Genesis 4:2

Ñanderuete Ñe’ẽ Porã 2015

Ha upéi Éva imemby Cain ryvy, Abel. Abel oiko ovecha rerekua ramo, ha Cain ñemitỹhára ramo.

Referencias Cruzadas

Genesis 3:23

Ani hag̃ua péva oiko, Ñanderuete, pe Jaraitéva omosẽ ichupekuéra Eden yvatýgui, omba’apo hag̃ua pe yvýre ha’e voi oñemoingo haguégui.

Genesis 37:13

Ha Israel he’i Josépe: Nde ryke’ykuéra oiméne oñangareko che rymbakuéra rehe Siquem ñúme. Eju, che romondose hendapekuéra. Ha ha’e he’i ichupe: Ápe aĩ.

Genesis 4:1

Adan oiko hembireko Éva ndive. Ha’e hyeguasu ha imemby Cain, ha he’i: Ñanderuete rupi chememby peteĩ mitãkuimba’e.

Genesis 4:3

Ha ohasa ohóvo umi ára, Cain ogueru ikógagui ikuave’ẽmby Ñanderuetépe g̃uarã.

Genesis 47:3

Ha faraon oporandu ityke’yrakuérape: Mba’épe piko pemba’apo, ha he’i hikuái faraónpe: Ne rembiguaikuéra ovecha ha kavara rerekua, ore rukuéraicha avei.

Genesis 9:20

Uperire Noe oñepyrũ omba’apo yvy rehe, ha oñotỹ peteĩ parralty;

Salmokuéra 127:3

Peikuaa porãke, ñande ra’y ha ñande rajykuéra Ñanderuete jopói ha ijehovasaha.

Éxodo 3:1

Moises oñangareko aja hembireko ru, Jétro, pe Madian pegua pa’i ovecha ha kavarakuéra rehe, ombohasa umía pe desiérto rupi ha og̃uahẽ Horeb, Ñanderuete cérro peve.

Amos 7:15

Ñanderuete katu cherenói che rymba apytégui ha he’i chéve: Tereho ha eprofetiza che retã Israel rehe.

Lúcas 11:50

Ñanderuete ojerure jevyva’erã Israel retãgui opaite proféta ruguy oñeñohẽva’ekue, ko múndo kóva ojejapo ypy guive.

Lúcas 11:51

Abel ruguy guive Zacarías ruguy peve, ojejukava’ekue kuave’ẽmby renda ha Ñanderuete rogaguasu pa’ũme. Añetehápe, Che ha’e peẽme ko tetã kóva pógui ajerure jevýta (huguykue).

Juan 8:44

Peẽ ningo Satana ra’ykuéra, Satana pende ru ha pejaposénte pende ru rembipota vai. Ha’e ningo oporojuka ñepyrũ guive, ha’e ndoguatái añetegua rapére, ipype ningo noĩri voi pe añetegua. Oñe’ẽ guive ijapu, ipy’apýgui osẽ pe japu, ha’e ningo pe japu ruvicha voi.

1 Juan 3:10

Péicha ojekuaa porã mávapa Ñanderuete ra’y térã itajýra ha mávapa aña ra’y térã itajýra. Opaite umi ndojapóiva pe heko peguáva ha upe ndohayhúiva iñermanokuérape ndaha’éi Ñanderuete ra’y ni itajýra.

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.

1 Juan 3:15

Oimeraẽ ija’e’ỹva iñermáno rehe ningo oiko porojukahára ramo, ha péicha peikuaa opaite porojukahára ndoguerekoiha ipype pe tekove opa’ỹva.