Genesis 17:2

Ñanderuete Ñe’ẽ Porã 2015

Añemoĩta peteĩ ñe’ẽme nendive, ha ambohetaitereíta ne ñemoñarenguérape ko yvy ári.

Referencias Cruzadas

Genesis 12:2

Ha ajapóta ndehegui peteĩ tetã ndetuicháva. Che rohovasáta ha ambotuicháta nde réra, ha aipota nde reiko jehovasapyrã ramo ambuekuérape g̃uarã.

Genesis 13:16

Ha ambohetáta ne ñemoñarenguéra yvyku’ícha; ha oĩ ramo peteĩ oipapakuaáva pe yvyku’i ko yvy apére, péva oipapakuaáta avei ne ñemoñarenguérape.

Genesis 15:18

Upe ára upévape Ñanderuete oñemoĩ peteĩ ñe’ẽme Abram ndive, ha he’i: Ne ñemoñarenguérape ame’ẽta ko yvy, Egípto ysyry guive Éufrates ysyry peve:

Genesis 15:5

Ha ogueraha ichupe okápe, ha he’i ichupe: Ema’ẽna árare, ha eipapa umi jasytata, reipapakuaa piko. Ha he’i ichupe: Peichaitéta ne ñemoñarenguéra.

Genesis 22:17

añetehápe rohovasáta ha amboheta hetavéta ne ñemoñarenguéra umi jasytata árare ojehechávaicha ha pe yvyku’i oĩva pe yguasu rembe’y peguáicha; ha ne ñemoñarenguéra ombopoguýta umi hesekuéra ija’e’ỹva retãnguéra.

Genesis 28:3

Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.

Genesis 9:9

Péina ápe, Che añemoĩ peteĩ ñe’ẽme penendive ha pene ñemoñarenguéra ndive;

2 Réyes 13:23

Ha Ñanderuete oiporiahuvereko ichupekuéra ha oma’ẽ hesekuéra. Ha ome’ẽ haguére iñe’ẽ Abraham, Isaac ha Jacóbope, ndohejái Israel oñehundiete ko ára kóva peve.

1 Crónicas 16:16

Ha’e oñembopy’apeteĩ Abraham ndive, ha ome’ẽ iñe’ẽ Isaácpe;

Salmokuéra 25:14

Ñanderuete ohayhuhína umi okyhyjévape ichugui ha umi mba’e ha’ekuéra oikuaa’ỹva Ha’e omoarandúta ichupekuéra omoirũ porã guive ichupe.

Romayguakuérape 9:4

Ñanderuete voi ningo oiporavova’ekue ichupekuéra hetãtee ramo, ita’yrakuéraicha, ohechaukáma ichupekuéra heko jajaipa, ome’ẽ ichupekuéra heta promésa ha ikuatiañe’ẽ, ome’ẽ ichupekuéra Moises rupi hembiapoukapykuéra ha ohechauka ichupekuéra mba’éichapa icúltope omomba’eguasuva’erã Ijapoharépe, ome’ẽ avei ichupekuéra heta profecía.