Éxodo 7:5

Ñanderuete Ñe’ẽ Porã 2015

Ha Egiptoyguakuéra oikuaáta Cheha Jahve, aipysóva che po Egípto retã ári, aguenohẽ aja Israel ñemoñarenguérape ijapyteguikuéra.

Referencias Cruzadas

Salmokuéra 138:7

Aiko ramo jepy’apy vaípe, Nde chemoangapyhy jevy, Nde chepytyvõ umi cherehe ija’e’ỹvagui ha Nde voi reipyso nde po akatúa chepytyvõ hag̃ua.

Salmokuéra 9:16

Ñanderuete ojekuaauka, Ha’e oporombojovake ha oapresa umi heko vaívape. Selah

Éxodo 10:2

Remombe’u hag̃ua nde ra’ykuérape ha nde ra’y reminenonguérape umi mba’e Che ajapova’ekue Egíptope, ha umi milágro ahechaukava’ekue ijapytepekuéra; peikuaa hag̃ua Che ha’eha Jahve (pende Ruete).

Éxodo 10:7

Upéramo faraon rembiguaikuéra he’i ichupe araka’e peve piko ko’ã kuimba’e oikóta ñandéve g̃uarã ñuhã ramo. Eheja toho ko’ã kuimba’e ha tomomba’eguasu hikuái Jahvépe, Ijárape. Ndereikuaái gueteri piko Egípto retã oñehundimaha ohóvo mbeguekatúpe.

Éxodo 14:18

Ha Egiptoyguakuéra oikuaáta Che Jahveha, pende Ruete, añemoherakuã porãta faraon rupi, icarrokuéra ha ikavaju arigua rupi.

Éxodo 14:4

Che katu amohatãta faraon py’apy ou hag̃ua pende rapykuéri penemuña hag̃ua, upémaramo Che añembotuicháta faraon ha mayma isoldádo aty rupi, ha umi Egiptoygua oikuaáta Che Jahveha, Israel Jára. Ha ha’ekuéra ojapopa péicha.

Éxodo 18:8

Ha Moises omombe’u hembireko rúpe opaite mba’e Ñanderuete ojapova’ekue faraon ha Egiptoyguakuéra rehe Israel rayhupápe, ha opaite mba’e ohasava’ekue hikuái tapére, ha mba’éichapa Ñanderuete osalva ichupekuéra Egiptoyguakuéra poguýgui.

Éxodo 3:20

Upévagui ahupíta che po ahavira hag̃ua Egiptoyguakuérape opaite tembiapo techapyrã pohýi rupi, ha uperire ae ohejáta pesẽ peho hag̃ua.

Éxodo 6:1

Ñanderuete he’i jevy Moiséspe: Ko’ág̃a rehecháta Che ajapótava faraon rehe; pu’aka mbaretépemante opoíta Israelguakuéragui, pu’aka mbaretépemante omosẽta ichupekuéra ijyvýgui.

Éxodo 6:6

Upévagui eréta Israel ñemoñarenguérape: Che ha’e pende Jára; ha che poguenohẽta Egíptogui tembiguái reko pohýigui, ha Che poipe’áta pu’aka mbaretépe ha jehaviraguasu rupi Egípto retã poguýgui.

Éxodo 7:17

Péicha he’iuka Ñanderuete: Ko’ã mba’e rupi reikuaáta Che ha’eha Jahve: Ema’ẽ porãke, ko yvyra’i che pópe arekóva, ainupãta pe y oĩva ysyrýpe, ha oikóta ichugui tuguy.

Éxodo 8:10

Ha ha’e he’i: Ko’ẽ ramo. Ha Moises he’i jevy: Ojejapóta nde ere háicha, reikuaa porã hag̃ua ndaiporiha ambue Jára, ore Ruetéichagua ko yvýpe.

Éxodo 8:19

Upémaramo umi paje apoha he’i faraónpe: Kóva ningo Yvága Jára kuã. Faraon py’apy katu oñemohatã ha naiñe’ẽrendúi ichupekuéra, Ñanderuete he’i haguéicha.

Éxodo 8:22

Ha upe ára upévape Che amboykéta mbutu aty Gosen yvýgui, che retãyguakuéra oikohápe, ani hag̃ua oĩ upépe mbutu, ikatu hag̃uáicha reikuaa Ijára oikoha avei ko tetãpýpe.

Ezequiel 25:17

Ha amyengovia rire hembiapo vaieta oikuaáta hikuái Che ha’eha pe Oikovéva tapia g̃uarã ha omyengoviáva yvyarigua rembiapokuerakue.

Ezequiel 28:22

ha eréta: Péicha he’i Jahve, Yvága Atykuéra Jára, eikuaa porãke, Che apu’ãta nderehe Sidon, ha ahechaukáta che pu’aka reikuaa hag̃ua Chénte ha’eha yvága Jára; Che rohavira vove reikuaáta che rekópe oĩha justicia (tekojoja) añeteguáva.

Ezequiel 32:15

Amoperõta Egípto retã, ha amonandíta opaite mba’e ipype oĩva ajukapa peve mayma ipype oikóvape, ha oikuaáta hikuái Che ha’eha pe Oikovéva tapia g̃uarã.

Ezequiel 36:23

Che añetehápe ambotuicha jevýta che reraguasuete, oñemongy’ava’ekue tetãnguéra apytépe, pene rembiapo vaieta rupi peẽ chemotĩva’ekue; ha umi tetã oikuaáta Che ha’eha pe Oikovéva tapia g̃uarã, he’i pende Ruete, ág̃a amboheko potĩ vove pende rekovépe hesakuéra renondepe.

Ezequiel 39:22

Upe ára upéva guive Israel retã oikuaáta Che ha’eha Jahve, pe Yvága Atykuéra Jára.

Ezequiel 39:7

Ha amomba’eguasúta che reraguasu che retã Israel apytépe, ha araka’evéma ndahejaveimava’erã ha’ekuéra omongy’a che reraguasu, ha umi ambue tetã oikuaáta Che ha’eha Yvága Atykuéra Jára, pende Ruete, pe Heko porãva, añorãirõva Israel rehehápe.