Genesis 2:1

Ñanderuete Ñe’ẽ Porã 2015

Upéicha ojejapopa yvagakuéra ha ko yvy, ha opaite mba’e oĩva guive ipype.

Referencias Cruzadas

Genesis 1:1

Ñepyrũmbýpe Ñanderuete (Jahve) ojapo ypyva’ekue yvagakuéra ha yvy.

Genesis 1:10

Ha Ñanderuete ombohéra pe mba’e ikãvape yvy, ha pe y Ha’e ombyatyva’ekue ombohéra yguasu. Ha Ñanderuete ohecha hembiapo iporãha.

Genesis 2:4

Upéicha Ñanderuete pe Jaraitéva ojapo ypyva’ekue yvagakuéra ha yvy;

2 Réyes 19:15

Ha Ezequías oñembo’e Ñanderuetépe, ha he’i: Israel Jára, reikóva querubinkuéra apytépe, Nde añoitéko ore Ruete yvy ape arigua tetãnguéra Jarateéva, nde voi rejapo yvagakuéra ha yvy.

2 Crónicas 2:12

Hiram he’i avei: Toñemomba’eguasu Jahve, Israel Jára yvagakuéra ha yvy apohare, ome’ẽ haguére tetã ruvicha Davídpe peteĩ ta’ýra iñarandúva ha iñapytu’ũ porãva, iñakã porãva ha iñakãguapýva, omopu’ã hag̃ua Jahve rogarã (Ñanderuete rogarã) ha tetã ruvicha rogarã.

Nehemías 9:6

Nde añoite ningo ore Ruete, Nde rejapova’ekue yvagakuéra, ha pe yvága ijyvatevéva opaite imba’eita hyepy pegua reheve; yvy ha opaite mba’e ipy peguáva guive, umi yguasu ha opaite mba’e ipype oĩva guive ha Nde remoingovereína opaite ko’ã mba’e, ha ángel aty yvagakuéra pegua omomba’eguasu joa nde réra.

Job 12:9

Ko’ãva apytégui oimeraẽva oikuaa voi Ñanderuete po ojapopa hague ichupekuéra.

Salmokuéra 104:2

Nde reñeñu’ã tesapépe, ku pónchope oñemonde háicha, ha Nde rejepyso umi yvága ojepyso háicha peteĩ cárpa óga ape ári.

Salmokuéra 146:6

Ha’e ningo yvagakuéra ha yvy apohare, pe yguasu, ha opaite mba’e ipype oĩva guive, Ha’e ningo noñemoambuéi, heko peteĩcha tapia g̃uarã.

Salmokuéra 33:6

Ñanderuete ñe’ẽ rupive ojejapova’ekue umi yvága, ha ijuru pytuhẽ rupive ojejapo opaite mba’e oĩva guive ipype.

Salmokuéra 33:9

Ñanderuete he’íva guive oiko, ha Ha’e ojaposéva guive ojapo avei katuete.

Éxodo 20:11

Nde Ruete ojapo rire yvagakuéra ha yvy, pe yguasu ha opaite mba’e ipype oĩva guive, opytu’u avei pe ára 7-hápe; upévagui nde Ruete ohovasa ha omboarete pe pytu’uha ára (sábado).

Éxodo 31:17

Pe jepytu’u ára oikóta techaukaha ramo opaite ára peve Che ha Israel ñemoñarenguéra apytépe; pende Ruete ojapopágui 6 árape opaite mba’e oĩva guive yvagakuérape ha yvy apére, ha pe ára 7-hápe omboarete ha opytu’u hag̃ua.

Isaías 34:4

Ha umi mbyja ára pegua opa reíta, ha yvagakuéra oñembyapakuáta ku kuatiáicha; ha ho’apáta jasytata, ku parral rogue okúi háicha, ha hígo rogue ho’a háicha.

Isaías 42:5

Péicha he’i Ñanderuete, pe Jaraitéva, Ha’e voi ningo yvagakuéra apohare ha omyasãiva’ekue umía; Ha’e oipyso pe yvy ha ojapopa heñóiva guive ipype, ha ombopytuhẽva umi tetãygua ipype oikóvape, ha ome’ẽ Ipytu Porãite umi oguatávape yvy apére.

