Genesis 26:4

Ñanderuete Ñe’ẽ Porã 2015

Amboheta hetavéta ne ñemoñarenguéra mbyjakuéra árare oĩ háicha, ha ne ñemoñarenguérape ame’ẽmbaitéta ko yvy kóva; ha mayma tetã yvy ariguáva ojehovasava’erã ne ñemoñarenguéra rupi,

Referencias Cruzadas

Genesis 13:16

Ha ambohetáta ne ñemoñarenguéra yvyku’ícha; ha oĩ ramo peteĩ oipapakuaáva pe yvyku’i ko yvy apére, péva oipapakuaáta avei ne ñemoñarenguérape.

Genesis 15:18

Upe ára upévape Ñanderuete oñemoĩ peteĩ ñe’ẽme Abram ndive, ha he’i: Ne ñemoñarenguérape ame’ẽta ko yvy, Egípto ysyry guive Éufrates ysyry peve:

Genesis 15:5

Ha ogueraha ichupe okápe, ha he’i ichupe: Ema’ẽna árare, ha eipapa umi jasytata, reipapakuaa piko. Ha he’i ichupe: Peichaitéta ne ñemoñarenguéra.

Genesis 18:18

Abrahámgui oikóta tetã ndetuicha ha imbaretéva, ha’érupi opaite tetãnguéra ojehovasáta yvy apére.

Genesis 26:24

Ha Ñanderuete ojehechauka ichupe pe pyharépe ha he’i: Che ningo, nde ru Abraham Jára, aníke rekyhyje, Che aĩgui nendive, Che rohovasáta ha amboheta hetavéta ne ñemoñare che rembiguái Abraham rayhupápe.

Genesis 28:14

Ha ne ñemoñare hetáta ku yvy timbóicha, ha reñemyasãita kuarahyreike ha kuarahyresẽ gotýo, yvatévo ha yvy gotýo; ha yvy ape ariguakuéra ojehovasáta ne ñemoñarenguéra rupi.

Genesis 28:3

Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.

Genesis 35:12

Kóva ningo pe yvy aprometeva’ekue Abraham ha Isaácpe, ndéve ha nde rireguápe ame’ẽta ko yvy kóva.

Genesis 47:27

Ha péicha Israel (Jacóbo) oiko Egípto retãme, Gosen yvýpe; ha upépe oiko hikuái ha oñemboheta hetave ohóvo.

1 Crónicas 27:23

Ha David ndoipapaukái umi nombotýiva gueteri 20 áño, Ñanderuete he’ígui Israel omoñemoñataha mbyjakuéra árare oĩva heta háicha.

Salmokuéra 72:17

Héra toiko opaite árape, toñemombe’u héra pe kuarahy oikoha peve. Ha’érupi mayma tetã tojehovasa, ha hendive tovy’aite hikuái.

Éxodo 32:13

Nemandu’ána Abraham, Isaac ha Israel ne rembiguaikuéra rehe, ichupekuéra reñe’ẽme’ẽva’ekue ndejehe voi ha ereva’ekue ichupekuéra: Che ambohetáta ne ñemoñarenguéra umi mbyja árape guáicha; ha ame’ẽta ne ñemoñarenguérape upe yvy upéva, Che aprometemava’ekue upe yvy opytataha imba’e ramo opaite ára peve.

Éxodo 6:4

Ha ame’ẽma avei ichupekuéra che ñe’ẽ ame’ẽtaha Canaan yvy imba’erã ramo, pe yvy oikómi haguépe hikuái tetã ambueyguakuéra ramo,

Apostolkuéra 3:25

Peẽ ningo profetakuéra ra’y, ha Ñanderuete oñembopy’apeteĩ pende rukuéra ndive, ha Ha’e he’i Abrahámpe: Ne ñemoñarenguéra rupi opaite tetã oĩva guive yvy apére ojehovasava’erã.

Galaciayguakuérape 3:16

Ha pe promésa oñeme’ẽmava’ekue Abrahámpe ha iñemoñarépe, nde’íri iñemoñarenguérape, hetaperõguáicha, peteĩmente uvei: Ne ñemoñarépe, ha péva ningo Hesu Crísto voi.

Galaciayguakuérape 3:8

Ñanderuete kuatiañe’ẽ yma guive voi ohechaukáma pe jerovia rupi Ñanderuete rehe tetãnguéra ohupitýta teko potĩ, ha upévare oñeme’ẽ tenonde avei Abrahámpe pe promésa: Ndérupi ojehovasava’erã opaite tetãnguérape, (Génesis 12,3; 18,18).

Deuteronómio 13:17

Ha umi mba’e oñemaldeciva’ekue anítei pegueraha pene mba’erã ramo, pehapypa uvei, upéicharamo Ñanderuete pochy ojeíta pende apytégui ha Ha’e pendeporiahuvereko jevýta, ha ohejáta peñemoña porã jevy, ome’ẽ haguéicha iñe’ẽ pende rukuérape,

Deuteronómio 9:5

Ndaha’éi pende reko porã ni pene ñe’ã potĩgui peiketaha Canaánpe peñemomba’e hag̃ua ijyvykuéra rehe, ko’ã tetãnguéra heko vaietéguinte Ñanderuete, Ñandejára renondépe, upévare Ha’e omosẽ ichupekuéra pene renonderãgui, ha omoañete hag̃ua iñe’ẽ, ome’ẽmava’ekue pende rukuéra Abraham, Isaac ha Jacóbope.

hebreoyguakuerape 11:2

Koichagua jerovia rupi ñande ypykuéra ojeroviava’ekue ombovy’a ha ombotuicha hag̃ua Ñanderuetépe, ha upévare Ha’e ombotuicha avei ichupekuéra.