Genesis 39:2

Ñanderuete Ñe’ẽ Porã 2015

Ñanderuete omoirũgui Josépe hembiapo ojapóva guive osẽ porãmba ha oiko ijára Egiptoygua rógape.

Referencias Cruzadas

Genesis 21:20

Ha Ñanderuete oĩ ko mitã ndive; ha okakuaa, ha oiko pe desiertoguasúpe ha oiko ichugui hu’y poihára.

Genesis 21:22

Ha umi ára umívape pe mburuvicha, Abimelec, ha Ficol, isoldádo ruvicha ndive, oñe’ẽ hikuái Abrahámpe, ha he’i: Ñanderuete ningo oĩ nendive opaite mba’e rejapóva guivépe.

Genesis 26:24

Ha Ñanderuete ojehechauka ichupe pe pyharépe ha he’i: Che ningo, nde ru Abraham Jára, aníke rekyhyje, Che aĩgui nendive, Che rohovasáta ha amboheta hetavéta ne ñemoñare che rembiguái Abraham rayhupápe.

Genesis 26:28

Ha he’i ichupe hikuái: Rohechakuaa Jahve (yvága atykuéra Jára) oĩha nendive; ha ro’e: Ko’ág̃a roñoñe’ẽme’ẽ Jahve renondépe, nde ha ore, ñañombopy’apeteĩtaha,

Genesis 28:15

Péina ápe, Che aĩ nendive, ha añangarekóta nderehe mamo rehoha rupi, ha rogueru jevýta ko yvýpe nde reho hágui, ndorohejamo’ãigui, rejapopa peve Che ha’eva’ekue guive ndéve.

Genesis 39:23

Upe cárcel ruvicha noikotevẽvéima oñangareko mba’eve rehe, Jose ojapo porãmbágui hembiapo Ñanderuete oĩgui hendive, ha ojapóva guive osẽ porã Ñanderuete ohovaságui ichupe.

Genesis 39:3

Ha ijára ohechávo Ñanderuete oĩha hendive, omoĩve ipoguýpe ha Ñanderuete ohovasapa hembiapo ojapóva guivépe.

2 Réyes 18:7

Ñanderuete oĩgui hendive opaite hembiapo osẽ porã ichupe g̃uarã. Ha’e opu’ã Asíria retã ruvicha rehe, ha ndoikovéi hembiguái ramo.

1 Crónicas 9:20

Ha Finees, Eleazar ra’y, oiko yma guive huvicha ramo; ha Ñanderuete oĩ hendive.

2 Crónicas 1:1

Salomon, David ra’y, oñemoĩ hatã Israel retã ruvicha ramo Ñanderuete, Ijára oĩgui hendive ha ombotuicha ichupe.

Salmokuéra 1:3

Ha’ete ku yvyra oñeñotỹva’ekue ysyry rembe’ýpe, ha’e hi’a hi’araitépe ha ndahogue kúiriva, ha opaite mba’e ojapóva guive osẽ porãmba ichupe.

Salmokuéra 46:11

Ñanderuete, yvága atykuéra Jára, oĩ ñanendive, Jacóbo Jára ningo ñane mo’ãhára. Selah

Salmokuéra 46:7

Ñanderuete, yvága aty Jára oĩ ñanendive, Jacóbo Jára voi ningo ñane mo’ãhára. Selah

Salmokuéra 91:15

Ha’e ohenói ramo che réra Che ambohováita ichupe, Che aĩta hendive ijepy’apyha árape, aguenohẽ hag̃ua ichupe ijejopy vaígui ha upéi Che ambotuicháta ichupe.

Isaías 41:10

Ani rekyhyje, Che voi aĩgui nendive, aníke nde py’akangy, che ha’égui nde Jára, nemombaretéva, tapiaite roipytyvõta, ha añangarekóta nderehe che pu’aka rupive.

Isaías 43:2

Rehasa ramojepe hi’y hetaite rupi, Che aĩta nendive, ha ysyry ndetuicháva nderupity ramojepe nanembojahogamo’ãi. Rehasa ramojepe tata mbyte rupi, nderekaimo’ãi, ha pe tata rendy nanderapymo’ãi.

Jeremías 15:20

Che romoĩta ko tetã kóvape g̃uarã ku korapyjere bronceguiguávaicha ha ojeitýta ramojepe hikuái ndeári, ndaipu’akamo’ãi nderehe; Che aĩgui nendive añangareko porã hag̃ua nderehe ani hag̃ua ojehu ndéve mba’eve ivaíva, he’i nde Ruete.

Matéo 1:23

Pehechava’erã peteĩ kuñataĩ heko potĩva imembyva’erã peteĩ mitãkuimba’e hérata Emanuel, he’iséva Ñanderuete oĩ ñanendive.

Apostolkuéra 8:31

Ha pe karaiguasu ombohovái Felípepe: Mba’éichapa ikatúta hesakã porã chéve, avave nachembo’éi ramo. Ha ojerure Felípepe ejupi ha eguapy che ykére.

1 Timotéope 6:1

Opaite tembiguái rei (esclávo) toikóva ijára poguýpe, ha ojerovia ramo Hesu Crísto rehe omomba’eteva’erã ijárape, ani hag̃ua ambuekuéra oñe’ẽvai Ñanderuete réra térã hekombo’epy rehe.

Josué 1:5

Avave noñemoĩmo’ãi nderehe reikove aja pukukue; aime haguéicha Moises ndive, peichaite aiméta avei nendive, ndorohejamo’ãi ha noromotyre’ỹmo’ãi.

Josué 1:9

Ema’ẽ porãke, Che ha’éma ndéve eñeha’ãmba ha eñembopy’aguasu; ani rekyhyjétei ha ani ndepy’akangýtei, pende Ruete, pende Jára, oĩta nendive mamo rehoha rupi.

Josué 6:27

Ñanderuete oĩkuri Josue ndive ha héra oñemoherakuã porã opaite tetã rupi.

1 Samuel 16:18

Upévo peteĩ hembiguái he’i: Che ahechákuri peteĩ Isai ra’y, peteĩ Belengua, ha’e ombopu porã pe árpa, ha ipy’aguasu, ikatupyry ñorãirõ rembiapópe, oñe’ẽkuaa, hete porã, ijuky ha Ñanderuete oĩ hendive.

1 Samuel 18:14

Ha David oiko akãguapypópe, ha opaite mba’e ojapóva guive osẽ porãmba ichupe Ñanderuete oĩgui hendive.

1 Samuel 18:28

Saul katu ohechávo Ñanderuete oĩha hendive, ha itajýra Mical ohayhuha avei ichupe,

1 Samuel 3:19

Ha Samuel okakuaa, ha Ñanderuetépe oĩ hendive, ha ndohejái ho’a yvy rehe peteĩ iñe’ẽngue.