Éxodo 8:3

Ñanderuete Ñe’ẽ Porã 2015

Ha pe ysyry oñemyenyhẽta ju’ietágui ha ojupipáta oike peve nde rógape, nde koty rekehápe jepe nde rupápe jepe, ne rembiguái ha ne retãyguakuéra rógape, nde ratakuápe ha pe pan oñembojehe’ahápe.

Referencias Cruzadas

2 Crónicas 22:11

Josabat katu, tetã ruvicha Joram rajy, ojapyhy Joas, Ocozías ra’ýpe, ha omokañy ichupe, ambue tetã ruvicha ra’ykuéra ojejukámagui, ha oñomi ichupe ha herekuápe peteĩ kotýpe oñeñongatuhápe frazadakuéra, savana ha arambohakuéra. Péicha Josabat, tetã ruvicha Joram rajy, pa’i Joiada rembireko (ha’e Ocozías reindy) omokañy Jóaspe, Atalía renondégui, upévare ndojohúi ichupe ojuka hag̃ua avei.

Salmokuéra 105:30

Ijyvy omyenyhẽ ju’ietágui, hetã ruvicha róga kotykuérape jepe.

Éxodo 10:6

Ha omyenyhẽta nde róga, ne rembiguaikuéra róga, ha mayma Egiptoygua róga, ku araka’eve ojehecha’ỹ haguéicha gueteri nde rukuéra ni nde ypykuéra, ha’ekuéra oĩ ypy guive ko yvy apére ko ára kóva peve. Upéi ojere ha osẽ hikuái faraon rendágui.

Éxodo 12:34

Ha Israelguakuéra ogueraha ipan mása ovu’ỹva gueteri, iña’ẽmbeguasúpe, ha omboapakuapy ijahojápe ha ohupi ijati’y ári.

Éxodo 7:11

Upéramo faraon ohenoiuka kuimba’e iñarandúva ha paje apohakuérape, ha umi Egiptoygua paje apohakuéra ojapo avei mbói.

Éxodo 8:11

Ha ju’ikuéra ohopáta, nde rógagui, ne rembiguái ha ne retãyguakuéra rógagui ha opytapáta hikuái ysyrýpe.

Éxodo 8:2

Ha nderehejaséi ramo oho, eikuaa porãke Che ahaviráta ne retãpy tuichakue javeve ju’ieta rupi.

Éxodo 8:4

Ha umi ju’i ojupipáta ndeári, ne retãygua ha mayma ne rembiguaikuéra ári.