Genesis 1:9

Ñanderuete Ñe’ẽ Porã 2015

Upéi Ñanderuete he’i: Ta’ijaty umi y oĩva umi ára guýpe peteĩ hendápe, ojehecha hag̃ua pe mba’e ikãva, ha upéicha ojehu.

Referencias Cruzadas

Genesis 1:8

Ha Ñanderuete ombohéra pe mba’e iñasãivape arapy. Ha ohasa ka’arupytũ ha pyhareve, pe ára mokõiha.

Nehemías 9:6

Nde añoite ningo ore Ruete, Nde rejapova’ekue yvagakuéra, ha pe yvága ijyvatevéva opaite imba’eita hyepy pegua reheve; yvy ha opaite mba’e ipy peguáva guive, umi yguasu ha opaite mba’e ipype oĩva guive ha Nde remoingovereína opaite ko’ã mba’e, ha ángel aty yvagakuéra pegua omomba’eguasu joa nde réra.

Job 26:10

Ha’e omohembe’y ykuéra, ha upéicha avei pe tesakã, pytũ apýragui.

Job 26:7

Ha’e oipyso pe yvága pe nandiha ári. Ha ojoko pe yvy mba’eve’ỹre.

Salmokuéra 104:3

Nde remopu’ã nde róga y mbytépe, Nde remoĩ umi arai nde cárro ramo. Nde reveve pe yvytu pepo ári.

Salmokuéra 33:7

Ha’e ombyaty pe yguasu peteĩ tápiaicha, Ha’e oñongatu avei pe yeta yvy guýpe, oñeñongatu háicha pe y peteĩ kambuchípe.

Salmokuéra 95:5

Imba’e avei pe yguasu, Ha’e ningo ijapohare voi, ha ipokuéra ojapova’ekue ko yvy porãitéva.

Eclesiástes 1:7

Opaite ysyrykuéra oho yguasúpe ha upeichavérõ jepe nahenyhẽi; umi ysyry osẽ haguépe, upépe ohopa jevy osyry pyahuete jevy hag̃ua.

Jeremías 5:22

Ndapekyhyjemo’ãi piko chehegui, he’i pende Ruete, ndaperyryimo’ãi piko che renondépe, amoĩma yvyku’i yguasu rembe’ýpe, hi’y ani hag̃ua ohasa upeguive, oñemopu’ã yvate ha okororõ vai ramojepe ndaikatúi ohasa upégui.

Jonas 1:9

Ha ha’e he’i ichupekuéra: Che ningo hebréo (Israelgua), ha ambotuicha Yvagakuéra Járape, yguasu ha yvy apoharépe.

2 Pédro 3:5

Añete, ha’ekuéra ningo ndoikuaái, ndoikuaaséigui, yvagakuéra oiko hague ymaite guive ha Ñanderuete ñe’ẽ rupi ko yvy kóva osẽ ýgui ha y rupi ojejapo hague.

Apocalípsis 10:6

ha ome’ẽ iñe’ẽ (juraménto) pe Oikovéva tapia g̃uarãva rérape, ojapova’ekue pe yvága ha oĩva guive ipype, pe yvy ha oĩva guive ipype, pe yguasu ha oĩva guive ipype, ha he’i Ñanderuete poriahuvereko arakuéra opava’erãha.