Genesis 3:1

Ñanderuete Ñe’ẽ Porã 2015

Ha upe mbói iñaranduve opaite ambue mymbakuéra Ñanderuete, pe Jaraitéva ojapova’ekuégui; ha péva he’i pe kuñáme: Añete piko Ñanderuete he’i peẽme: Aníke pe’útei opaite yvyra’a yvatýpe oĩva guive.

Referencias Cruzadas

Eclesiástes 4:10

Ho’a ramo peteĩ, ambue omopu’ãta iñirũme; angái, upe ha’eñóva, ho’a ramo, ndaiporimo’ãi hapicha omopu’ãkuaáva ichupe.

Isaías 27:1

Upe ára upévape Ñanderuete ohaviráta ikyse puku hãimbépe pe leviatan tuicha (tejujaguaguasuete nunga) ha imbaretévape, pe mbói ipya’etévape (Asíriape); ha leviatan, pe mboiguasuete okañývape (Babilóniape); Ha’e ojukáta pe tejujaguápe oikóva yguasúpe (Egíptope).

Matéo 10:16

Peikuaa porãke, Che pomondoha ku ovecháicha aguaraguasu apytépe; upévare penearanduva’erã mbóicha ha pendereko potĩva’erã pykasúicha.

Matéo 4:3

Ha Satana ou hendápe oipy’ara’ã hag̃ua ichupe, ha he’i: Nde ramo Ñanderuete Ra’y ere ko’ã itápe oiko hag̃ua ichugui pan.

Matéo 4:6

ha he’i Hesúpe: Nde ramo Ñanderuete Ra’y, ejeity ko’águi yvýpe, Ñanderuete kuatiañe’ẽme he’i voi: Ha’e omboúta nderehehápe hi’angelkuéra, ha ndejokóta ipópe, ani hag̃ua reñepysãnga itáre, (Salmokuéra 91,11-12).

Matéo 4:9

ha pe aña he’i Hesúpe: Opaite ko’ã mba’e rehecháva guive ame’ẽmbáta ndéve, Nde reñesũ ramo che renondépe ha chemomba’eguasu ramo.

2 Corintoyguakuérape 11:14

Ha péva ningo ndaipóri mba’érehepa jahecharamo hag̃ua, Satana voi omoambuéma hete, ojehechauka hag̃ua peteĩ ángel omimbipáva ramo.

2 Corintoyguakuérape 11:3

Akyhyje ningo ku mbói ombotavy haguéicha Évape, péicha pe mbói ombotavymo’ãma avei pene pensamientokuérape, pejei hag̃ua Hesu Crísto reko potĩgui, pejapyhy hag̃ua Satana reko ky’a.

1 Pédro 3:7

Peẽ ména, peiko hekópe pene rembireko ndive pehechakuaávo ha’ekuéra ikangyveha pendehegui, upévare pe’apo ichupekuéra mba’e ramo, peikuaa porã ha’ekuéra ohupitytaha avei pe tekove tapia g̃uarãva, ani hag̃ua pene ñembo’e opyta rei (opa rei).

Apocalípsis 12:15

Ha pe mbói opoi ijurúgui pe kuña rapykuéri peteĩ ysyry ndetuichaitévaicha, oguerosyry hag̃ua pe kuñáme,

Apocalípsis 12:9

Ha oñemombo pe tejujaguaguasúpe yvy ape ári, oñembohéra avei pe mbói tuja, aña térã Satana ombotavýva tetãyguakuérape ha hendive oñemosẽ avei hi’angelkuéra ipytuvaikuérape.

Apocalípsis 20:2

ha ha’e ojapyhy pe tejujaguaguasúpe, pe mbói ymaitegua, pe aña, pe mba’epochy térã Satanáme, ha oñapytĩ ichupe 1.000 áño pukukue.