Genesis 2:8

Ñanderuete Ñe’ẽ Porã 2015

Ha Ñanderuete, pe Jaraitéva oñotỹ peteĩ yvaty Edénpe, kuarahyresẽ gotýo; ha omoĩ ipype pe kuimba’e ojapova’ekuépe.

Referencias Cruzadas

Genesis 13:10

Ha Lot ojesaporavo hag̃ua oma’ẽ pe Jordan ñu tuichakuére ha hi’y porã heta rehe, ojogua Ñanderuete yvatýpe térã Egípto retãme, Zoar peve, Ñanderuete ohundi mboyve Sodóma ha Gomórrape.

Genesis 3:23

Ani hag̃ua péva oiko, Ñanderuete, pe Jaraitéva omosẽ ichupekuéra Eden yvatýgui, omba’apo hag̃ua pe yvýre ha’e voi oñemoingo haguégui.

Genesis 3:24

Ha omosẽ okápe Adan ha Évape, ha omoĩ Eden yvatýpe kuarahyresẽ gotýo querubinkuéra (ángel ruvicha) ikyse puku hendýva ha omýiva opa gotýo, oñangareko hag̃ua pe yvyra oporomoingovéva rape rehe.

Genesis 4:16

Ha Cain osẽ Ñanderuete renondégui, ha oiko Nod retãme, Edéngui kuarahyresẽ gotýo.

2 Réyes 19:12

Oĩ nga’u piko peteĩ tetã jára oguenohẽkuaava’ekue hetãme che ypykuéra pógui. Ko’ã tetãnguéra ore rombopoguýma: Gozan, Haran, Résef ha Eden ñemoñarenguéra oĩva’ekue Telasárpe.

Isaías 51:3

Añetehápe pende Ruete voi omoangapyhýma Siónpe, oiporiahuverekóta itaperekuérape ha ijyvy perõgui ojapóta Eden, ha iñuguasúgui Ñanderuete ojapóta kokue porã, ipype ojejohu hag̃ua vy’a, tory, purahéi ha ñemomba’eguasu avei.

Ezequiel 27:23

Haran, Cane, Eden, Sabaygua, Asiriaygua ha Quilmadgua oñemu avei nendive.

Ezequiel 28:13

Reikova’ekue Edénpe, Ñanderuete ka’avotýpe, reñemondeva’ekue opaichagua ita vera hepývape: Ita vera pytã (rubi), itajuve (topácio), itatĩverasakã hovy kangy (jáspe), ita vera hovy ha sa’yju (crisólito), itaparasaky (berílo), ita vera morotĩ hũ (ónice), ita vera hovyũ (zafíro), ita vera pytãvy (carbúnclo), ita vera hovy (esmerálda) ha óro porãvévagui ojejapopa ne mba’e pu pararãnguéra ha ne mimbykuéra, ko’ãva oñembosako’íra’e ndéve reje’apo ypyha árape.

Ezequiel 31:16

Ho’a ha hyapukuégui amboryryipáta umi tetãme, Che aitývo ichupe omanómava retãme, amondóvo ityvýpe; ha mayma yvyra Eden pegua ojeporavopyréva ha umi omboy’úva guive, oñomoangapyhy joaitéta upe yvykua pypukuhápe.

Ezequiel 31:18

Mávarehe piko reñembojojára’e, nde faraon, péicha remimbi ha reñembotuicha hag̃ua umi Eden pegua yvyra apytépe. Upeichavéramo jepe, nde, faraon, rejeitýta avei umi Eden pegua yvyra reheve pe yvykua ipypukuvehápe; ha upépe reñenóta umi ipire’i oñekytĩ’o’ỹva ndive, umi kyse pukúpe omanova’ekue ndive. Faraon ha opaite hetãyguakuéra ningo ko yvyra kóva, he’i pende Ruete.

Joel 2:3

Henonderãme tata ombokusuguepáta ha hapykuerépe tata rendyguasu oñu’ãmbáta gueteri, henonderãme pe yvy oiko Eden peguáicha, ha hapykuerépe itaperéta yvy perõicha, ha ndaiporimo’ãvéi avave okañýtava ichugui.