Isaías 45:12

Che ajapo ko yvy, ha amoĩ ypyva’ekue hi’ári kuimba’e ha kuñáme. Che pokuéra omyasãiva’ekue umi yvága, ha amohenda mbyja atykuéra hendaitépe.

Isaías 45:18

Péicha he’i pende Ruete, yvága apohare: Che ningo pende Ruete, ha ndaipóri ambue, Che ajapomava’ekue ko yvy ha amoĩ porãmbava’ekue ojeiko porã hag̃ua ipype ha ndajapói yvy perõ.

Isaías 48:13

Che po omohendava’ekue ko yvy tuichakue, ha che po akatúa omyasãi yvagakuéra; Che ahenói ramo ichupekuéra, ou joaitéta che rendápe.

Isaías 55:9

Pe yvága ijyvateve háicha yvýgui, péicha hína che rapekuéra ijyvateve pende rapégui, ha che pensamiénto pene pensamiéntogui.

Isaías 65:17

Pema’ẽ porãke, Che ajapo jevýta yvagakuéra ha yvy pyahu; ha umi tenondeveguare rehe ndaiporimo’ãvéima mandu’a, ha’ekuéra hesaraipáta umíagui.

Jeremías 10:12

Ñanderuete, ipu’aka rupi, ojapova’ekue ko yvy, ha iñarandu rupi omohenda porãmba ko yvy apére oĩva guive, ha omyasãi umi yvága iñakã porãite rupi.

Jeremías 10:16

Ndaupéichai Jacóbo Jára, Ha’e ningo opaite mba’e Apohare, ha Israel imba’etee; Ñanderuete réra: Yvága Atykuéra Jára.

Jeremías 8:2

omyasãi hag̃ua kuarahy, jasy ha jasytata ára pegua renondépe, umívape ha’ekuéra voi omomba’eguasu ha oikova’ekue hembiguái ramo, oiko hapykuéri, omba’eporandu ichupekuéra, oñesũ henondepekuéra, noñeñotỹmo’ãi ha ndojejatymo’ãi yvy guýpe, oikóta ku mymba repotícha (ytýicha) yvy apére.

Zacarías 12:1

Ñanderuete ñe’ẽ Israel rehe: Ñanderuete omyasãiva’ekue yvagakuéra ha omopyendava’ekue ko yvy, ha omoingoveva’ekue kuimba’e ha kuña py’apýpe pe pytu porã, péicha Ha’e voi he’i:

Lúcas 2:13

Ha upéicha háguinte sapy’aitépe oñembyaty ángel jerekuévo hetaiterei angelkuéra omomba’eguasúva Ñanderuetépe he’ívo:

Apostolkuéra 4:24

Ha umi ojeroviáva Hesu Crísto rehe ohendúvo umi mba’e omomba’eguasu Ñanderuetépe he’ívo: Ore Jára, Nde rejapova’ekue pe ára, ko yvy, pe yguasu ha opaite mba’e ipype oĩva guive.

Apostolkuéra 7:42

Ha Ñanderuete ojei ichuguikuéra ha oheja omomba’eguasu mbyjakuérape oĩva árare, ojehai háicha Ñanderuete kuatiañe’ẽme: Peẽ Israelgua peikuave’ẽ piko chéve kuave’ẽmbynguéra umi 40 áño pukukue desiértope.

Deuteronómio 17:3

térã omomba’eguasúva ambue járape ha oñesũ henondépe, jepémo taha’e kuarahy térã jasy, térã mayma mbyjaita ára pegua, umía Ha’e he’iva’ekue peẽme ani hag̃ua pemomba’eguasu,

Deuteronómio 4:19

Ha pema’ẽvo ára rehe ha pehecha ramo pe kuarahy, pe jasy, umi mbyjakuéra térã ambue mba’e ani pejeity henondepekuéra pemomba’eguasu hag̃ua; umía Ñanderuete oheja ambue tetãnguéra oĩva ára guýpe g̃uarã.

hebreoyguakuerape 4:3

Ñande katu jajeroviágui jaike Ñanderuete pytu’uha rendápe, Ha’e he’i haguéicha ikuatiañe’ẽme: Upévare chepochy ha ame’ẽ che ñe’ẽ, ha’évo: Ha’ekuéra ndoikemo’ãi che pytu’uha rendápe, Che apytu’u haguéicha avei, ajapopa ramoguare ko yvy ha opaite mba’e oĩva guive ipype, (Salmokuéra 95,11).