Genesis 1:6

Ñanderuete Ñe’ẽ Porã 2015

Upéi Ñanderuete he’i: Toñemboja’o umi yguasu mokõi hendápe, pe y yvy apére ha pe y ára yvate pegua; ha ijapytépe toiko pe arapy (firmaménto).

Referencias Cruzadas

Genesis 1:14

Upéi Ñanderuete he’i: Toĩ umi mba’erendy ohesapéva arapýpe, ojei hag̃ua ojuehegui ára ha pyhare; ha ohechauka hag̃ua umi ára (día), jasyjere (mes) ha añokuéra.

Genesis 1:20

Upéi Ñanderuete he’i: Taheñói ykuérape opaichagua mymba oikovéva ýpe, ha guyrakuéra ovevéva yvy ape ári g̃uarã, pe arapy iñasãivare.

Job 26:13

Oipeju ramo pe ára oñemopotĩ jevy ha ipo ojuka pe tejujaguaguasúpe.

Job 37:11

Ha’e omyenyhẽ araikuéra ýgui ha arai atýgui osẽ aratiri.

Job 37:18

Remyasãi piko hendive pe ára, oñemoambue’ỹre ku espéjo bronceguiguávaicha.

Salmokuéra 104:2

Nde reñeñu’ã tesapépe, ku pónchope oñemonde háicha, ha Nde rejepyso umi yvága ojepyso háicha peteĩ cárpa óga ape ári.

Salmokuéra 148:4

Pemomba’eguasu ichupe, ára ha yeta hi’ári oĩva.

Salmokuéra 150:1

Pemomba’eguasu Ñanderuetépe hogaguasúpe, pemomba’eguasu ichupe ijyvága tuichahápe.

Salmokuéra 19:1

Yvagakuéra omombe’u Ñanderuete reko jajaipa, ha arapýre ojekuaa ipo rembiapokue.

Salmokuéra 19:2

Peteĩ ára ombohasa ko marandu a mbue árape, ha peteĩ pyhare oikuaauka ko marandu ambue pyharépe.

Salmokuéra 33:6

Ñanderuete ñe’ẽ rupive ojejapova’ekue umi yvága, ha ijuru pytuhẽ rupive ojejapo opaite mba’e oĩva guive ipype.

Salmokuéra 33:9

Ñanderuete he’íva guive oiko, ha Ha’e ojaposéva guive ojapo avei katuete.

Eclesiástes 11:3

Umi arai henyhẽte ramo ýgui, oñehẽmbava’erã yvy apére, ha peteĩ yvyra ho’a ramo sur gotýo térã nórte gotýo, opytáta ho’a haguépe.

Isaías 40:22

Ñanderuete oguapyhína ko yvy tuichakue ári, ichupe g̃uarã yvyariguakuéra ojogua tukúpe, Ha’e oipyso umi yvága ku aosãingóicha, Ha’e omyasãi umía ku óga aoguiguáicha ojeiko hag̃ua iguýpe.

Jeremías 10:10

Ñanderuete katu yvyariguakuéra Jára añeteteguáva; ha’énte pe Jára oikovéva ha Tetã ruvichaguasu ijapyra’ỹva; Ha’e ipochy vove oryrýi ko yvy, ha umi tetã ndogueropu’akái ipochy.

Jeremías 51:15

Ñanderuete voi ojapova’ekue ko yvy ipu’akapa rupi, ha iñarandu rupi omoĩva’ekue ko yvy hendag̃uáme, ha omyasãiva’ekue avei yvagakuéra.

Zacarías 12:1

Ñanderuete ñe’ẽ Israel rehe: Ñanderuete omyasãiva’ekue yvagakuéra ha omopyendava’ekue ko yvy, ha omoingoveva’ekue kuimba’e ha kuña py’apýpe pe pytu porã, péicha Ha’e voi he’i:

2 Pédro 3:5

Añete, ha’ekuéra ningo ndoikuaái, ndoikuaaséigui, yvagakuéra oiko hague ymaite guive ha Ñanderuete ñe’ẽ rupi ko yvy kóva osẽ ýgui ha y rupi ojejapo hague.