Éxodo 5:1

Ñanderuete Ñe’ẽ Porã 2015

Upéi Moises ha Aaron oike faraon rendápe ha he’i ichupe: Jahve, Israel Jára, péicha he’i: Eheja che retã Israel toho desiértope chemomba’eguasu hag̃ua.

Referencias Cruzadas

1 Réyes 21:20

Ha Acab he’i Elíaspe: Cherayhu’ỹva piko chejohu jevy. Ha Elías ombohovái ichupe he’ívo: Rojohu rejapo vaígui Ñanderuete renondépe, remondágui Nabot yvy pehẽngue.

Salmokuéra 119:46

Ne rembiapoukapy amombe’úta tetã ruvichakuéra renondépe ha natĩmo’ãi.

Éxodo 10:3

Upéramo Moises ha Aaron oho faraon rendápe, ha he’i ichupe: Jahve, Israelguakuéra Jára, péicha he’i: Araka’e pevépa nereñemomirĩsemo’ãi che renondépe. Eheja che retãyguakuérape toho chemomba’eguasu hag̃ua.

Éxodo 10:4

Ha nderehejái ramo oho, eikuaa porãke, ko’ẽ ramo Che aguerúta ne retãme tukueta,

Éxodo 10:9

Moises ombohovái: Ore rohopa manteva’erã, ore mitã ha ore tujakuéra ndive, ore ra’y ha ore rajykuéra ndive, ore ovecha ha ore vakakuéra reheve; péva ningo ore areteguasu Ñanderuetépe g̃uarã.

Éxodo 3:18

Ha’ekuéra iñe’ẽrendúta; ha nde rehóta Israel karai ancianokuéra ndive Egípto retã ruvicha rendápe, ha pejéta ichupe: Ore Ruete, Israelguakuéra Jára, oreandu; upévagui rohóta desiértope mbohapy ára pukukue, roikuave’ẽ hag̃ua ore Járape g̃uarã kuave’ẽmby rymba jehapýva.

Éxodo 33:13

Ko’ág̃a oime ramo ajohu py’aporã nde resa renondépe, ajerure ndéve ehechauka hag̃ua chéve ne pensamiénto, aikuaa hag̃ua ajohu hague py’aporã nde resa renondépe; ha ema’ẽmína, ko’ã tapichakuéra rehe, ne retã voi.

Éxodo 4:23

Ha’éma ndéve reheja hag̃ua che ra’ýpe oho; ỹrõ Che ajukáta nde ra’ýpe, nde ra’y ypykuépe.

Éxodo 6:11

Eike ha eñe’ẽ faraon ndive, Egípto ruvichápe, ha’e topoi Israel ñemoñarenguéragui osẽ hag̃ua Egípto retãgui.

Éxodo 6:27

Moises ha Aaron oñe’ẽ tapia faraónpe, Egípto retã ruvichaguasúpe, opoi hag̃ua Israel ñemoñarenguéragui Egípto retãgui,

Éxodo 7:16

Ha ere ichupe: Jahve, Israelguakuéra Jára, chembou ne rendápe, he’iuka hag̃ua ndéve: Eheja che retãyguakuérape toho, chemomba’eguasu hag̃ua desiértope, ha péina ko’ág̃a peve nderejapói che ha’éva.

Éxodo 7:2

Nde rembohasáta opaite mba’e Che ha’éva guive ndéve nde ryke’ýpe ha ha’e oñe’ẽta faraónpe, opoi hag̃ua Israel ñemoñarenguéragui.

Éxodo 8:1

Upéramo Ñanderuete (Jahve) he’i Moiséspe: Tereho faraon rendápe ha ere ichupe: Péicha he’i ore Ruete, eheja che retãyguakuéra oho tachemomba’eguasu hikuái.

Éxodo 8:16

Upéramo Ñanderuete he’i Moiséspe, ere Aarónpe: Eipyso nde yvyra’i ha einupã yvy timbóre, oiko hag̃ua ichugui ñati’ũ Egípto retã tuichakue javeve.

Éxodo 8:17

Ha ha’ekuéra ojapo upéicha; ha Aaron oipyso ijyvyra’i oinupã hag̃ua pe yvy timbóre ha oiko ichugui ñati’ũ, ha ombohasypa Egiptoyguakuérape ha hymbakuérape; yvy timbógui oiko ñati’ũ Egípto retã tuichakue javeve.

Éxodo 8:20

Ñanderuete he’i Moiséspe: Epu’ã pyhareve ha tereho eñembo’y faraon renondépe, ha’e oho jave ysyry rembe’ýpe ha ere ichupe: Ñanderuete péicha he’i: Eheja che retãyguakuéra toho chemomba’eguasu hag̃ua.

Éxodo 8:27

Mbohapy ára pukukue roguatáta desiérto rupi roikuave’ẽ hag̃ua ore Ruete, ore Járape g̃uarã, Ha’e oipota háicha.

Éxodo 9:1

Upéramo Ñanderuete he’i Moiséspe: Tereho faraon rendápe, ha ere ichupe: Jahve, Israelguakuéra Jára, péicha he’i: Eheja che retãyguakuéra toho, chemomba’eguasu hag̃ua.

Éxodo 9:2

Ha nderehejaséi ramo ore roho, ha orejoko jevy ramo,

Isaías 25:6

Ko cérro kóvape Ñanderuete, yvága atykuéra Jára, ombosako’íta opaite tetãme g̃uarã karuguasu, tembi’u heitereíva, karuguasu oĩháme víno iporãmba jepéva, so’o ikyráva ha víno poravopyréva.

Ezequiel 2:6

Nde katu, kuimba’e ra’y, ani rekyhyjétei ichuguikuéra ha ani rekyhyjétei ereva’erãvagui, jepémo reime jukerity ha ñuatĩndy pa’ũme, térã alacran apyte rupi; ani rekyhyjétei iñe’ẽnguéragui, ha ani rekyhyje ichuguikuéra, ha’ekuéra ningo peteĩ tetã oñemoĩva cherehe.

Matéo 10:18

Ha pendegueraháta tetã sãmbyhyharakuéra ha tetã ruvichakuéra renondépe, tembiechauka ramo ichupekuéra ha tetã ambueyguakuérape g̃uarã avei.

Matéo 10:28

Aníke pekyhyje umi ojukávagui pende rete, ndaikatúigui ojuka pene ánga; pekyhyjeva’erã uvei pe ikatúvagui ohundi aña retãme pende rete ha pene ánga.

Apostolkuéra 4:29

Ha ko’ág̃a ore Jára, ema’ẽmi umi oremongyhyjéva rehe, ha emokyre’ỹ ne rembiguaikuérape omombe’u hag̃ua ne evangélio py’aguasupópe.

1 Corintoyguakuérape 5:8

Upévare ñamboarete pe páscua pan reheve ojejapóva levadura’ỹre, péva he’ise teko potĩme ha añetegua reheve, ha ñamombo pe levadúra tuja, péva he’ise teko ñaña ha teko ky’a.