Genesis 2:9

Ñanderuete Ñe’ẽ Porã 2015

Ha Ñanderuete omoheñói yvýgui opaichagua yvyra iporãva pe kuimba’e resa renondépe, hi’upyrã iporãva; omoheñói avei peteĩ yvyra oporomoingovéva yvaty mbytépe, ha ambue yvyra oikuaaukáva mba’e porã ha mba’e ivaíva.

Referencias Cruzadas

Genesis 2:17

pe yvyrágui oikuaaukáva mba’eporã ha mba’evai katu ndere’uiva’erã; pévagui re’uha ára, añetehápe remanova’erã.

Genesis 3:22

Ha Ñanderuete, pe Jaraitéva he’i: Péina ápe, ko’ág̃a pe kuimba’e Ñandeichagua, oikuaáma iporãva ha ivaíva; ha ág̃a ho’u ramo avei pe yva oporomoingovéva oikoveva’erã tapia g̃uarã.

Genesis 3:24

Ha omosẽ okápe Adan ha Évape, ha omoĩ Eden yvatýpe kuarahyresẽ gotýo querubinkuéra (ángel ruvicha) ikyse puku hendýva ha omýiva opa gotýo, oñangareko hag̃ua pe yvyra oporomoingovéva rape rehe.

Genesis 3:3

pe yvyra oĩva yvaty mbytépegui katu Ñanderuete he’íkuri: Ndape’uiva’erã ichugui, ni ndapepokoiva’erã hese, ani hag̃ua pemano.

Genesis 3:5

Ñanderuete oikuaa porã voi pe ára pe’úvo hi’akue, pejehesape’atahahína, ha peikotaha Ñanderuetéicha, peikuaáta iporãva ha ivaíva.

Mga Kawikaan 11:30

Pe heko potĩva ningo ojogua yvyra oikovévape ha pe teko mbarete oporojuka.

Mga Kawikaan 3:18

Ha’ehína yvyra oporomoingovéva umi hese oñemomba’évape g̃uarã, ha ovy’a iterei umi oñemomba’etévape hese.

Isaías 44:25

Che ambyaipa proféta japu rembiapo ha ta’yvõhára (imba’ekuaáva) ñe’ẽngue, Che amotĩ umi karai arandu ha ahechauka itavyha, ha umi mba’e ha’ekuéra oikuaaukáva ndoikomo’ãi.

Isaías 47:10

Nde rejerovia voi ne ñaña reko rehe, ha ere avave ndacherechái, ne arandu ha umi mba’e reikuaáva katu nembotavy, ha nde py’ápe eréra’e: Chénte aiko ha ndaiporivéima avave che ykereguáva.

Ezequiel 31:16

Ho’a ha hyapukuégui amboryryipáta umi tetãme, Che aitývo ichupe omanómava retãme, amondóvo ityvýpe; ha mayma yvyra Eden pegua ojeporavopyréva ha umi omboy’úva guive, oñomoangapyhy joaitéta upe yvykua pypukuhápe.

Ezequiel 31:18

Mávarehe piko reñembojojára’e, nde faraon, péicha remimbi ha reñembotuicha hag̃ua umi Eden pegua yvyra apytépe. Upeichavéramo jepe, nde, faraon, rejeitýta avei umi Eden pegua yvyra reheve pe yvykua ipypukuvehápe; ha upépe reñenóta umi ipire’i oñekytĩ’o’ỹva ndive, umi kyse pukúpe omanova’ekue ndive. Faraon ha opaite hetãyguakuéra ningo ko yvyra kóva, he’i pende Ruete.

Ezequiel 47:12

Ha mokõive ysyry rembe’ýre okakuaáta opaichagua yvyra hi’áva; araka’eve ndahoguekuimo’ãi, hi’a ndopamo’ãi, opaite jasy hi’aju pyahúta, hi’y osẽgui Ñanderuete rogagasúgui; hi’akue ojeporúta tembi’u ramo ha hoguekue ojeporúta pohã ramo.

Juan 6:48

Che ningo pe pan oporomoingovéva.

1 Corintoyguakuérape 8:1

Peẽ peporanduva’ekue avei chéve pe tembi’u oñekuave’ẽmava rehe jára gua’úpe g̃uarã. Ñande jaikuaáma opavave jarekoha kuaapy. Pe kuaapy ñanembojerovu, pe mborayhu katu oporomopu’ã.

Deuteronómio 6:25

Ha Ñanderuete tekojoja (justícia) oĩta ñanendive jajapopa ramo iñe’ẽ, Ha’e he’i haguéicha ñandéve.

Apocalípsis 2:7

Pe ijapysáva tohendu pe Pytu Porãmbáva he’íva ijiglésiape: Pe ombopoguýva mba’evai che voi ame’ẽta ichupe pe tekove yvyra’a oĩva Ñanderuete yvyraty hi’a porãitéva mbytépe.

Apocalípsis 22:14

Ovy’aite umi ojohéiva ijao, ha ojapóva hembiapoukapykuéra (1 Juan 3,23), ha’ekuérante ho’úta pe yvyra’a oporomoingovévagui, ha’ekuérante oikéta pe tavaguasu rokẽ rupi.

Apocalípsis 22:2

Pe tavaguasu mbytépe ha ysyry rembe’y mokõivévape oĩ pe yvyra oporomoingovéva, hi’a meméva 12 jevy, peteĩteĩ jasýpe, hi’a ha hoguekuéra omonguera tetãnguérape.