Éxodo 6:2

Ñanderuete Ñe’ẽ Porã 2015

Ha Ñanderuete oñe’ẽve Moiséspe, ha he’i ichupe: Che ningo pende Jára Ipu’akapáva,

Referencias Cruzadas

Genesis 15:7

Ha Ha’e he’i ichupe: Che ningo nde Jára roguenohẽva’ekue Ur, Caldeaygua retãgui, ame’ẽ hag̃ua ndéve ko yvy kóva ne mba’erã ramo.

Éxodo 12:12

Che ningo ahasáta upe pyharépe Egípto retãpy rupi ha ajukáta opaite ita’ýra ypykuépe, taha’e Egiptoygua térã hymba; ha ambojovakéta opaite Egípto jarakuérape. Che ha’égui Jahve (pende Ruete).

Éxodo 14:18

Ha Egiptoyguakuéra oikuaáta Che Jahveha, pende Ruete, añemoherakuã porãta faraon rupi, icarrokuéra ha ikavaju arigua rupi.

Éxodo 15:3

Ñanderuete ningo oñorãirõkuaa; Jahve héra.

Éxodo 17:1

Mayma Israel ñemoñarenguéra oipykúi Sin desiértogui, Ñanderuete he’iuka haguéicha, opyta hag̃ua Refidímpe, ha ndaipóri y tetãyguakuéra hoy’u hag̃ua.

Éxodo 20:2

Che ningo Jahve, pende Ruete, poguenohẽva’ekue Egípto retãgui, tembiguái reko poguýgui.

Éxodo 3:14

Ha Ñanderuete he’i Moiséspe: Che ningo HA’ÉVA (Jahve), ha he’i avei: Péicha eréta Israel ñemoñarenguérape: HA’ÉVA chembou pene rendápe.

Éxodo 3:15

Ñanderuete he’i avei Moiséspe: Péicha eréta Israel ñemoñarenguérape: Jahve, pende Ruete, pende rukuéra Abraham, Isaac ha Jacóbo Jára chembou pene rendápe. Kóa hína che réra opaite ára peve g̃uarã; péicha peẽ cherenóita ára apyre’ỹ meve.

Éxodo 6:29

Upéramo Ñanderuete oñe’ẽ Moiséspe, he’ívo: Che ha’e pende Ruete; ere faraónpe, Egípto retã ruvichaguasúpe, opaite mba’e Che ha’étava guive ndéve.

Éxodo 6:6

Upévagui eréta Israel ñemoñarenguérape: Che ha’e pende Jára; ha che poguenohẽta Egíptogui tembiguái reko pohýigui, ha Che poipe’áta pu’aka mbaretépe ha jehaviraguasu rupi Egípto retã poguýgui.

Éxodo 6:8

Che pomoingéta pene retãrãme upévare ahupimava’ekue che po ha’évo Abraham, Isaac ha Jacóbope, che ame’ẽtaha peẽme pene mba’erã, Che, pende Ruete ha’e ko’ã mba’e ko’ãva.

Isaías 42:8

Che Jahve, péicha ningo che réra, ha avavépe name’ẽmo’ãi che reko jajaipa, ha che rerakuã porã ndahejamo’ãi ijára gua’u ra’ãngápe.

Isaías 43:11

Chénte pende Jára ha che’ỹre ndaipóri avave ikatúva peneguenohẽ pende jehasa asýgui.

Isaías 43:15

Che voi ningo pende Ruete, pe Heko jajaipáva, Israel apohare, pene retã ruvichaguasu.

Isaías 44:6

Péicha he’i pende Ruete, Israel retã ruvichaguasu, ipytyvõhára ha yvága atykuéra Jára: Che ha’e pe Tenondegua, Che ha’e pe Ipahapegua, ha che ykére ndaipóri ambue Jára.

Jeremías 9:24

Upe ojeroviaséva tojerovia cherehe ha toñeha’ãmba chekuaa porãve hag̃ua: Che ningo pende Ruete, Che ahayhu jeporiahuvereko, ñembojovake heko peguáva ko yvy apére, ko’ã mba’e ko’ãva chembovy’a, he’i pende Ruete.

Ezequiel 20:5

ha ere ichupekuéra, péicha he’i pende Ruete: Upe ára aiporavo ramoguare Israélpe che mba’e ramo ame’ẽ hag̃ua che ñe’ẽme’ẽ Jacóbo róga ñemoñarenguérape, ha ajehechauka ramoguare ichupekuéra Egípto retãme, amopu’ãvo che po ame’ẽ hag̃ua che ñe’ẽ ichupekuéra, Che ha’emava’ekue: Che ningo pende Ruete, pende Jarateetéva.

Malaquías 3:6

Che, pende Ruete, nañemoambuéi, ha peẽ tapia peiko vai ku Jacóbo ñemoñarenguéraichaite.