Genesis 22:3

Ñanderuete Ñe’ẽ Porã 2015

Ha Abraham opu’ã pyharevete, ha ombyape hymba búrro ha ogueraha hendive mokõi hembiguái ha ita’ýra Isaácpe; ha oikytĩ jepe’a pe kuave’ẽmbýpe g̃uarã, ha oho Ñanderuete he’i haguépe ichupe.

Referencias Cruzadas

Genesis 17:23

Upéramo Abraham ohenói ita’ýra Ismaélpe, ha opavave hembiguaikuéra onaceva’ekuépe hógape, ha umi ojoguava’ekuépe ipirapire rehe, ha opaite kuimba’ekuérape Abraham rógape oikóvape guive, ha upe árape ha’e oikytĩ’opaite ipire’i, Ñanderuete he’i haguéicha ichupe.

Genesis 21:14

Upémaramo Abraham opu’ã pyharevete, ha ojapyhy pan ha peteĩ yryru kavara pirekueguiguáva, omoĩ hag̃ua Agar ati’y ári, ha ome’ẽ ichupe avei pe mitãrusu, ha omondo hikuái hógagui. Agar oho ha oiko rei tetã ambueygua ramo Beerséba desiertoguasúre.

Genesis 22:18

Nde ra’y rupi ovy’aiteva’erã opaite yvy ape arigua tetãnguéra, rejapo haguére che ñe’ẽ.

Genesis 22:2

Ha he’i: Eraha ko’ág̃a nde ra’y, ha’eñomíva, Isaac, rehayhuetévape, ha tereho Moría yvýpe, ha upépe eikuave’ẽ ichupe chéve g̃uarã kuave’ẽmby ramo peteĩ cérro ári Che ha’etahápe ndéve.

Genesis 22:4

Pe ára mbohapyhápe Abraham ojesaupi ha mombyry guive ohecha pe yvy Ñanderuete oiporavova’ekue kuave’ẽmby rendarã ramo ichupe.

Salmokuéra 119:60

Añembopya’e pya’e ha nañemombeguéi ajapo hag̃ua ne rembiapoukapykuéra.

Eclesiástes 9:10

Opaite mba’e nde rejapóva guive ejapo ikatumi háicha; pe omanova’ekue retãme nde rehotahápe ndaipóri tembiaporã, ndaipóri jepy’amongeta, ndaipóri akãguapy, ha ndaipóri arandu.

Matéo 10:37

Upe ohayhuvéva itúva térã isýpe chehegui; ndaikatúi oiko che reheguáva ramo ha upe ohayhuvéva ita’ýra térã itajýra chehegui ndaikatúi oiko che reheguáva ramo.

Lúcas 14:26

Oimeraẽ oúva che rendápe ha ohayhuvéva itúva térã isýpe, hembireko térã ita’ýrape, ityvýra térã iteindýrape, térã hekoveteépe jepe chehegui, ndaikatúi oiko che remimbo’e ramo.

Galaciayguakuérape 1:16

ohechaukaségui chepype Ita’ýra Hesu Crístope, amyasãi hag̃ua ichupe ambue tetãnguérape. Upévare che nañemongetái avave ndive,

hebreoyguakuerape 11:8

Abraham ojeroviágui iñe’ẽrendu Ñanderuetépe he’i ramoguare ichupe oho hag̃ua peteĩ tetãme, oñeme’ẽtaha ichupe; ha Abraham osẽ, ndoikuaái ramojepe mo’õitépa og̃uahẽta, (Génesis 12,1-4).

Josué 3:1

Josue ha Israel ñemoñarenguéra opu’ã pyhareve oipykúi hag̃ua Sitímgui ha ou Jordan rembe’y peve, ha ohasa mboyve opytu’u hikuái upépe.

Josué 8:10

Josue opu’ãvo pyharevete oipapa isoldadokuérape, ha hendivekuéra oho avei Israel karai ancianokuéra, isoldadokuéra renonderãme ojeity hag̃ua Haiguakuéra ári.