Genesis 1:1

Ñanderuete Ñe’ẽ Porã 2015

Ñepyrũmbýpe Ñanderuete (Jahve) ojapo ypyva’ekue yvagakuéra ha yvy.

Referencias Cruzadas

2 Réyes 19:15

Ha Ezequías oñembo’e Ñanderuetépe, ha he’i: Israel Jára, reikóva querubinkuéra apytépe, Nde añoitéko ore Ruete yvy ape arigua tetãnguéra Jarateéva, nde voi rejapo yvagakuéra ha yvy.

1 Crónicas 16:26

Opaite ambue jarakuéra ta’ãngánte voi, Ñanderuete katu yvagakuéra apohare.

2 Crónicas 2:11

Upéramo Hiram, pe Tíro retã ruvicha, he’i kuatiañe’ẽ rupi Salomónpe: Jahve, Israel Jára ohayhúgui Israel retãme, nemoĩma hetã ruvicha ramo.

Nehemías 9:6

Nde añoite ningo ore Ruete, Nde rejapova’ekue yvagakuéra, ha pe yvága ijyvatevéva opaite imba’eita hyepy pegua reheve; yvy ha opaite mba’e ipy peguáva guive, umi yguasu ha opaite mba’e ipype oĩva guive ha Nde remoingovereína opaite ko’ã mba’e, ha ángel aty yvagakuéra pegua omomba’eguasu joa nde réra.

Job 26:13

Oipeju ramo pe ára oñemopotĩ jevy ha ipo ojuka pe tejujaguaguasúpe.

Job 38:4

Moõ piko nde reiméra’e Che ajapo ramoguare ko yvy. Ehechaukána chéve nde nearanduha.

Job 9:8

Ha’e año oipyso yvagakuéra, ha Ha’e oguata yguasu ape oñemomýiva ári.

Salmokuéra 102:25

Iñepyrũmbýpe rejapo ko yvy, ha umi yvága nde po rembiapokue voi.

Salmokuéra 104:24

Ndaikatuvéima ojepapapa ne rembiapokuéra hetaitereígui, Nde, ore Ruete. Ne arandu ituichaite rupi rejapopaite umía, pe yvy henyhẽte ne rembiapo porãgui.

Salmokuéra 104:30

Nde rembou ramo nde Pytu Porã ha’ekuéra oikóta, ha Nde voi ningo rembopyahu jevy jey ko yvy ape.

Salmokuéra 115:15

Peẽ ningo Ñanderuete jehovasapyre, yvága ha yvy apohare.

Salmokuéra 121:2

Ñanderuete ningo chepytyvõta, Ha’e ningo yvagakuéra ha yvy apohare.

Salmokuéra 124:8

Ore Ruete orepytyvõ héra rehehápe, Ha’e voi ningo yvága ha yvy apohare.

Salmokuéra 134:3

Sion guive tanderovasa Ñanderuete, yvagakuéra ha yvy apohare.

Salmokuéra 136:5

Arandupópe Ha’e ojapova’ekue umi yvága, ha imborayhu ndopamo’ãi araka’eve.

Salmokuéra 146:6

Ha’e ningo yvagakuéra ha yvy apohare, pe yguasu, ha opaite mba’e ipype oĩva guive, Ha’e ningo noñemoambuéi, heko peteĩcha tapia g̃uarã.

Salmokuéra 33:6

Ñanderuete ñe’ẽ rupive ojejapova’ekue umi yvága, ha ijuru pytuhẽ rupive ojejapo opaite mba’e oĩva guive ipype.

Salmokuéra 33:9

Ñanderuete he’íva guive oiko, ha Ha’e ojaposéva guive ojapo avei katuete.

Salmokuéra 8:3

Che ama’ẽ ramo yvagakuéra rehe, nde po rembiapokuére, pe jasy ha umi mbyja rehe Nde rejapova’ekue,

Salmokuéra 8:4

che voi ha’e: Mba’épa pe kuimba’e, nemandu’a hag̃ua hese ha rejepy’apy hag̃ua Adan ra’ykuéra rehe.

