Genesis 4:1

Ñanderuete Ñe’ẽ Porã 2015

Adan oiko hembireko Éva ndive. Ha’e hyeguasu ha imemby Cain, ha he’i: Ñanderuete rupi chememby peteĩ mitãkuimba’e.

Referencias Cruzadas

Genesis 3:15

Ha oikóta ñorãirõme kuña ha iñemoñare ha ne ñemoñare apytépe; ha’ekuéra omongu’íta ne akã ha nde reisu’úta ichupekuéra ipytápe.

Genesis 3:24

Ha omosẽ okápe Adan ha Évape, ha omoĩ Eden yvatýpe kuarahyresẽ gotýo querubinkuéra (ángel ruvicha) ikyse puku hendýva ha omýiva opa gotýo, oñangareko hag̃ua pe yvyra oporomoingovéva rape rehe.

Genesis 4:2

Ha upéi Éva imemby Cain ryvy, Abel. Abel oiko ovecha rerekua ramo, ha Cain ñemitỹhára ramo.

Genesis 4:25

Ha Adan oiko jevy hembireko ndive, ha ha’e imemby peteĩ mitãkuimba’e, ha ombohéra ichupe Set: Éva he’ígui, Ñanderuete omyengovia chéve che memby Abel, Cain ojukava’ekue.

Genesis 5:29

ha ombohéra ichupe Noe, he’ívo: Kóva ombovevuivéta ñandéve ñande jepy’apy ha ñande po rembiapo, péicha ojehu Ñanderuete omaldeci haguére ko yvy.

Salmokuéra 127:3

Peikuaa porãke, ñande ra’y ha ñande rajykuéra Ñanderuete jopói ha ijehovasaha.

Números 31:17

Pejuka ko’ág̃a opaite kuñakuérape, oikomava’ekue kuimba’e ndive, ha opaite mitãkuimba’épe.

1 Juan 3:12

Anítei jaiko Cain oiko haguéicha, ha’e ojuka ityvyrateépe oikógui aña poguýpe. Mba’érehepa ojuka ityvýrape. Cain ojuka Abélpe, Abel hembiapo porãgui, ha Cain hembiapo vaígui voi.