Genesis 13:7

Ñanderuete Ñe’ẽ Porã 2015

Upévare Abram rymba rerekuakuéra oñepyrũma oñorãirõ Lot rymba rerekuakuéra ndive; ha umi Canaangua ha umi Ferezgua oiko gueteri pe tetã pévape.

Referencias Cruzadas

Genesis 10:19

Ha umi Canaangua yvy oĩ Sidon guive ha oho Gerar gotýo, Gáza peve; ha upéi oho Sodóma ha Gomórra gotýo, ha Adma ha Zeboim gotýo, Lasa peve.

Genesis 12:6

Abram ohasa upérupi Siquémpe, More pegua yvyra encína peve; ha upéramo umi Canaangua oiko pe tetãme.

Genesis 21:25

Ha Abraham oñe’ẽ Abimelécpe peteĩ ykua rehe, Abimelec rembiguaikuéra oipe’ava’ekue ichugui.

Genesis 26:20

umi Gerargua rymba rerekua oñorãirõ umi Isaac rymba rerekua ndive, he’ívo: Pe y ore mba’e. Upéicha rupi Isaac ombohéra pe yvu Esec, oñoñe’ẽ’api haguére hese.

Genesis 34:30

Upémaramo Jacóbo he’i Simeon ha Levípe: Peẽ chemyangekõi, peẽ chemoĩ vaígui ko’ã tetãygua, umi Canaangua ha umi Ferezgua apytépe; ñande ningo ñanembovyeterei, ha’ekuéra oñembyaty ramo oñorãirõ hag̃ua ñanendive ñandejukapaitéta.

Genesis 46:34

Peẽ pejéta: Ore, ne rembiguái, tymba rerekua ore mitãrusu ára guive ko’ág̃a peve, ore ha ore rukuéra avei; ikatu hag̃uáicha roiko Gosen yvýpe; Egiptoyguakuérape g̃uarã ovecha ha kavara rerekua mba’e iky’aitéva.

Nehemías 5:9

Ha che ha’eve ichupekuéra: Naiporãi umi mba’e pejapóva. Ndapekyhyjéi piko Ñanderuetégui, anive hag̃ua jaiko tetãnguéra ñanderehe ija’e’ỹva ñembohoryha ramo.

Éxodo 2:17

Ambue ovecha rerekua katu ou ha omosẽ ichupekuéra upégui; upérõ Moises opu’ã ha oipytyvõ ichupekuéra omboy’u hag̃ua hymbakuérape.

Mga Kawikaan 20:3

Pe kuimba’e herakuã porãva ojei ñorãirõgui, pe ivýrova katu oheka voi pe ñorãirõrã.

Márcos 3:25

Ha umi ogaygua oikóva peteĩ ógape oñemoĩ ramo ojuehe, katuete ndahi’are ha ndoikopukumo’ãi.

1 Corintoyguakuérape 3:3

peẽ peikógui gueteri pende yvyarigua rete rembipota vai poguýpe. Oĩgui pende apytépe py’a rasy (célo) ha ñorãirõ, ha ko’ã mba’e ohechauka porã peẽ peikoha gueteri yvyarigua rete rembipota vai poguýpe, péicha ningo oikohína umi ojerovia’ỹva Hesu Crísto rehe.

Galaciayguakuérape 5:20

umi omomba’eguasúva ambue járape, paje (encánto), umi oñemoĩ reíva hapicha rehe, ñorãirõ, takate’ỹ, pochy, ha’éntese, umi omyasãiva ñe’ẽ vai hapicha rehe, umi omboja’óva kuimba’ekuérape térã kuñakuérape aty atýpe oñemoĩ hag̃ua ojuehe,

Colosayguakuérape 4:5

Arandupópe peiko umi ojerovia’ỹva apytépe ha peiporu porã pe oportunidad Ha’e ombosako’íva peẽme.

1 Tesalonicayguakuérape 4:12

peẽ peiko hag̃ua hekópe ñande rehegua’ỹva apytépe, ani hag̃ua peheka pytyvõ ambuekuéragui.

Títope 3:3

Ñande voi yma ñandevyrova’ekue, nañaneñe’ẽrendúimi, ñande japiava’ekue avei tape porãgui jaiko hag̃ua opaichagua mba’evai rembiguáirõ, jaiko aña rekópe, envídiape, py’arópe, ha upévare ambuekuéra oiko ñanderehe ija’e’ỹva ramo.

Tiágo 3:16

Oĩháme py’arasy (envídia) ha ñembotuicha, upépe oĩ avei sarambi ha opaichagua tembiapo vai.

Tiágo 4:1

Moõguipa ou ñorãirõ ha ñe’ẽ’api pende apytépe. Ndoúi piko pende rete rembipota vaígui, oñorãirõva pende py’apýpe ko’ẽ ko’ẽre.

1 Pédro 2:12

Peiko porã ha hekoitépe ambue tetãnguéra ojerovia’ỹva apytépe, ha oñe’ẽvai ramojepe hikuái penderehe mba’evai apohára ramo, ha’ekuéra ohechakuaáta pene rembiapo porã ha upévare omomba’eguasúta avei Ñanderuetépe upe ára Ha’e oútavape ñane’andu hag̃ua (Matéo 5,16).