Salmokuéra 90:2

Umi cérro oiko mboyve ha rejapo mboyve ko yvy ha umi mbyja atykuéra, ymaiterei guive opaite ára peve, Nde, ore Ruete, reĩreína.

Salmokuéra 96:5

Opaite tetã jára, oĩva guive, ta’ãngánte, Ñanderuete katu yvagakuéra apohare voi.

Éxodo 20:11

Nde Ruete ojapo rire yvagakuéra ha yvy, pe yguasu ha opaite mba’e ipype oĩva guive, opytu’u avei pe ára 7-hápe; upévagui nde Ruete ohovasa ha omboarete pe pytu’uha ára (sábado).

Éxodo 31:18

Ha Ñanderuete ome’ẽ Moiséspe, oñe’ẽmba rire hendive pe Sinai cérrope, mokõi ita ipéva tembiapoukapy reheguáva, umi ita ipévare Ñanderuete voi ohaiva’ekue ikuãme umi 10 tembiapoukapy.

Mga Kawikaan 16:4

Opaite mba’e Ñanderuete ojapóvaguive ipype oĩ ipropósito, umi iñañáva jepe Ha’e ojapo oñehundi hag̃ua hi’araitépe.

Mga Kawikaan 3:19

Arandupópe Ñanderuete ojapo ypyva’ekue ko yvy ha akãporãme omohendava’ekue yvagakuéra.

Eclesiástes 12:1

Nemandu’ákena nde apohare rehe ne mitãrusu árape, og̃uahẽ mboyve umi ára naiporãiva, nanembovy’áiva ha ereva’erãme: Ndavy’aiete ningo;

Isaías 37:16

Che Ruete, yvága atykuéra Jára, Israel Jára, reguapýva querubinkuéra ári, Nde añónte ore Ruete ha avei ko tetã Jára; Nde voi umi yvága ha ko yvy apohare.

Isaías 40:21

Ndapeikuaái ha napehendúi piko mba’éichapa oñepyrũmbára’e. Noñemombe’úi piko peẽme mba’éichapa ojejapo ypyva’ekue ko yvy kóva.

Isaías 40:26

Pejesaupi ha pema’ẽ porãke mbyja atykuéra rehe. Máva piko ojapopa umía, Ha’e voi omboguatapa umíape, Ha’e ohenói umíape héra rupi, ha ndaipóri peteĩnte jepe ou’ỹva Ha’e ohenói guive, peichaite tuicha ipu’aka.

Isaías 40:28

Ndereikuaái ha nerehendúi piko Ñanderuete, yvága atykuéra Jára ningo tapia g̃uarã voi. Ha’e oikohína, Ha’e ojapo ypyva’ekue ko yvy ijapýra paha peve. Ndaipy’akangýi, naikane’õi ha ndaipóri avave ohupitýva ikuaapy arandu.

Isaías 42:5

Péicha he’i Ñanderuete, pe Jaraitéva, Ha’e voi ningo yvagakuéra apohare ha omyasãiva’ekue umía; Ha’e oipyso pe yvy ha ojapopa heñóiva guive ipype, ha ombopytuhẽva umi tetãygua ipype oikóvape, ha ome’ẽ Ipytu Porãite umi oguatávape yvy apére.

Isaías 44:24

Péicha he’i Ñanderuete, ndesalvátava, nde’apova’ekue nde sy ryépe: Che, pende Ruete, opaite mba’e apohare, Chénte amyasãi yvagakuéra, ha amohenda porã ko yvy.

Isaías 45:18

Péicha he’i pende Ruete, yvága apohare: Che ningo pende Ruete, ha ndaipóri ambue, Che ajapomava’ekue ko yvy ha amoĩ porãmbava’ekue ojeiko porã hag̃ua ipype ha ndajapói yvy perõ.

