Genesis 4:11

Ñanderuete Ñe’ẽ Porã 2015

Upévare nde reikóta maldecído ramo yvy apére, pe yvy ojejurupe’a rupi ha omboy’úgui nde ryvy ruguykue, nde po rupi omanova’ekue.

Referencias Cruzadas

Genesis 3:14

Ha Ñanderuete he’i mbóipe: Rejapo haguére péva Che romaldeci umi mymba tuicháva apytépe ha mymbakuéra maymáva ñu rupigua apytépe avei; nde pyti’áre retyryrýta, ha yvytimbo re’úta reikove aja pukukue.

Genesis 4:14

Péina ko árape Nde chemosẽ ko yvýgui, ha ne renondégui akañýta, ha aikóta kañyháme tetã ambueygua ramo yvy apére; ha oimeraẽva chejohúva ikatu chejuka.

Genesis 5:29

ha ombohéra ichupe Noe, he’ívo: Kóva ombovevuivéta ñandéve ñande jepy’apy ha ñande po rembiapo, péicha ojehu Ñanderuete omaldeci haguére ko yvy.

Job 16:18

Nde, che retã yvy, ani reñomítei che ruguy ha oĩ’arã che sapukái asy rendag̃ua.

Isaías 26:21

Peikuaa porãke, Ñanderuete osẽta hekohágui ohavira hag̃ua yvyariguakuérape oñemoĩ haguére hese hembiapo vaieta rupi ha pe yvy ohechaukáta pe tuguy oñeñohẽva’ekue hi’ári, ha noñeñomimo’ãvéi umi ojejukava’ekuépe.

Galaciayguakuérape 3:10

Opaite umi ohupityséva teko potĩ ojapógui Moises rembiapoukapykuéra opyta gueteri pe maldicion poguýpe, Ñanderuete kuatiañe’ẽme he’i voi ko’ã mba’e ko’ãva: Oñemaldecíma opaite umi ndojapopáiva hekópe Moises rembiapoukapykuéra, (Deuteronómio 27,26).

Apocalípsis 12:16

pe yvy katu oipytyvõ pe kuñáme, ojejurupe’ávo omokõmba pe ysyry ndetuicháva osẽva’ekue pe tejujaguaguasu jurúgui.