Genesis 39:3

Ñanderuete Ñe’ẽ Porã 2015

Ha ijára ohechávo Ñanderuete oĩha hendive, omoĩve ipoguýpe ha Ñanderuete ohovasapa hembiapo ojapóva guivépe.

Referencias Cruzadas

Genesis 21:20

Ha Ñanderuete oĩ ko mitã ndive; ha okakuaa, ha oiko pe desiertoguasúpe ha oiko ichugui hu’y poihára.

Genesis 21:22

Ha umi ára umívape pe mburuvicha, Abimelec, ha Ficol, isoldádo ruvicha ndive, oñe’ẽ hikuái Abrahámpe, ha he’i: Ñanderuete ningo oĩ nendive opaite mba’e rejapóva guivépe.

Genesis 21:23

Upévare ko’ág̃a eme’ẽna ne ñe’ẽ Ñanderuete rérape, nderejapomo’ãiha mba’eve ivaíva cherehe térã che ra’y rehe térã iñemoñarenguéra rehe, py’aporã reheve roiko haguéicha nendive, péicha nde reiko jevýta chendive ha che retãyguakuéra ndive.

Genesis 26:24

Ha Ñanderuete ojehechauka ichupe pe pyharépe ha he’i: Che ningo, nde ru Abraham Jára, aníke rekyhyje, Che aĩgui nendive, Che rohovasáta ha amboheta hetavéta ne ñemoñare che rembiguái Abraham rayhupápe.

Genesis 26:28

Ha he’i ichupe hikuái: Rohechakuaa Jahve (yvága atykuéra Jára) oĩha nendive; ha ro’e: Ko’ág̃a roñoñe’ẽme’ẽ Jahve renondépe, nde ha ore, ñañombopy’apeteĩtaha,

Genesis 30:27

Laban katu he’i ichupe: Tajohu py’aporã nendive, epytamivéna chendive, añandukuaa voi ningo Ñanderuete cherovasa hague ndérupi.

Genesis 30:30

Che ajúvo mbovy tymba reguereko ha ko’ág̃a katu hetáma, Ñanderuete nderovasa tuicha che aju guive; ha araka’épa amba’apóta che rogateépe g̃uarã.

Genesis 39:2

Ñanderuete omoirũgui Josépe hembiapo ojapóva guive osẽ porãmba ha oiko ijára Egiptoygua rógape.

Genesis 39:21

Ñanderuete katu oĩ Jose ndive, ohupityuka ichupe iporiahuvereko, ha pe cárcel ruvicha oñepyrũ ohayhu avei ichupe.

Genesis 39:23

Upe cárcel ruvicha noikotevẽvéima oñangareko mba’eve rehe, Jose ojapo porãmbágui hembiapo Ñanderuete oĩgui hendive, ha ojapóva guive osẽ porã Ñanderuete ohovaságui ichupe.

2 Réyes 18:7

Ñanderuete oĩgui hendive opaite hembiapo osẽ porã ichupe g̃uarã. Ha’e opu’ã Asíria retã ruvicha rehe, ha ndoikovéi hembiguái ramo.

1 Crónicas 22:13

Upéicha reñakãrapu’ãta, reñeha’ãmba rejapo hag̃ua hekoitépe Ñanderuete rembiapoukapy, Ha’e ombohasava’ekue Moises rupi Israélpe g̃uarã. Eñeha’ã, ha eñemokyre’ỹ, ani rekyhyjétei, ha ani ndepy’akangýtei.

1 Crónicas 9:20

Ha Finees, Eleazar ra’y, oiko yma guive huvicha ramo; ha Ñanderuete oĩ hendive.

2 Crónicas 1:1

Salomon, David ra’y, oñemoĩ hatã Israel retã ruvicha ramo Ñanderuete, Ijára oĩgui hendive ha ombotuicha ichupe.

2 Crónicas 26:5

Ha’e oñeha’ã ojapo hag̃ua Ñanderuete rembipota Zacarías ohekombo’e aja ichupe hekove pukukue rupi, Ha’e oipytyvõ porã ichupe opaite mba’épe.

Nehemías 2:20

Ha che ambohovái ichupekuéra: Yvága Jára orepytyvõta ha ore, hembiguaikuéra, romopu’ãta Jerusalen tapiakuéra ha peẽ naorepytyvõmo’ãi mba’evépe.

Salmokuéra 1:3

Ha’ete ku yvyra oñeñotỹva’ekue ysyry rembe’ýpe, ha’e hi’a hi’araitépe ha ndahogue kúiriva, ha opaite mba’e ojapóva guive osẽ porãmba ichupe.

Zacarías 8:23

Péicha he’i ángel atykuéra Jára: Umi ára umívape ojehuva’erã 10 kuimba’e tetã ambueyguágui he’iva’erã peteĩ Judayguápe ipojáivo ijao apýra rehe: Ore rohose nendive, rohendúgui Ñanderuete oĩha penendive.

Matéo 5:16

Péicha tohesape avei pende resape pende rapichakuéra apytépe, ohecha hag̃ua hikuái pene rembiapo porã ha omomba’eguasu hag̃ua pende Ruetépe oĩva yvagakuérape.

1 Corintoyguakuérape 16:2

Cáda domíngope pembyatymi pende rógape pirapire, peteĩteĩ ikatúva peme’ẽ pehupity haguéicha ani hag̃ua peẽ peñepyrũ pemono’õ pe pirapire che ag̃uahẽ riréma.

Deuteronómio 2:7

Jahve, pende Ruete, penderovaságui opaite pene rembiapópe; Ha’e oikuaa porã opaite mba’e peẽ peikotevẽtava desiértope; ko’ã 40 áño pukukue Ñanderuete oikóma penendive, ha mba’eve ndofaltái peẽme.

Josué 1:9

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.

Apocalípsis 3:9

Ema’ẽ porã, Che amondóta ne rendápe Satana iglésia pegua, he’íva ijehe Israel ra’yha, ndaha’éi katu, ijapu uvei. Eikuaa porãke, Che voi amog̃uahẽta avei ichupekuéra ne rendápe ojeity hag̃ua ovapývo nde py renondépe, ha’ekuéra oikuaa hag̃ua Che rohayhu hague.

1 Samuel 18:14

Ha David oiko akãguapypópe, ha opaite mba’e ojapóva guive osẽ porãmba ichupe Ñanderuete oĩgui hendive.

1 Samuel 18:28

Saul katu ohechávo Ñanderuete oĩha hendive, ha itajýra Mical ohayhuha avei ichupe,

1 Samuel 3:19

Ha Samuel okakuaa, ha Ñanderuetépe oĩ hendive, ha ndohejái ho’a yvy rehe peteĩ iñe’ẽngue.