Éxodo 8:1

Ñanderuete Ñe’ẽ Porã 2015

Upéramo Ñanderuete (Jahve) he’i Moiséspe: Tereho faraon rendápe ha ere ichupe: Péicha he’i ore Ruete, eheja che retãyguakuéra oho tachemomba’eguasu hikuái.

Referencias Cruzadas

Salmokuéra 105:30

Ijyvy omyenyhẽ ju’ietágui, hetã ruvicha róga kotykuérape jepe.

Éxodo 3:12

Ha Ñanderuete he’i: Tereho, Che ningo aĩta nendive; ko techauka kóva rupi rehechakuaáta Che romondo hague: Renohẽ rire che retãme Egíptogui, peẽ chemomba’eguasúta ko cérro kóva ári.

Éxodo 3:18

Ha’ekuéra iñe’ẽrendúta; ha nde rehóta Israel karai ancianokuéra ndive Egípto retã ruvicha rendápe, ha pejéta ichupe: Ore Ruete, Israelguakuéra Jára, oreandu; upévagui rohóta desiértope mbohapy ára pukukue, roikuave’ẽ hag̃ua ore Járape g̃uarã kuave’ẽmby rymba jehapýva.

Éxodo 4:23

Ha’éma ndéve reheja hag̃ua che ra’ýpe oho; ỹrõ Che ajukáta nde ra’ýpe, nde ra’y ypykuépe.

Éxodo 5:1

Upéi Moises ha Aaron oike faraon rendápe ha he’i ichupe: Jahve, Israel Jára, péicha he’i: Eheja che retã Israel toho desiértope chemomba’eguasu hag̃ua.

Éxodo 5:3

Ha ha’ekuéra he’i: Ore Jára orejohu, upévare rohóta ko’ág̃a desiértope mbohapy ára pukukue, roikuave’ẽ hag̃ua tymbakuéra ore Járape, ani hag̃ua ou ore ári mba’asy iñasãiva térã kyse puku.

Éxodo 7:16

Ha ere ichupe: Jahve, Israelguakuéra Jára, chembou ne rendápe, he’iuka hag̃ua ndéve: Eheja che retãyguakuérape toho, chemomba’eguasu hag̃ua desiértope, ha péina ko’ág̃a peve nderejapói che ha’éva.

Éxodo 7:25

Upéicha ohasáma 7 ára, Ñanderuete ombyai rire pe ysyry.

Éxodo 8:2

Ha nderehejaséi ramo oho, eikuaa porãke Che ahaviráta ne retãpy tuichakue javeve ju’ieta rupi.

Éxodo 8:20

Ñanderuete he’i Moiséspe: Epu’ã pyhareve ha tereho eñembo’y faraon renondépe, ha’e oho jave ysyry rembe’ýpe ha ere ichupe: Ñanderuete péicha he’i: Eheja che retãyguakuéra toho chemomba’eguasu hag̃ua.

Éxodo 9:1

Upéramo Ñanderuete he’i Moiséspe: Tereho faraon rendápe, ha ere ichupe: Jahve, Israelguakuéra Jára, péicha he’i: Eheja che retãyguakuéra toho, chemomba’eguasu hag̃ua.

Josué 8:18

Upéramo Ñanderuete he’i Josuépe: Eipyso nde yvyra puku akua (lánza) reguerekóva nde pópe Hái gotýo, Che ame’ẽma ichupekuéra nde pópe, ha Josue oipyso pe yvyra puku akua oguerekóva ipópe Hái gotýo.