Genesis 3:6

Ñanderuete Ñe’ẽ Porã 2015

Ha pe kuña oma’ẽvo pe yvyra’a rehe, ombohoryete hesa ha iporã oje’u hag̃ua ha’e oipotaite voi ohupity hag̃ua arandu, oipo’o hi’a ha ho’u; ha ome’ẽ avei iménape hendive oĩva, ha ha’e ho’u avei.

Referencias Cruzadas

Genesis 3:12

Ha pe kuimba’e ombohovái: Pe kuña reme’ẽva’ekue chéve, che irũrã ramo, ome’ẽ chéve pe yva, ha che ha’u.

Genesis 3:17

Ha kuimba’épe he’i: Nde rehendu haguére ne rembirekópe, re’úgui pe yva ha’eva’ekue ndéve: Ani hag̃ua re’u, ha rejapógui péicha oñemaldecíta ko yvy; ha jeiko asypópe rekaruva’erã ichugui reikove aja pukukue.

Genesis 39:7

Ha ojehu rire ko’ã mba’e, ijára rembireko oma’ẽ Jose rehe, ha he’i: Ekéna chendive.

Genesis 6:2

Ñanderuete ra’ykuéra ohechávo kuimba’e rajykuéra iporãitereiha, oiporavo ha oguenohẽ ijapytégui hembirekokuerarã umi oipotavévape.

2 Samuel 11:2

Ojehu ningo peteĩ árape Israelguakuéra osẽ rire ñorãirõme, David opu’ã ka’aru hupágui ha oho oguata hóga ape ári, ha upeguive ohecha peteĩ kuña iporãitéva ojahuhápe.

1 Réyes 13:19

Upémaramo ojevy hendive hógape ho’u pan ha hoy’u avei.

Job 31:1

Che añemoĩ peteĩ ñe’ẽme che resakuéra ndive, ani hag̃ua ama’ẽ kuñataĩ rehe aiko hag̃ua hendive.

Ezequiel 24:16

Kuimba’e ra’y, eikuaa porãke, peteĩ sapy’aitépe aipe’áta ndehegui nde resa mbohoryhára; ani regueropurahéi ñe’ẽ asy, ani nerasẽ ha ani osyry nde resay.

Ezequiel 24:21

Ere Israel rógape: Péicha he’i pende Ruete, peikuaa porãke, Che voi amongy’áta che rogaguasu, pévarupi peẽ peñembotuichaiterei, péva ningo pende resa mbohoryhára ha ombovy’áva pene ánga; ha pende ra’y ha pende rajy pehejava’ekue upépe, ho’apáta kyse puku rupi.

Ezequiel 24:25

Ha nde, kuimba’e ra’y, eikuaa porãke, og̃uahẽtaha katuete pe ára Che voi aitýta che rogaguasu ombovy’áva ichupekuéra, iñembotuicha, hesakuéra mbohoryhára ha hi’ãnga ohayhuetéva, ha aipe’áta avei ichuguikuéra ita’ýra ha itajyrakuérape.

Oséas 6:7

Yvyariguakuéra omboyke hikuái che ñe’ẽme’ẽ ha oñemoĩ cherehe.

Matéo 5:28

Che katu ha’e peẽme, oimeraẽ omañáva peteĩ kuña rehe ha oñenoséva hendive, upéva oñenóma voi hendive ipy’apýpe, ha omongy’áma imendare reko.

1 Timotéope 2:14

Adánpe noñembotavyiva’ekue, pe kuñámente oñembotavy ha Eva raẽ ho’ava’ekue angaipápe.

Josué 7:21

Ahechákuri umi Jericoygua mba’ekuéra apytépe peteĩ póncho iporãitereíva, ha 2,23 kílo pláta, ha peteĩ óro pehẽngue puku ipohýiva 558 grámo. Ha umíva aipotaitereígui ajapyhy ha amokañy che róga mbyte píso guýpe, ha pe pirapire oĩ avei upépe.

1 Juan 2:16

Ñande rete rembipota vai, pe envídia ha pe ñembotuicha, ndoúi Ñanderuetégui, ko múndogui uvei ou.

Juéces 14:17

Ha ha’e ojahe’o hesa renondépe umi 4 ára karuguasu oĩ aja pukukue; ha pe ára 7-hápe ha’e omyesakã ichupe, ojopyetereígui ichupe; ha pe kuña omombe’u jevy hetãyguakuérape.