemboyke chehegui.

Salmokuéra 36:3

Japu ha ñembotavýnte osẽ ijurukuéragui, naiñakã porãvéi ha ndojapovéi mba’e iporãva.

Salmokuéra 55:21

Umi mba’e ijuru he’íva he’ẽve eíragui, ipy’apýpe katu ñorãirõ rehe ojepy’amongeta, iñe’ẽnguéra ikyrỹive acéitegui, ipahápe katu ñandekutu kyse pukúicha.

Oséas 4:2

Israelguakuéra oñe’ẽme’ẽ gua’u, ijapu, ojuka, omonda, ombyai pe mendare reko ha oñorãirõ hikuái.

Miquéas 7:6

Pe ta’ýra omongy’a itúva réra, pe membykuña oñemoĩta isýre, pe kuña omendáva oñemoĩta iména sýre, ha umi oñemoĩva hapicháre, hogayguakuéra voi.

Números 35:20

Oĩ ramo peteĩ ipy’aróva hapicha ndive ha upévare omyaña vai ichupe, térã oity ramo hi’ári oimeraẽ mba’e oitységuinte, ha hapicha omano ramo;

Matéo 23:35

Upéicha ho’apáta pendeári umi heko potĩva ruguy oñeñohẽva’ekue ko yvy ári, pe heko potĩva Abel ruguy guive pe Zacarías, Berequías ra’y peve, pejukava’ekue pe kuave’ẽmby renda ha Ñanderuete rogaguasu pa’ũme.

Lúcas 11:51

Abel ruguy guive Zacarías ruguy peve, ojejukava’ekue kuave’ẽmby renda ha Ñanderuete rogaguasu pa’ũme. Añetehápe, Che ha’e peẽme ko tetã kóva pógui ajerure jevýta (huguykue).

Lúcas 22:48

Hesu katu oporandu ichupe: Nde Júdas, peteĩ ñehetũme piko reityuka vaireína (retraiciona) yvyarigua Ra’ýpe.

hebreoyguakuerape 11:4

Abel ojeroviágui oikuave’ẽ peteĩ kuave’ẽmby iporãvéva Caíngui, upévare Ñanderuete he’iva’ekue Abel rehe: Ha’eha peteĩ heko potĩva ha Ha’e ovy’a ikuave’ẽmby reheve. Koichagua jerovia porã rupi Abel oñe’ẽ gueteri (ñandéve), omanóma ramo jepe (Génesis 4,4; Matéo 23,25).

hebreoyguakuerape 12:24

upépe oĩ avei Hesu Crísto ombojoajúva Ñanderuete ha ita’yrakuéra ha itajyrakuéra pe ñembopy’apeteĩ (jekupyty) pyahu rupi, ome’ẽvo huguy ñande jahupitykuaa hag̃ua pe perdon; huguy oñe’ẽ porãve Abel ruguýgui.

Júdas 1:11

Angái ha’ekuéra, oguatáre Caín rape rehe, oñemohembiapo vai Balaam oñemohembiapo vai haguéicha, oikova’ekue pláta potávo, ha oñemoĩ hikuái Ñanderuete rehe, upévare oñehundíta Core oñehundi haguéicha.