Isaías 51:13

Ha nderesarái Ñanderuete, nde apoharégui, omyasãiva’ekue umi yvága ha omohenda ko yvy tuicháva; opaite ára rekyhyje pe ndejopy asýva pochýgui, nehundi hag̃uáicha. Ha mamo piko oime pe oporojopy asýva pochykue.

Isaías 51:16

Ha nde jurúpe amoĩkuri che ñe’ẽ, ha romo’ã che pópe, aipyso umi yvága ha amboguapy ko yvy ipyendápe, ha ha’e Siónpe: Nde voi ningo che retã.

Isaías 65:17

Pema’ẽ porãke, Che ajapo jevýta yvagakuéra ha yvy pyahu; ha umi tenondeveguare rehe ndaiporimo’ãvéima mandu’a, ha’ekuéra hesaraipáta umíagui.

Jeremías 10:12

Ñanderuete, ipu’aka rupi, ojapova’ekue ko yvy, ha iñarandu rupi omohenda porãmba ko yvy apére oĩva guive, ha omyasãi umi yvága iñakã porãite rupi.

Jeremías 32:17

Nde, che Ruete: Aikuaa porã ningo nde pu’aka rupi rejapomava’ekue umi yvága ha ko yvy, nde pyapy jepysopyre rembiapopa voi ningo; ndéve g̃uarã ndaipóri mba’eve ikatu’ỹva rejapo.

Jeremías 51:15

Ñanderuete voi ojapova’ekue ko yvy ipu’akapa rupi, ha iñarandu rupi omoĩva’ekue ko yvy hendag̃uáme, ha omyasãiva’ekue avei yvagakuéra.

Zacarías 12:1

Ñanderuete ñe’ẽ Israel rehe: Ñanderuete omyasãiva’ekue yvagakuéra ha omopyendava’ekue ko yvy, ha omoingoveva’ekue kuimba’e ha kuña py’apýpe pe pytu porã, péicha Ha’e voi he’i:

Matéo 11:25

Ha umi ára umívape Hesu he’i: Romomba’eguasuete ndéve, che Ruete, yvága ha yvy Jára, ko’ã mba’e reñomi haguére umi iñarandúvagui ha umi heta mba’ekuaaháragui, ha rehechaukágui umi tapicha ojejapo’ỹvape.

Márcos 13:19

Umi ára umívape oĩta py’a angekõi ndetuichaitéva, máramo ndoikoiva’ekue gueteri ko yvy apére Ñanderuete ojapo guive ko múndo ko’ag̃aite peve, ha oĩve’ỹva’erã araka’eve.

Apostolkuéra 14:15

Kuimba’ekuéra, mba’e piko pejapopeína. Ore ningo kuimba’e peẽichaguánte avei, ore romombe’únte peẽme pe salvacion rape pepoi hag̃ua pende jarakuéra ipu’aka’ỹvagui, pejevy hag̃ua yvága Jára Añeteguáva ha Oikovéva, Ñanderuete rendápe; Ha’e ningo ojapo pe yvága ha yvy, yguasu ha opaite mba’e oñemomýiva guive ipype, (Éxodo 20,11).

Apostolkuéra 17:24

Pe Jára ojapova’ekue ko yvy (múndo, univérso) ha opaite mba’e ipype oĩva guive, Ha’e ningo yvy ha yvága Jára, ha ndoikói peteĩ óga, kuimba’ekuéra omopu’ãva’ekuépe.

Apostolkuéra 4:24

Ha umi ojeroviáva Hesu Crísto rehe ohendúvo umi mba’e omomba’eguasu Ñanderuetépe he’ívo: Ore Jára, Nde rejapova’ekue pe ára, ko yvy, pe yguasu ha opaite mba’e ipype oĩva guive.

Romayguakuérape 11:36

Opaite mba’e oĩva guive ou voi ichugui, ojejapo Ha’érupi ha oiko ichupe g̃uarã, upévare toñemomba’eguasu Ñanderuetépe opaite ára atyguasukuéra pukukue.

