Genesis 4:10

Ñanderuete Ñe’ẽ Porã 2015

Upéramo Ha’e he’i ichupe: Mba’éiko rejapóra’e. Nde ryvy ruguykue ningo osapukái asy yvy guive chéve.

Referencias Cruzadas

Genesis 18:20

Upémaramo Ñanderuete he’i: Pe Sodóma ha Gomórra rerakuã vai heta hetavégui, ha hembiapo ivaietereiraságui,

Genesis 3:13

Upéramo Ñanderuete he’i pe kuñáme: Mba’e piko rejapo. Ha pe kuña he’i: Pe mbói chembotavy, ha ha’u.

Genesis 9:5

Añetehápe ajerure jevyva’erã pende rekové ruguy mayma mymbágui, kuimba’e ha kuña pógui; taha’e ha’éva upe oporojukáva ojejuka jevyva’erã.

2 Réyes 9:26

Kuehe ára ahecha haguéicha Nabot ruguy ha ita’yrakuéra ruguy, he’i Ñanderuete: Avengáta ndéve ko lóte kóva rehe. Ejapyhy ko’ág̃a hetekue, ha emombo Nabot lótepe, Ñanderuete he’i haguéicha.

2 Crónicas 28:9

Upéramo oiko Samáriape peteĩ Ñanderuete proféta, hérava Obed. Ha’e osẽ oñe’ẽ hag̃ua pe soldádo aty ojevýva Samáriape, ha he’i ichupekuéra: Péina ápe, Ñanderuete, pende rukuéra Jára, ipochýgui Juda rehe omoĩ ichupekuéra pende pópe; ha peẽ pejuka jaheipópe ichupekuéra ha isapukái asy og̃uahẽma yvágape.

Job 16:18

Nde, che retã yvy, ani reñomítei che ruguy ha oĩ’arã che sapukái asy rendag̃ua.

Job 24:12

Pe távagui oñehendu umi omanombotáva pyahẽ ha umi ojekutu vaipáva sapukái asy, Ñanderuete katu nohendúi iñembo’e.

Salmokuéra 50:21

Opaite ko’ã mba’e rejapova’ekue, ha upeichavérõ jepe Che akirirĩ, reimo’ãra’e Che ndeichagua voi avei, Che katu añeko’õi nderehe, ha ko’ã mba’e amoĩmbáta nde resa renondépe nde rejepy’amongeta porã hag̃ua umi mba’ére.

Salmokuéra 72:14

Ha’e oguenohẽva’erã hi’angakuéra japu ha ñorãirõgui, huguy ningo mba’e hepýva hesa renondépe.

Salmokuéra 9:12

Ha’e imandu’áta omyengovia hag̃ua pe tuguy oñeñohẽ reiva’ekue, ndahesaráiri umi ohasa asyetévagui mba’embyasýgui.

Salmokuéra 9:13

Cheporiahuverekomína, che Ruete, ema’ẽmína che mba’embyasy ahasáva rehe umi cherehe ija’e’ỹva rupi, Nde cherenohẽ ñemano rokẽnguéragui.

Éxodo 3:7

Upéi Ñanderuete he’i: Ahecha porã Israelguakuéra ojepy’apyetereiha oiko asýgui Egíptope, ha ahendu ipyahẽita imyangekõihára rupi; ha aikuaa ojepy’apy asyetereiha hikuái.

Isaías 5:7

Añetehápe Israel retã, yvága atykuéra Jára parralty voi, ha kuimba’ekuéra Juda pegua iñemitỹ ojeporavopyréva; Ñanderuete oha’ãrõ teko porã ha péina ápe heñói ñaña reko; oha’ãrõ py’aguapy ha péina oñehendu ipype ipyahẽ asy.

Números 35:33

Ani pemongy’a pe yvy peikotahápe, pe tuguy omongy’águi pe yvy, ha pe yvy naipotĩmo’ãvéima, oñehẽ jevy peve pe oporojukáva ruguy.

Apostolkuéra 5:3

Pédro katu he’i ichupe: Ananías, mba’érehe piko Satana omyenyhẽ nde py’apy, ndejapu hag̃ua Pytu Porãmbávape ha reñomi pe yvy repykuégui.

Apostolkuéra 5:9

Upémaramo Pédro he’i ichupe: Mba’érehe piko peñemoĩ peteĩ ñe’ẽme peipy’ara’ã hag̃ua Pytu Porãmbávape. Eikuaa porãke, umi karia’y oñotỹmava’ekue ne ménape oha’ãrõma pe okẽme neñotỹ hag̃ua avei ndéve.

Deuteronómio 21:1

Ha peike rire pe yvýpe Ñanderuete ome’ẽtava peẽme pene mba’erã ramo, ha ojejohu ramo peteĩ ojejukava’ekue ojepysóva ñúme, ha ndojekuaái ramo ijukahare,

hebreoyguakuerape 11:4

Abel ojeroviágui oikuave’ẽ peteĩ kuave’ẽmby iporãvéva Caíngui, upévare Ñanderuete he’iva’ekue Abel rehe: Ha’eha peteĩ heko potĩva ha Ha’e ovy’a ikuave’ẽmby reheve. Koichagua jerovia porã rupi Abel oñe’ẽ gueteri (ñandéve), omanóma ramo jepe (Génesis 4,4; Matéo 23,25).

hebreoyguakuerape 12:24

upépe oĩ avei Hesu Crísto ombojoajúva Ñanderuete ha ita’yrakuéra ha itajyrakuéra pe ñembopy’apeteĩ (jekupyty) pyahu rupi, ome’ẽvo huguy ñande jahupitykuaa hag̃ua pe perdon; huguy oñe’ẽ porãve Abel ruguýgui.

Tiágo 5:4

Peikuaa porãke, peẽ pembohavira ha peipe’a reíva pende koga’a mono’õhára rembiapo repy, ijahe’o katu osapukái hatã yvága atykuéra Jára apysápe.

Josué 7:19

Upémaramo Josue he’i Acánpe: Che ra’y, emboete Ñanderuete, Israel Járape, ha emomba’eguasu ichupe, eikuaaukávo chéve mba’épa rejapora’e; ani reñomítei chehegui mba’evete.

1 Samuel 13:11

Upéramo Samuel he’i: Mba’éiko rejapóra’e, ha Saul he’i ichupe: Ahechávo tetãyguakuéra okañyve ohóvo chehegui, ha nde nderejúi, ere hague árape, ha Filisteayguakuéra oñembyaty hikuái Micmáspe,