Genesis 17:6

Ñanderuete Ñe’ẽ Porã 2015

Ha rombohetaitereíta ha heta tetã ajapóta ndehegui, ha heta tetã ruvicha osẽta ndehegui.

Referencias Cruzadas

Genesis 13:16

Ha ambohetáta ne ñemoñarenguéra yvyku’ícha; ha oĩ ramo peteĩ oipapakuaáva pe yvyku’i ko yvy apére, péva oipapakuaáta avei ne ñemoñarenguérape.

Genesis 17:16

Ha ahovasáta ichupe, ha ha’e rupive ame’ẽta ndéve peteĩ nde ra’yrã; Che ahovasáta ichupe, ha oikóta ichugui heta tríbu sy ramo; ha heta mburuvichaguasu osẽta ichugui.

Genesis 17:20

Ha umi mba’e nde rejeruréva Ismael rehe ajapóta avei; Che ahovasáta avei ichupe, ichugui osẽta avei 12 tríbu ruvicha ha peteĩ tetã ndetuicháva.

Genesis 17:4

Eikuaa porãke, añemoĩ nendive peteĩ ñe’ẽme ha reikóta heta tetãnguéra ru ramo.

Genesis 26:22

Ha oñemboykénte upégui, ojo’ove ambue yvykua, ha noñorãirõvéi hikuái péva rehe, ha ombohéra Rehobot ha he’i: Ko’ág̃a ae Ñanderuete ñanembopy’aguapy ha ñañeakãrapu’ãta ko yvýpe.

Genesis 28:3

Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.

Genesis 35:11

He’i avei ichupe: Che ningo pe Jára ipu’akapáva; eñemoña ha eñembohetavéke, tetã ha tríbu atýra osẽ hag̃ua ndehegui, ha heta tetã ruvicha osẽta ndehegui.

Genesis 41:52

Ha ita’ýra mokõiha ombohéra Efrain, he’ígui: Ñanderuete chemboheta ko tetã ajepy’apyete haguépe.

Genesis 47:27

Ha péicha Israel (Jacóbo) oiko Egípto retãme, Gosen yvýpe; ha upépe oiko hikuái ha oñemboheta hetave ohóvo.

Genesis 48:3

Ha he’i Josépe: Ñanderuete, pe Ipu’akapáva, ojehechauka chéve Lúzpe, Canaan retãme, ha cherovasa,

Genesis 48:4

ha he’i chéve: Péina ápe, che rombohetáta ha romoñemoña heta hetavéta, romoĩ hag̃ua tetãnguéra ñemoñaha ramo; ha ame’ẽta ko yvy ne ñemoñarenguérape imba’etee ramo opaite árape g̃uarã.

Ésdras 4:20

ha oĩ hague avei Jerusalénpe tetã ruvicha imbaretéva ha oguerekova’ekue ipoguýpe umi yvy Éufrates ysyry mboypýri oĩva guive, ha oñeme’ẽva ichupekuéra impuésto.

Levítico 26:9

Che poipytyvõta, pombotuicháta, pombohetáta ha che ñe’ẽme’ẽ amoañetéta penendive.