Genesis 12:1

Ñanderuete Ñe’ẽ Porã 2015

Ñanderuete katu he’i Abrámpe: Tereho ne retãgui ha nde rogayguakuéra apytégui, nde ru rógagui, upe tetã ahechaukatahápe ndéve.

Referencias Cruzadas

Genesis 15:7

Ha Ha’e he’i ichupe: Che ningo nde Jára roguenohẽva’ekue Ur, Caldeaygua retãgui, ame’ẽ hag̃ua ndéve ko yvy kóva ne mba’erã ramo.

Genesis 20:13

Ha Ñanderuete cherenohẽ ramoguare che ru rógagui aiko hag̃ua tetã ambuépe che ha’ékuri ichupe: Ko mba’eporã nde rejapóta cherehe, ha mamo ñag̃uahẽha rupi eréta: Ha’e che kyvy.

Genesis 24:38

Rehóta uvei che ru ha che pehẽnguekuéra rógape, ha upégui reguerúta che ra’y rembirekorã.

Genesis 24:4

Rehóta uvei che retãme, che pehẽnguekuéra rendápe, ha upépe rehekáta che ra’y Isaac rembirekorã.

Genesis 24:7

Ñanderuete, yvagakuéra Jára, cheguenohẽva’ekue che ru rógagui ha che rogayguakuéra retãgui, ha oñe’ẽva’ekue chéve he’ívo: Ne ñemoñarenguérape ame’ẽta ko yvy kóva; Ha’e omondóta peteĩ yvága rembiguái ne renonderãme nde regueru hag̃ua upégui che ra’y rembirekorã.

Genesis 26:2

Ha Ñanderuete ojehechauka ichupe ha he’i: Aníke reguejy Egíptope; eiko pe yvy che ha’étavape ndéve.

Nehemías 9:7

Nde ningo ore Ruete, pe Jára oiporavova’ekue Abrámpe ha oguenohẽva’ekue ichupe Ur, Caldéa.

Isaías 37:12

Umi tetã jára oipytyvõ piko ra’e umi tetã ahundipava’ekuépe: Gozan, Haran, Résef ha umi Eden ñemoñarenguérape, oikova’ekue Telasárpe.

Isaías 41:9

Che rojapyhyva’ekue amo yvy paha ruguágui, ha tetã mombyryetégui rohenói, ha ha’e ndéve: Nde ningo che rembiguaitee; roiporavo ha noromboykemo’ãi.

Isaías 51:2

Pema’ẽ porãke pende ru Abraham ha pende sy Sára rehe, ha’e hasyhápe imembyva’ekue Che ahenói ramoguare ichupe, ha’eñoite oiko, ha Che ahovasa rire ichupe ha’e oñemoña hetaiterei.

Ezequiel 33:24

Kuimba’e ra’y, umi hembýva Israel retãgui he’i: Abraham ha’eñominteva’ekue, ñande katu ñañemomba’e ko yvy rehe; ñande katu ñandereta; ñandéve oñeme’ẽ ko yvy ñañemomba’e hag̃ua hese,

Números 10:30

Hobab katu ombohovái Moiséspe: Che ndahamo’ãi, aháta che retãme, che pehẽnguekuéra oĩháme.

2 Corintoyguakuérape 6:17

Upévare pesẽ ijapytégui ha pejei ichuguikuéra, he’i pende Ruete, ha ani pepoko mba’e ky’a rehe, upéicharamo Che poguerohorýta.

hebreoyguakuerape 11:8

Abraham ojeroviágui iñe’ẽrendu Ñanderuetépe he’i ramoguare ichupe oho hag̃ua peteĩ tetãme, oñeme’ẽtaha ichupe; ha Abraham osẽ, ndoikuaái ramojepe mo’õitépa og̃uahẽta, (Génesis 12,1-4).

Apocalípsis 18:4

Ha ahendu ambue ñe’ẽpu yvágaguio he’íva: Pesẽ ichugui, peẽ che retãyguakuéra, ani hag̃ua peẽ peñemoangaipa avei hendive ha ani hag̃ua pehupity avei ijehavira.