Éxodo 7:9

Ñanderuete Ñe’ẽ Porã 2015

Faraon he’i ramo peẽme pehechauka tembiapo techaukarã reheguáva, eréta Aarónpe: Ejapyhy nde yvyra’i, ha eity faraon renondépe, oiko hag̃ua ichugui mbói.

Referencias Cruzadas

Éxodo 10:13

Ha Moises oipyso ijyvyra po’i Egípto retã rehe, ha Ñanderuete ombou pe yvytu kuarahyresẽguio pe ára ha pe pyhare pukukue; ha ko’ẽmbávo pe yvytu kuarahyresẽguio oúva ogueru tuku hetaitereirasa upe tetãpýpe.

Éxodo 4:17

Ha rejapyhýta nde pópe ko yvyra’i, ha péva rupi rejapóta milagrokuéra (techaukahakuéra).

Éxodo 4:2

Ha Ñanderuete he’i: Mba’épa oĩ nde pópe. Ha ha’e he’i ichupe: Peteĩ yvyra’i.

Éxodo 4:20

Upéramo Moises ohupi hembireko ha ita’yrakuéra peteĩ búrro ári ha oho jevy Egípto retãme. Moises ojapyhy avei Ñanderuete yvyra’i ipópe.

Éxodo 4:3

Upérõ Ha’e he’i ichupe: Eity yvýpe. Ha ha’e oitývo yvýpe oiko ichugui peteĩ mbói; ha Moises ojei ichugui.

Éxodo 7:8

Ñanderuete oñe’ẽ Moises ha Aarónpe, he’ívo:

Éxodo 9:23

Ha Moises oipyso ijyvyra po’i ára rehe, ha Ñanderuete omosunu ha ombou amandáu Egípto retã ári.

Isaías 7:11

Ejerure ndejupe g̃uarã nde Járagui peteĩ techaukaha (señal), yvy ipypukuvehágui, térã ijyvatevehágui.

Ezequiel 29:3

erévo: Péicha he’i Yvága Atykuéra Jára: Eikuaa porãke, Che apu’ãta nderehe, faraon, Egípto retã ruvicha, nde voi ningo jakareguasuete ojepysóva pe ysyry mbytépe, ha ere: Che mba’e ko ysyry Nílo, che rembiapo voi ningo.

Matéo 12:39

Ha Hesu he’i ichupekuéra: Peẽ ñemoñare ñaña ha peguata okárava piko pehechase techaukaha, mba’eveichagua techaukaha noñeme’ẽmo’ãi peẽme, pe proféta Jonas rehegua techaukahámante.

Juan 10:38

Ajapo ramo katu pecheguerovia umi mba’e ajapóva rehehápe, peikuaa ha peguerovia hag̃ua che Ruete oĩha chepype, ha Che aĩha ipype.

Juan 2:18

Upéramo Judayguakuéra oñe’ẽ Hesu ndive ha he’i: Mba’eichagua techaukaha piko Nde rehechaukáta oréve ijaha ndéve rejapo hag̃ua ko mba’e kóva.

Juan 6:30

He’i hikuái ichupe: Ikatúpa rehechauka oréve peteĩ milágro rojerovia hag̃ua nderehe.