Genesis 3:16

Ñanderuete Ñe’ẽ Porã 2015

Ha Ñanderuete he’i pe kuñáme: Heta rehasa asýta ha nderasyetéta nememby hag̃ua; ha ne remikotevẽ ne ménape g̃uarã, ha repytáta ipoguýpe.

Referencias Cruzadas

Genesis 4:7

Rejapo rire iporãva remopu’ãva’erãmo’ã nde rova, rejapo vaígui uvei, pe tembiapo vai nera’ãrõma ne renonderãme, nde katu, embopoguy pe jepy’ara’ã nera’ãrõva.

1 Crónicas 4:9

Ha Jabes herakuã porãve ityke’yrakuéragui, isy ombohéra ichupe Jabes, he’ígui: Ahasa asyete ha’e onace meve.

Ester 1:20

Ha pe tembiapoukapy pyahu tetã ruvicha ohaiukátava oñehendúta ko tetãguasu tuichakuépe, jepémo ituichaiterei, ha opaite kuñakuéra omomba’éta imenakuérape, upe tuichavéva guive upe imichĩvéva peve.

Salmokuéra 48:6

Upépe oryryipa hikuái ha tuicha oñemondýi ku kuña imembymbota ramoguáicha.

Isaías 13:8

Ha oñemondyieterei, jepy’apy ha mba’asy oñu’ãta ichupekuéra ha oñeñandúta hikuái ku kuña imembymbotávaicha; ipy’andýi joaite om’ẽvo iñirũ rova rehe; hovakuéra hendy tata rendýicha.

Isaías 21:3

Upévare che rete oryryipa ha ojepy’apy ku kuña imembymbotávaicha, ha umi mba’e che ahendúva chemondyiete ha umi mba’e ahecháva chemboryryipa.

Isaías 53:11

Hi’ánga ohasa asyete rire Ha’e ohecháta hembiapo hi’a porã, ha ovy’áta ikuave’ẽmby porã rupi. Ha’e, pe Heko potĩva omopotĩ heta yvyariguápe hembiapo vaígui ha umía Ha’e voi ogueraháta ijapére.

Jeremías 13:21

Ha mba’éiko eréta Ha’e omoĩrõ pene mburuvicha ramo umi nde voi rehekombo’eva’ekuépe. Nanemyakã rasyichénepa ku kuña imembymbotávaicha.

Jeremías 22:23

Ko’ág̃a reiko nde rógape ojejapova’ekue cédro Líbano peguarégui. Mba’eichaitépa nepyahẽ asýta ág̃a og̃uahẽvove ndéve jehasa asy ku kuña imembymbotávarõ guáicha.

Jeremías 4:31

Ahendu ningo peteĩ ñe’ẽpu ha’etéva kuña imembymbotáva; py’ahẽ asy ha’etéva kuña imembýtava imemby peteĩha, upéva ha’e Sion rajy, hasẽvo oipyso ipo ha he’i: Angái, angái chejukátama, umi porojukahára chejukátama.

Jeremías 49:24

Damásco ipy’a kangypágui ojere okañy hag̃ua, oryryipa ha ojepy’apy, ojapyhy ichupe mba’asy, ku kuña imembypotávaicha.

Jeremías 6:24

Ñahendúma herakuãguasu, ha ñanemokangypa voi, ha ore roryryipa ku kuña imembymbotávaicha.

Números 30:13

Ha iména ombotove ramo ichugui ohenduha árape, upéicharamo ha’e natekotevẽi ojapo umi mba’e oprometeva’ekue; iména ombotovégui ha Ñanderuete operdonáta ichupe.

Juan 16:21

Pe kuña imemby aja ohasa asy, og̃uahẽgui hi’ára, imemby rire katu naimandu’avéima ohasa asy hague, ovy’águi imemby haguéma peteĩ mitã ko yvy ape ári.

1 Corintoyguakuérape 11:3

Aipota katu peikuaa porã Hesu Crísto ha’eha opaite kuimba’e akã, ha kuimba’e ningo kuña akã, ha Ñanderuete katu Hesu Crísto akã.

1 Corintoyguakuérape 14:34

Kuñakuéra tokirirĩ iglésiape, ndaijái ichupekuéra oñe’ẽ hag̃ua, taiñe’ẽrendu hikuái Ñanderuete kuatiañe’ẽ he’i háicha, (Génesis 3,16).

1 Corintoyguakuérape 7:4

Pe tembireko ndaha’éi hetetee jára, iména mba’e; ha péicha avei pe ména ndaha’éi hetetee jára, hembireko mba’e.

Colosayguakuérape 3:18

Pe tembireko iñe’ẽrenduva’erã iménape, ija háicha Hesu Crísto reheguávape.

1 Tesalonicayguakuérape 5:3

Yvyarigua he’i jave: Jaiko porã (segúro) ha py’aguapýpe, upeichahágui ho’áta sapy’aitépe hi’arikuéra iñehundirã, ojehu háicha pe kuñáme og̃uahẽ ramo sapy’a pe hóra imemby hag̃ua, upéicha ojehúta avei ichupekuéra, ha ndaikatumo’ãi okañy mamove.

1 Timotéope 2:13

Adan raẽ ojejapova’ekue, upéi Éva.

1 Timotéope 2:15

Ha’e ojesalváta imemby ramo, ojerovia porã ramo Hesu Crísto rehe, oporohayhu ramo ha oñemboheko porã ramo ñemomirĩ reheve.

Títope 2:5

ta’iñakãguapy ha’ekuéra, tahekopotĩ, toñangareko porã hóga ha hogayguakuéra rehe, toiko iména poguýpe, ani hag̃ua avave oñe’ẽvai Ñanderuete ñe’ẽ rehe.