Ha Ñanderuete he’i: Tahesakã, ha hesakãma.
Upéicha Ñanderuete pe Jaraitéva ojapo ypyva’ekue yvagakuéra ha yvy;
Ema’ẽ porãke, Ha’e omyasãi tesape ijerekuévo ha oñu’ã pe ára rugua paha peve.
Moõrupípa ohasa pe tape ohóva pe tesape rendag̃ua, ha moõ piko opyta pe pytũ rendag̃ua.
Nde reñeñu’ã tesapépe, ku pónchope oñemonde háicha, ha Nde rejepyso umi yvága ojepyso háicha peteĩ cárpa óga ape ári.
Ñanderueténte yvága atykuéra Jára, Ha’e ningo ore resape, pemosã umi kuave’ẽmby renda ratĩ rehe umi tymba oñekuave’ẽtava.
Pemomba’eguasu Ñanderuete réra, Ha’e he’íva guive katuete oikóta avei.
Ñanderuete ñe’ẽ rupive ojejapova’ekue umi yvága, ha ijuru pytuhẽ rupive ojejapo opaite mba’e oĩva guive ipype.
Ñanderuete he’íva guive oiko, ha Ha’e ojaposéva guive ojapo avei katuete.
Tesape oñemyasãi heko potĩvape g̃uarã, ha vy’a umi ipy’a potĩvape g̃uarã.
Che amyesakã ha amoypytũ, Che ambopy’aguapy ha amyangekõi. Che, pende Ruete, ajapopa ko’ã mba’e.
Araka’evéma nereikotevẽmo’ãvéi kuarahy rehe omyesakã hag̃ua nde ára pukukue, ni jasy nanderesapemo’ãvéita, pende Ruete voi oikóta nde resapehára ramo opaite ára peve, ha nde Jára reko jajaipa oĩta nendive.
Ha Hesu ipojái ha opokóvo hese he’i: Aipota, tanepotĩ. Ha upevovete ipotĩmba ilépragui.
Ha pe Tesape ningo ohesape pytũmbýpe, ha pe pytũ ndaipu’akái hese.
Pe Ñe’ẽ ningo pe Tesape añeteguáva, ouva’ekue ko yvy ape ári ohesape hag̃ua opavave kuimba’e ha kuñáme.
Ha he’ipávo ko’ã ñe’ẽ, Hesu osapukái: Lázaro, esẽ okápe.
Kóva ningo pe ñembojovake oúva Tesape rupi ko yvy ape ári, tetãyguakuéra ohayhuve pe pytũme tesapégui, ha ndohechaséi hembiapokuéra ivaiha.
Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.
Opaite mba’e Ha’e ohechaukáva ningo tesape, upévare Ñanderuete kuatiañe’ẽme he’i avei: Epáy nde rekéva, ha epu’ã omanóva apytégui, ha Hesu Crísto nderesapéta.
Ymave ningo peikova’ekue avei pytũguýpe, ko’ág̃a katu peikóma Ñanderuete ndive tesapehápe. Upéicha ramo peikóna avei tesape ra’y ha itajýra ramo.
Ha’eñoite oguereko pe tekove tapia g̃uarãva, Ha’e oikóva tesape ojeike’ỹháme: Ndaipóri yvyarigua apytépe ohecháva ichupe ha ndaikatúi voi ohecha ichupe; toñemomba’eguasu ha toñembotuicha ichupe tapia g̃uarã, taupéicha (amen).
Ko ñe’ẽ porãite kóva ore rohendu Hesu Crístogui ha rombohasase peẽme: Ñanderuete ningo tesape, ha mba’eveichagua pytũ ndaipóri ipype, (Tiágo 1,17).
Upéicharamo jepe ahai peteĩ tembiapoukapy pyahu, kóva hi’añete ipype ha pendepype; pe pytũ ningo ohasáma ha pe tesape añeteguáva ohesapéma, (Juan 13,34).
