Éxodo 6:3

Ñanderuete Ñe’ẽ Porã 2015

ajehechaukava’ekue Abraham, Isaac ha Jacóbope, Ijára Ipu’akapáva ramo. Ha che réra Jahve rupi, ndajekuaaukaiva’ekue gueteri ichupekuéra.

Referencias Cruzadas

Genesis 13:18

Upéramo Abram ova jevy ha omopu’ã hóga hymba pirekueguigua oiko hag̃ua Mámre yvyra encinatýpe opytáva Hebron yvýpe, upépe omopu’ã avei ikuave’ẽmby renda Ñanderuetépe g̃uarã.

Genesis 17:1

Abram oguereko ramoguare 99 áño, Ñanderuete ojehechauka ichupe ha he’i: Che ningo nde Ruete, pe Ipu’akapáva, eiko porã che renonderãme ha eñemboheko porãve rehóvo.

Genesis 22:14

Ha Abraham ombohéra pe yvy péva: “Ñanderuete ojehechauka”. Upéicha rupi oñembohéra pe cérro ru’ã ko ára kóva peve: “Ñanderuete ojehechauka.”

Genesis 28:3

Ha Ñanderuete, pe Ipu’akapáva, tanderovasa ha tanembota’ýra heta, ha tanemboheta hetave ohóvo oiko peve ndehegui tetã ndetuicha ha hetaitereíva.

Genesis 35:11

He’i avei ichupe: Che ningo pe Jára ipu’akapáva; eñemoña ha eñembohetavéke, tetã ha tríbu atýra osẽ hag̃ua ndehegui, ha heta tetã ruvicha osẽta ndehegui.

Genesis 48:3

Ha he’i Josépe: Ñanderuete, pe Ipu’akapáva, ojehechauka chéve Lúzpe, Canaan retãme, ha cherovasa,

Salmokuéra 68:4

Pepurahéi Ñanderuetépe, pemboetévo ichupe, pemboyvate ichupe, pe ohóva araíre, pembosako’i haperã, yvága atykuéra Jára héra ningo, pevy’aitéke henondépe.

Salmokuéra 83:18

Ha toikuaa hikuái Nde ha’eha Ñanderuete, Nde añoiteha pe Jára Ijyvatevéva oĩva ko yvy apéregui.

Éxodo 15:3

Ñanderuete ningo oñorãirõkuaa; Jahve héra.

Éxodo 23:21

Eñeñangareko porãke ndejehe henondépe ha ehendúke iñe’ẽ; aníke naneñe’ẽrendúi ichupe; Ha’e ndoheja reimo’ãi ndéve jehavira’ỹre pepu’ã ramo hese, che réra oĩgui ipype.

Éxodo 3:14

Ha Ñanderuete he’i Moiséspe: Che ningo HA’ÉVA (Jahve), ha he’i avei: Péicha eréta Israel ñemoñarenguérape: HA’ÉVA chembou pene rendápe.

Isaías 42:8

Che Jahve, péicha ningo che réra, ha avavépe name’ẽmo’ãi che reko jajaipa, ha che rerakuã porã ndahejamo’ãi ijára gua’u ra’ãngápe.

Isaías 44:6

Péicha he’i pende Ruete, Israel retã ruvichaguasu, ipytyvõhára ha yvága atykuéra Jára: Che ha’e pe Tenondegua, Che ha’e pe Ipahapegua, ha che ykére ndaipóri ambue Jára.

Jeremías 16:21

upévare ko’ág̃a Che ambo’éta ichupekuéra, ha ahechaukáta ichupekuéra che pyapy ipu’akapáva oikuaa hag̃ua che réra Yvága Atykuéra Jaraha.

Jeremías 33:2

Péicha he’i pende Ruete: Ajaposéva guive ajapopáta katuete avei, amohenda porãmbáta hendag̃uáme, che réra Yvága Atykuéra Jára.

Ezequiel 20:5

ha ere ichupekuéra, péicha he’i pende Ruete: Upe ára aiporavo ramoguare Israélpe che mba’e ramo ame’ẽ hag̃ua che ñe’ẽme’ẽ Jacóbo róga ñemoñarenguérape, ha ajehechauka ramoguare ichupekuéra Egípto retãme, amopu’ãvo che po ame’ẽ hag̃ua che ñe’ẽ ichupekuéra, Che ha’emava’ekue: Che ningo pende Ruete, pende Jarateetéva.

Ezequiel 37:13

peikuaa hag̃ua Che ha’eha pende Ruete, aipe’a vove pende tyvy poguenohẽ hag̃ua, peẽ voi ningo che retãtee.

Ezequiel 37:6

Ha amoĩta pendeári tajygue, ha amongakuaáta pendeári to’o ha pende apére amoĩta pire peneñu’ã hag̃ua, ha amoĩta pendepype Pytu Porã peikove hag̃ua, ha peikuaáta Che ha’eha pende Ruete.

Juan 8:58

Hesu he’i ichupekuéra: Añetehápe, añetehápe ha’e peẽme, Abraham oiko mboyve, Che aikomava’ekue.

Apocalípsis 1:4

Che, Juan, amomaitei umi 7 iglésia oĩva Ásiape: Ñanderuete tapenderovasa ha tome’ẽ peẽme pe py’aguapy oúva pe Oikovévagui, pe Oikovemívagui ha pe Ouva’erãvagui, ha umi 7 Pytu Porãgui iguapyhaguasu renondépe,

Rut 1:20

Ha ha’e ombohovái jepi ichupekuéra: Anive chembohéra Noemi (he’ise ojehayhúva), pejénte Mára (he’ise iróva), Ñanderuete chemyenyhẽgui ñembyasy iróvagui.