Genesis 22:4

Ñanderuete Ñe’ẽ Porã 2015

Pe ára mbohapyhápe Abraham ojesaupi ha mombyry guive ohecha pe yvy Ñanderuete oiporavova’ekue kuave’ẽmby rendarã ramo ichupe.

Referencias Cruzadas

Genesis 22:3

Ha Abraham opu’ã pyharevete, ha ombyape hymba búrro ha ogueraha hendive mokõi hembiguái ha ita’ýra Isaácpe; ha oikytĩ jepe’a pe kuave’ẽmbýpe g̃uarã, ha oho Ñanderuete he’i haguépe ichupe.

Genesis 22:5

Upéramo Abraham he’i hembiguaikuérape: Peha’ãrõ ko’ápe ko búrro ndive, che ha pe mitã rohóta amoite romomba’eguasu hag̃ua Ñanderuetépe, ha upéi roju jevýta pene rendápe.

2 Réyes 20:5

Ejevy, ha ere Ezequíaspe, che retã ruvichápe: Péicha he’i pende Ruete, David, nde ru Jára: Che ahendúkuri ne ñembo’e, ha ahecha nde resay, péina ápe Che romongueráta; mbohapy arahápe rejupíta che rogaguasúpe.

Ester 5:1

Og̃uahẽvo pe ára mbohapyha Ester oñemonde tetã ruvicha rembireko aópe, ha oike tetã ruvicha róga korapy ryepýpe, pe tetã ruvicha koty rováipe; ha tetã ruvicha oguapyhína iguapyhaguasúpe, ikoty rokẽ rovái.

Éxodo 15:22

Ha Moises ogueraha Israel ñemoñarenguérape yguasu rembe’ýgui oho hag̃ua Shur desiérto gotýo; ha oiko hikuái mbohapy ára pukukue ojohu’ỹre y.

Éxodo 19:11

ha toñembosako’i pe ára mbohapyhápe g̃uarã, pe ára mbohapyhápe pende Ruete oguejýtagui mayma tetãygua resa renondépe Sinai cérro ári.

Éxodo 19:15

Ha he’i hetãyguakuérape: Peñembosako’i porãke pe ára mbohapyhápe g̃uarã; ani peikótei pene rembireko ndive.

Éxodo 5:3

Ha ha’ekuéra he’i: Ore Jára orejohu, upévare rohóta ko’ág̃a desiértope mbohapy ára pukukue, roikuave’ẽ hag̃ua tymbakuéra ore Járape, ani hag̃ua ou ore ári mba’asy iñasãiva térã kyse puku.

Oséas 6:2

Ohasa mboyve mokõi ára ñanemoingove jevýta ha pe ára mbohapyhápe ñanemopu’ãta ha jaikove jevýta henondépe.

Levítico 7:17

Ha pe kuave’ẽmby ro’okue hembýva pe ára mbohapyhápe ojehapypava’erã.

Números 10:33

Upéicha Israelguakuéra oipykúi Ñanderuete cérrogui oguata hag̃ua mbohapy ára pukukue; ha Ñanderuete karameg̃ua oho henonderãme mbohapy ára pukukue, ohekávo ichupekuéra g̃uarã peteĩ tenda opytu’u hag̃ua.

Números 19:12

Pe ára mbohapyhápe oñemopotĩva’erã ko y kóvape, ha pe ára 7-hápe ipotĩ jevýta; ha pe ára mbohapyhápe noñemopotĩri ramo naipotĩmo’ãi pe ára 7-hápe.

Números 19:19

Ha pe ipotĩva ohypýita pe ipotĩ’ỹvape pe ára mbohapy ha 7-hápe, upéi ha’e ojoheiva’erã ijao, ha ojahuva’erã, ha ipotĩ jevýta ka’arupytũ rire.

Números 31:19

Ha peẽ, peporojukava’ekue ha peñembojava’ekue omanova’ekue rete rehe, pepyta ha peiko tekoha okápe 7 ára pukukue, peñemopotĩ hag̃ua pe ára mbohapyha ha 7-hápe, peẽ ha umi ipokuapývape pegueruva’ekue.

Matéo 17:23

ha ojukáta ichupe hikuái; ha mbohapy ára haguépe ha’e oikove jevýta, upévare hemimbo’ekuéra oñembyasyeterei.

Lúcas 13:32

Ha Hesu he’i ichupekuéra: Tapeho ha peje pe aguara pévape, ema’ẽ porãke, amosẽ ningo mba’epochýpe ha aporomonguera ko árape, ha ko’ẽrõ, pe ára mbohapyhápe, opáta che rembiapo.

1 Corintoyguakuérape 15:4

ha oñeñotỹ hague ichupe, Ñanderuete katu omoingove jevy hague ichupe ára mbohapyhápe, (Salmokuéra 16,10).

Josué 1:11

Pehasa pe tekoha rupi ha peje pene retãyguakuérape: Pembosako’i pene rembi’urã, ko’águi mbohapy arahápe jahasáta pe Jordan ysyry rupi ñañemomba’e hag̃ua Canaan yvýre, Ñanderuete, Ñandejára ome’ẽta ñandéve, ñane mba’erã ramo.

1 Samuel 26:13

Upéi David osẽ upégui ha oñemoĩ cérro ári pe ijyvatevehápe, opyta hag̃ua mombyry ojuehegui.