Filemónpe 1:24

Ñanderuete Ñe’ẽ Porã 2015

Márcos, Aristárco, Démas ha Lúcas che pytyvõharakuéra.

Referencias Cruzadas

Apostolkuéra 12:12

Ha Pédro ohechakuaávo péva, oho María rógape. Imemby ningo Juan, hérava avei Márcos, upépe heta ojeroviáva Hesu Crísto rehe oñembyaty oñembo’e hag̃ua.

Apostolkuéra 12:25

Bernabe ha Sáulo katu osẽ jevy Jerusaléngui ojapopa rire umi mba’e ojejokuái hague, ha oho Antioquíape oguerúvo hikuái hendivekuéra Juánpe, hérava avei Márcos.

Apostolkuéra 13:13

Páblo ha iñirũnguéra oho bárcope Páfosgui Pérge peve, opytáva Panfília departaméntope, Juan katu nomoirũsevéima ichupekuéra ha ojevy Jerusalénpe.

Apostolkuéra 19:29

Ha pe apañuãi oñemysãi ohóvo henyhẽ meve pe táva Eféso ha oike hikuái peteĩ cáncha ndetuichávape. Ohokuévo katu ojagarra gueteri mokõi Páblo irũme, Gáio ha Aristárcope, mokõi Macedoniaygua, ha ombotyryry ichupekuéra hendivekuéra.

Apostolkuéra 27:2

Upérõ ore roike peteĩ barcoguasu Adramit peguápe, roho hag̃ua tetã Ásia rembe’y puertokuéra rupi Róma gotýo. Orendive oĩ avei Aristárco, peteĩ Tesalonicaygua, Macedónia departaménto pegua.

2 Corintoyguakuérape 8:23

Títo ningo che irũ voi, ha che pytyvõhára penendive g̃uarã, ha umi mokõi ñane hermáno hendive ohóva, oñemondoiglesiakuéra remimondo ramo, omomba’eguasu hag̃ua Hesu Crístope.

Filipoyguakuérape 2:25

Hi’ã ningo chéve amondo jevyva’erãha che hermáno Epafrodíto pene rendápe, ha’e che pytyvõhára ha che ñorãirõ irũ porãva, peẽ voi pembou ichupe che rendápe che remikotevẽrã reheve.

Filipoyguakuérape 4:3

Che ajerure avei ndéve, che irũetéva (Sícigo), eipytyvõ ichupekuéra, ha’ekuéra ningo omba’apo porãva’ekue chendive omyasãi hag̃ua Ñanderuete ñe’ẽ porãite, upéicha avei Cleménte ha ambuekuérape; herakuéra ningo ojehai tekove rehegua kuatiañe’ẽme.

Colosayguakuérape 4:10

Aristárco, che irũ cárcelpe, ha Márco, Bernabe prímo, penemomaiteiuka. Márco rehe ha’epáma peẽme, mba’épa pejapo’arã, og̃uahẽ vove pene rendápe, pemog̃uahẽ porã ichupe.

Colosayguakuérape 4:14

Démas ha Lúcas, pe pohãnohára, che ahayhúva penemomaiteiuka avei.

1 Pédro 5:13

Umi iglesiayguakuéra oikóva Babilóniape, Ñanderuete oiporavomava’ekue avei, penemomaiteiuka ha avei che ra’y Márcos.

3 Juan 1:8

Ñande ñaipytyvõva’erã umívape jaiko hag̃ua ipytyvõhára ramo ha ñambovevúi hag̃ua hembiapokuéra, omyasãi aja pe añetegua rape.