Éxodo 5:2

Ñanderuete Ñe’ẽ Porã 2015

Ha faraon he’i: Máva piko pende Jára, ahendu hag̃ua iñe’ẽ ha aheja hag̃ua Israélpe oho. Che ndaikuaái pende Járape ha ndahejamo’ãi avei Israelguakuéra oho.

Referencias Cruzadas

2 Réyes 18:35

Mba’éichagua jára piko tetã jarakuéra apytégui osalvára’e hetãme che pógui, upéicha avei Jahve, pende Ruete, ndaipu’akamo’ãi cherehe ha ndosalvamo’ãi Jerusalénpe che pógui.

2 Crónicas 32:14

Mavaitépa umi tetã apytégui che rukuéra ohundiva’ekue, ikatuva’ekue osalva hetãme che pógui, ha mba’éichapa pende Jára ikatúta peneguenohẽ che pógui.

2 Crónicas 32:15

Ko’ág̃a aníke penembotavýtei Ezequías, ha aníke ha’e ogueroviauka peẽme péicha, ha ani pegueroviátei ichupe; ndaipóri voi peteĩ jára umi tetãnguéra apytégui osalvava’ekue hetãme che pógui, ha che rukuéra pógui, ha ko’ytevépa ikatúta pende Jára peneguenohẽ che pógui.

2 Crónicas 32:19

Péicha oñe’ẽvai Jerusalen Jára rehe, umi yvy arigua tetãnguéra jára rehe ramoguáicha, umía ningo yvyariguakuéra rembiapokue voi.

Nehemías 9:10

Ha rejapókuri techaukaha (señal) ha tembiapo techapyrãva faraon rehe ha opaite hembiguaikuéra rehe, ha opaite hetãyguakuéra rehe reikuaa porãgui oñembotuichaha; ha upéicha rembotuicha ne rerakuã, oĩ háicha ko ára kóva peve.

Job 15:25

Ha’e oñemoĩ Ñanderuete rehe, ha oñembotuicha Ipu’akapáva renondépe.

Job 15:26

Oñani oñemoĩ hag̃ua hese akãrapu’ãháme, hetemo’ãha iñanambusuetéva kupépe.

Job 21:15

Mba’éiko Ñanderuete oréve g̃uarã, ore roiko hag̃ua hembiguái ramo. Ha mba’épa ome’ẽta oréve roñembo’e ramo ichupe.

Salmokuéra 10:4

Pe ojeroviase’ỹva oñembotuicha ha ndohekaséi Ñanderuetépe ha ipy’apýpe he’i voi: Ndaiporiha Ñanderuete.

Salmokuéra 12:4

Ha umi he’iva’ekuépe: Ore juru rupi orembarete, ore juru ore mba’etee, máva piko oñemoĩne orerehe.

Salmokuéra 12:5

Umívape Ñanderuete ombohovái: Ko’ág̃a apu’ãta aipytyvõ hag̃ua umi ojerurévape, umi ikangývape, ohasa asy reívape ha umi imboriahúvape, ipyahẽ jave.

Salmokuéra 14:1

Pe ivýrova ningo he’i ipy’apýpe: Ndaipóri Ñanderuete. Hembiapokuéra ivai ha iñaña, ha ijapytépe ndaipóri avave ojapóva mba’eporã.

Éxodo 3:19

Che katu aikuaa porã Egípto retã ruvichaguasu ndohejamo’ãiha peho, ndaha’éi ramo mbaretépe.

Éxodo 7:17

Péicha he’iuka Ñanderuete: Ko’ã mba’e rupi reikuaáta Che ha’eha Jahve: Ema’ẽ porãke, ko yvyra’i che pópe arekóva, ainupãta pe y oĩva ysyrýpe, ha oikóta ichugui tuguy.

Mga Kawikaan 30:9

Anítei ág̃a cheryg̃uatãvo, rombotove, ha ha’e: Máva piko Ñanderuete; térã chemboriahúgui, amonda, ha añe’ẽvai che Jára réra rehe.

Jeremías 42:13

Ha peje ramo: Ndoroikomo’ãi ko yvy kóvape, ha peẽ napeneñe’ẽrendúi ramo Ñanderuete, pende Járape,

Jeremías 48:26

Emonga’u ichupe, opu’ã haguére pende Ruete rehe; ha Moab tojapajeréi ig̃ue’ẽnguépe (ivomitokuépe), ha toñeñembohory hese.

Daniel 3:15

Ko’ág̃a, pehendúvo pe turu, pe mimby, pe mba’epu pararã, pe árpa, pe mbaraka, ha opaichagua ambue mba’epu, peñesũva’erã pemomba’eguasu hag̃ua pe ta’ãnga che ajapoukava’ekue. Ha napemomba’eguasuséi ramo pe ta’ãngápe, pe hóra pévape peñemombóta tatakua hendýva ruguápe, ha mba’eichagua Jára piko ikatu pendesalva che pógui.

Juan 16:3

Ko’ã mba’e ojapóta hikuái ndoikuaa porãigui Ñanderuetépe ni chéve.

Romayguakuérape 1:28

Ha’ekuéra opoi haguére Ñanderuetégui, Ñanderuete opoi avei ichuguikuéra, ha oñeme’ẽ hikuái ipy’apy rembipota ky’a vaípe, ojapo hag̃ua umi mba’e ojejapo’ỹva’erãva,

2 Tesalonicayguakuérape 1:8

ha tata rendýpe ohepyme’ẽ hag̃ua umi ndoikuaaséivape Ñanderuetépe ha naiñe’ẽrenduséivape Ñandejára Hesu Crísto ñe’ẽ porãitépe,

Juéces 2:10

Ha opaite Israelguakuéra uperõguare ha’e omano rire, ita’ýra ha itajyrakuéra oikóva hendaguépe hesarái Ñanderuetégui, ha naimandu’avéi Ñanderuete rembiapo rehe, Ha’e ojapomava’ekue ituvakuéra resa renondépe.

1 Samuel 2:12

Eli ra’ykuéra ningo kuimba’e iñañáva ha ndojeroviáiva Ñanderuete rehe.

1 Samuel 25:10

Nabal katu he’i David remimondokuérape: Máva piko David. Ha máva piko Isai ra’y. Ko’ã ára ko’ãvape oĩ voi heta tembiguái okañýva huvichágui.