Genesis 17:4

Ñanderuete Ñe’ẽ Porã 2015

Eikuaa porãke, añemoĩ nendive peteĩ ñe’ẽme ha reikóta heta tetãnguéra ru ramo.

Referencias Cruzadas

Genesis 12:2

Ha ajapóta ndehegui peteĩ tetã ndetuicháva. Che rohovasáta ha ambotuicháta nde réra, ha aipota nde reiko jehovasapyrã ramo ambuekuérape g̃uarã.

Genesis 13:16

Ha ambohetáta ne ñemoñarenguéra yvyku’ícha; ha oĩ ramo peteĩ oipapakuaáva pe yvyku’i ko yvy apére, péva oipapakuaáta avei ne ñemoñarenguérape.

Genesis 16:10

Pe yvága rembiguái he’ive ichupe: Ambohetaitereíta ne ñemoñare, hetaitereígui ndaikatumo’ãi ojepapa.

Genesis 22:17

añetehápe rohovasáta ha amboheta hetavéta ne ñemoñarenguéra umi jasytata árare ojehechávaicha ha pe yvyku’i oĩva pe yguasu rembe’y peguáicha; ha ne ñemoñarenguéra ombopoguýta umi hesekuéra ija’e’ỹva retãnguéra.

Genesis 25:23

ha Ñanderuete he’i ichupe: Mokõi tetã oĩhína nde rete ryepýpe, ha mokõi tetã oñemboja’óta nde ryepy guive; peteĩ tetã imbaretevéta ambue tetãgui, ha pe tenondegua oikóta pe imitãvéva rembiguái ramo.

Genesis 28:3

Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.

Genesis 32:12

Ha Nde voi ereva’ekue: Mba’eporã ajapóta nderehe, ne ñemoñare hetáta ku yvyku’i yguasu rembe’y peguáicha, hetaitereígui ndaikatumo’ãi ojepapapa.

Genesis 35:11

He’i avei ichupe: Che ningo pe Jára ipu’akapáva; eñemoña ha eñembohetavéke, tetã ha tríbu atýra osẽ hag̃ua ndehegui, ha heta tetã ruvicha osẽta ndehegui.

Genesis 48:19

Itúva katu ndoipotái, ha he’i: Aikuaa voi ningo, che ra’y, ichugui oikóta avei peteĩ tríbu, ha’e oñembotuicháta avei; ityvýra katu ituichavéta ichugui, ha iñemoñarégui oikóta peteĩ tríbu ndetuichaitéva.

Éxodo 6:4

Ha ame’ẽma avei ichupekuéra che ñe’ẽ ame’ẽtaha Canaan yvy imba’erã ramo, pe yvy oikómi haguépe hikuái tetã ambueyguakuéra ramo,