1 Corintoyguakuérape 8:6

Ñandéve g̃uarã katu oĩ peteĩnte ñande apohare, Ñanderuete voi; Ha’e opaite mba’e Jára, ha ñande imba’e voi; ha oĩ peteĩnte Hesu Crísto añeteguáva, ha Ha’érupi oikohína opaite mba’e, ha ñande jaiko avei Ha’érupi.

Efesoyguakuérape 3:9

amyesakã hag̃ua opavavépe Ñanderuete ñemimby, Ha’e oñongatuva’ekue heta ára atyguasu guivéma ha ko’ág̃ante Ha’e omboajehína (ocumpli), Ha’e voi ningo opaite mba’e apohára.

hebreoyguakuerape 1:10

Ha he’ive: Nde ningo pe Jára rejapova’ekue ko yvy (múndo), ha yvagakuéra nde po rembiapokue avei.

hebreoyguakuerape 1:2

Ha ko’ã ára pahápe katu oñe’ẽ ñandéve ita’ýra Hesu Crísto rupi. Ipópe ningo omoingo opaite mba’e, ha Ha’érupi ojejapo opaite mba’e ojehecháva ha ndojehecháiva guive, (Colosayguakuérape 1,16).

hebreoyguakuerape 11:3

Jerovia rupi jaikuaa porã Ñanderuete ojapo hague iñe’ẽ rupi ko yvy ha yvagakuéra (univérso), upéicha opaite mba’e ñande jahecháva guive ko’ág̃a, Ñanderuete ojapomava’ekue ojehecha’ỹvagui, (Génesis 1).

hebreoyguakuerape 3:4

Opaite óga ningo ijapohare, pe ojapova’ekue opaite mba’e katu ningo Ñanderuete voi.

2 Pédro 3:5

Añete, ha’ekuéra ningo ndoikuaái, ndoikuaaséigui, yvagakuéra oiko hague ymaite guive ha Ñanderuete ñe’ẽ rupi ko yvy kóva osẽ ýgui ha y rupi ojejapo hague.

1 Juan 1:1

Ore rohai pe Ñe’ẽ tekovete rehegua rehe, oikova’ekue ñepyrũ guive, ha ore rohenduva’ekue ichupe ore apysatee rupi, ore rohechava’ekue ichupe ore resatee rupi, ore ropokova’ekue hese ore potee rupi,

Apocalípsis 10:6

ha ome’ẽ iñe’ẽ (juraménto) pe Oikovéva tapia g̃uarãva rérape, ojapova’ekue pe yvága ha oĩva guive ipype, pe yvy ha oĩva guive ipype, pe yguasu ha oĩva guive ipype, ha he’i Ñanderuete poriahuvereko arakuéra opava’erãha.

Apocalípsis 14:7

hatã oñe’ẽ ha he’i: Pekyhyje Ñanderuetégui ha pemomba’eguasu ichupe, Ha’e voi ningo ojapova’ekue pe ára ha yvy, yvukuéra ha yguasu.

Apocalípsis 21:6

Ha he’ive chéve: Oikopáma, Che ningo ha’e pe “a” ha pe “zéta” pe ñepyrũ ha pe paha. Che amboy’úta pe ijy’uhéivape pe y yvuguigua oikovévagui, ha reiete Che ame’ẽta ko y kóva.

Apocalípsis 22:13

Che ha’e pe “a” ha pe “zéta”, he’iséva pe tenondegua ha pe ipaha peguáva, pe ñepyrũ ha pe ipaha.

Apocalípsis 3:14

Ehai Laodicéa iglésia rembijokuáipe g̃uarã: Péicha he’i pe Amen, pe Techahare heko peguáva ha añeteguáva, pe Ojapóva Ñanderuete rembiapo tenonde peguáva.

Apocalípsis 4:11

Ore Jára ha ore Ruete, ndéve añoite ija opaite ñemboete, ñembotuicha ha ñemomba’eguasu, Nde remoingo haguére opaite mba’e, ha ne rembipota rupi oikopaitégui, ha nde pu’aka rupi oñemoingopa haguére.